ആന്ധ്ര പരീക്ഷയിൽ കേരളം സക്സസ്

തി​രു​വ​ന​ന്ത​പു​രം: കാ​ലാ​വ​സ്ഥ ച​തി​ച്ചി​ല്ല, ക​ണ​ക്കു​കൂ​ട്ട​ൽ തെ​റ്റി​യി​ല്ല. ജ​ല​ജ് സ​ക്സേ​ന​യു​ടെ ഓ​ള്‍റൗ​ണ്ട് മി​ക​വി​ന് മു​ന്നി​ല്‍ ആ​ന്ധ്ര ആ​യു​ധം വെ​ച്ച് കീ​ഴ​ട​ങ്ങി​യ​പ്പോ​ൾ ര​ഞ്​​ജി ട്രോ​ഫി​യി​ൽ ഒ​മ്പ​ത് വി​ക്ക​റ്റി​നാ​ണ് സ​ന്ദ​ർ​ശ​ക​രെ കേ​ര​ളം ചു​രു​ട്ടി​ക്കെ​ട്ടി​യ​ത്. ര​ഞ്ജി​യി​ൽ സീ​സ​ണി​ലെ കേ​ര​ളത്തി​​െൻറ ആ​ദ്യ ജ​യ​മാ​ണി​ത്.

തു​മ്പ സ​െൻറ് സേ​േ​വ്യ​ഴ്സ് കോ​ള​ജ് ഗ്രൗ​ണ്ടി​ൽ വ്യാ​ഴാ​ഴ്ച എ​ട്ടി​ന് 102 എ​ന്ന നി​ല​യി​ൽ ക​ളി​യാ​രം​ഭി​ച്ച ആ​ന്ധ്ര​യെ 115 റ​ൺ​സി​ൽ കേ​ര​ളം ഒ​തു​ക്കി. തു​ട​ർ​ന്ന് 43 റ​ൺ​സി​െൻറ വി​ജ​യ​ല​ക്ഷ്യ​വു​മാ​യി ഇ​റ​ങ്ങി​യ കേ​ര​ള​ത്തെ ജ​ല​ജ് സ​ക്സേ​ന​യും (19 നോ​ട്ടൗ​ട്ട്) രോ​ഹ​ന്‍ പ്രേ​മും (എ​ട്ട് നോ​ട്ടൗ​ട്ട്) ചേ​ർ​ന്ന് ല​ക്ഷ്യ​ത്തി​ലെ​ത്തി​ച്ചു. സ്കോ​ർ ആ​ന്ധ്ര: 254, 115, കേ​ര​ളം: 328, 43/1.

വി​ജ​യ​ത്തോ​ടെ ല​ഭി​ച്ച ആ​റ് പോ​യ​ൻ​റു​ൾ​പ്പെ​ടെ ഏ​ഴ് പോ​യ​ൻ​റു​മാ​യി കേ​ര​ളം എ​ലൈ​റ്റ്​ ബി ​ഗ്രൂ​പ്പി​ൽ ഒ​ന്നാം സ്ഥാ​ന​ത്തേ​ക്ക്​ ക​യ​റി. തു​മ്പ​യി​ൽ ഹൈ​ദ​രാ​ബാ​ദു​മാ​യി ന​ട​ന്ന കേ​ര​ള​ത്തി‍​െൻറ ആ​ദ്യ ഹോം ​മ​ത്സ​രം സ​മ​നി​ല​യി​ലാ​യി​രു​ന്നു. കേ​ര​ള​ത്തി​നാ​യി ആ​ദ്യ ഇ​ന്നി​ങ്​​സി​ല്‍ സെ​ഞ്ച്വ​റി (133) നേ​ടു​ക​യും ര​ണ്ടാം ഇ​ന്നി​ങ്​​സി​ല്‍ എ​ട്ട് വി​ക്ക​റ്റ്​ വീ​ഴ്​​ത്തു​ക​യും ചെ​യ്​​ത ജ​ല​ജ് സ​ക്സേ​ന​യാ​ണ് ക​ളി​യി​ലെ താ​രം.

വ്യാ​ഴാ​ഴ്ച ആ​ദ്യ ഇ​ന്നി​ങ്സി​ലെ സെ​ഞ്ച്വ​റി​വീ​ര​ന്‍ റി​ക്കി ഭൂ​യി​യി​ലാ​യി​രു​ന്നു ആ​ന്ധ്ര​യു​ടെ പ്ര​തീ​ക്ഷ. വാ​ല​റ്റ​ത്തെ കൂ​ട്ടു​പി​ടി​ച്ച് കൂ​റ്റ​ന​ടി​യി​ലൂ​ടെ പ​ര​മാ​വ​ധി ലീ​ഡു​യ​ർ​ത്താ​നാ​യി​രു​ന്നു ഐ.​പി.​എ​ല്ലി​ൽ സ​ൺ​റൈ​സേ​ഴ്സ് ഹൈ​ദ​രാ​ബാ​ദി​​െൻറ താ​ര​മാ​യ ഭു​യി​യു​ടെ ശ്ര​മം. നേ​രി​ട്ട ആ​ദ്യ ഓ​വ​റി​ൽ ഭു​യി ന​യം വ്യ​ക്ത​മാ​ക്കു​ക​യും ചെ​യ്തു. എ​ന്നാ​ൽ, ഭു​യി​യെ (32) അ​ക്ഷ​യ്​​യു​ടെ പ​ന്തി​ൽ ബേ​സി​ൽ ത​മ്പി പി​ടി​ച്ച് പു​റ​ത്താ​ക്കി​യ​തോ​ടെ ആ​ന്ധ്ര പ​ത​നം ഉ​റ​പ്പി​ച്ചു. പി​റ​കെ എ​ത്തി​യ വി​ജ​യ്കു​മാ​റി​ന് സ​ക്സേ​ന​യും മ​ട​ക്ക​ടി​ക്ക​റ്റ് ന​ൽ​കി​യ​തോ​ടെ ആ​ന്ധ്ര​ 115 റ​ൺ​സി​ന്​ പുറത്തായി.

ഏ​ഴു​വ​ർ​ഷ​ത്തി​ന് ശേ​ഷ​മാ​ണ് ആ​ന്ധ്ര​ക്കെ​തി​രെ ര​ഞ്ജി​യി​ൽ കേ​ര​ളം വി​ജ​യം സ്വ​ന്ത​മാ​ക്കു​ന്ന​ത്. 2011ൽ ​വി.​എ. ജ​ഗ​ദീ​ഷ് ക്യാ​പ്​​റ്റ​നാ​യി​രു​ന്ന​പ്പോ​ൾ കൊ​ച്ചി​യി​ൽ നേ​ടി​യ ര​ണ്ട് റ​ൺ​സ് വി​ജ​യ​മാ​യി​രു​ന്നു അ​വ​സാ​ന​ത്തേ​ത്. വി​ജ​യ​ശി​ൽ​പി​യാ​യ ജ​ല​ജ് സ​ക്‌​സേ​ന​ക്ക് കേ​ര​ള ക്രി​ക്ക​റ്റ് അ​സോ​സി​യേ​ഷ​ൻ ഒ​രു​ല​ക്ഷം രൂ​പ പാ​രി​തോ​ഷി​കം പ്ര​ഖ്യാ​പി​ച്ചു. ഈ ​മാ​സം 20ന് ​ഈ​ഡ​ൻ ഗാ​ർ​ഡ​നി​ൽ ശ​ക്ത​രാ​യ ബം​ഗാ​ളു​മാ​യാ​ണ് കേ​ര​ള​ത്തി​െൻറ അ​ടു​ത്ത മ​ത്സ​രം. നി​ല​വി​ലു​ള്ള ക​ളി​ക്കാ​ർ​ക്കു​പു​റ​മെ ഓ​ൾ റൗ​ണ്ട​ർ വി​നോ​ദ്​ കു​മാ​റി​നെ അ​ടു​ത്ത മ​ത്സ​ര​ത്തി​നാ​യി ടീ​മി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.