ബാംഗ്ലൂരിന്​ ആ​ശ്വാസ​ ജയം

ന്യൂഡൽഹി: ​പുറത്തായവർ തമ്മിലുള്ള പോരാട്ടത്തിൽ ഡൽഹിക്കെതിരെ ബാംഗ്ലൂർ റോയൽ ചലഞ്ചേഴ്​സിന്​ 10 റൺസ്​ ജയം. ആദ്യം ബാറ്റുചെയ്​ത ബാംഗ്ലൂർ ക്രിസ്​ ഗെയ്​ൽ (48), വിരാട്​ കോഹ്​ലി (58) എന്നിവരുടെ മികവിൽ 161 റൺസെടുത്തിരുന്നു. മറുപടി ബാറ്റിങ്ങിനിറങ്ങിയ ഡൽഹിക്കായി ഋഷഭ്​ പന്ത്​ (45) തിളങ്ങിയെങ്കിലും 151 റൺസിന്​ പോരാട്ടം അവസാനിച്ചു.

 ബാംഗ്ലൂരിനായി പവന്‍ നേഗിയും ഹര്‍ഷല്‍ പട്ടേലും മൂന്ന് വീതം വിക്കറ്റുകള്‍ വീഴ്ത്തി. പ്രാഥമിക റൗണ്ടിലെ 14 മത്സരങ്ങളില്‍ നിന്ന് 12 പോയിന്റ് മാത്രമുള്ള ഡല്‍ഹിയുടെയും 10 പോയിന്റുള്ള ബാംഗ്ലൂരിന്റെയും പ്ലേ ഓഫ് സാധ്യത നേരത്തെ അസ്തമിച്ചിരുന്നു.