പന്തെറിഞ്ഞ്​ പുറം വേദനിച്ചു; ഏറ്റവും വിഷമിപ്പിച്ച ബാറ്റ്​സ്​മാനെ വെളി​െപ്പടുത്തി കമ്മിൻസ്​ ​

സിഡ്​നി: ടെസ്​റ്റ്​ ബൗളിങ്​ റാങ്കിങ്ങിൽ ഒന്നാമനായ ഓസ്​ട്രേലിയൻ പേസ്​ബൗളർ പാറ്റ്​ കമ്മിൻസ്​ തൻെറ മനസ്സ്​തുറ ന്നു. ആസ്​ട്രേലിയൻ ക്രിക്കറ്റ്​ അസോസിയേഷൻെറ ഇൻസ്​റ്റഗ്രാം ചോദ്യോത്തര പരിപാടിയിലാണ്​ പന്തെറിയാൻ ഏറ്റവും ബുദ്ധിമുട്ട്​ സൃഷ്​ടിച്ച ബാറ്റ്​സ്​മാനെ കമ്മിൻസ്​ വെളിപ്പെടുത്തിയത്​.

ഞാൻ തെരഞ്ഞെടുക്കുന്നത്​ മറ്റുള്ളവരിൽ നിന്നും വ്യത്യസ്​തനായ ഒരാളെയാണ്​. ഇന്ത്യയുടെ ചേതേശ്വർ പൂജാരയാണ്​ അത്​. കഴിഞ്ഞ പര്യടനത്തിൽ അദ്ദേഹത്തിന്​ പന്തെറിഞ്ഞു പുറം ഭാഗം വേദനിച്ചു. പരമ്പരയിൽ ഉടനീളം അദ്ദേഹം തകർപ്പൻ ഫോമിലായിരുന്നു. മികച്ച ഏകാഗ്രതയുള്ള താരമാണ്​ അദ്ദേഹം.
അ​​ദ്ദേഹത്തെ പുറത്താക്കുക എന്നത്​ അതി കഠിനമാണ്​. ടെസ്​റ്റ്​ക്രിക്കറ്റിലെ ഏറ്റവും കഠിനമായ വിക്കറ്റ്​ അദ്ദേഹത്തി​േൻറതാണെന്ന്​ ഞാൻ കരുതുന്നു -കമ്മിൻസ്​ ​കൂട്ടിച്ചേർത്തു.

കോഹ്​ലിയുടെ നേതൃത്വത്തിൽ 2018-19 സീസണിൽ പര്യടനത്തിനെത്തിയ ഇന്ത്യ ചരിത്രത്തിലാദ്യമായി ഓസ്​ട്രേലിയൻമണ്ണിൽ ടെസ്​റ്റ്​ പരമ്പര സ്വന്തമാക്കിയിരുന്നു. നാലുമത്സരങ്ങളിൽ നിന്നും 521 റൺസെടുത്ത പൂജാരയാണ്​ അന്ന്​ ഇന്ത്യൻ ബാറ്റിങിനെ നയിച്ചത്​. മൂന്ന്​ സെഞ്ചുറികളും പൂജാര കുറിച്ചിരുന്നു.