Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightമഴക്കളി തുടരുന്നു,...

മഴക്കളി തുടരുന്നു, സെമി ഫൈനൽ മത്സരം മുടങ്ങുമോ എന്ന്​ ആശങ്ക

text_fields
bookmark_border
മഴക്കളി തുടരുന്നു, സെമി ഫൈനൽ മത്സരം മുടങ്ങുമോ എന്ന്​ ആശങ്ക
cancel

മാ​ഞ്ച​സ്​​റ്റ​ർ: ലോക കപ്പ്​ ക്രിക്കറ്റിൻെറ ആദ്യ സെമി ഫൈനലിൽ രസം കൊല്ലിയായി എത്തിയ മഴ കളി മുടക്കി. മഴയിൽ മു ങ്ങിയ ഓൾഡ്​ ട്രാഫോഡിൽ ഇന്നിനി കളി നടക്കുമോ എന്ന്​ സംശയം. മൈതാനം കളിക്ക്​ സജ്ജമായാൽ ഓവറുകൾ വെട്ടിച്ചുരുക്കി കളി നടത്തിയേക്കും. ടോസ്​ നേടി ബാറ്റിങ്ങിനിറങ്ങിയ ന്യുസിലൻഡ്​ 46.1 ഓവറിൽ അഞ്ച്​ വിക്കറ്റിന്​ 211 റൺസെടുത്തപ്പോഴ ാണ്​ മഴയെത്തിയത്​. പല വട്ടം ഗ്രൗണ്ടും പിച്ചും പരിശോധിച്ചെങ്കിലും ശമിക്കാത്ത മഴയിൽ കളി തുടരാനാവാത്ത അവസ്​ഥയാ യിരുന്നു. 67 റൺസുമായി വെറ്ററൻ താരം റോസ്​ ടെയ്​ലറും മൂന്ന്​ റൺസുമായി ടോം ലാതമുമാണ്​ ​ ക്രീസിൽ. കരിയറിലെ 50ാം ഏകദി ന അർധ സെഞ്ച്വറിയാണ്​ റോസ്​ ടെയ്​ലർ കുറിച്ചത്​.

സെമി ഫൈനൽ ആയതിനാൽ ബുധനാഴ്​ച റിസർവ്​ ദിനം കളി പുനരാരംഭിച്ചേക്കും. കളി പൂർണമായി മുടങ്ങിയാൽ ഇന്ത്യ നേരിട്ട്​ ഫൈനലിലെത്തും.

അമ്പയറമാർ മൈതാനം പരിശോധിക്കുന്നു

നേരത്തെ തുടക്കത്തിലെ തകർച്ചയ്​ക്കു​ ശേഷം ടീമിനെ കരകയറ്റിയത്​ ക്യാപ്​റ്റൻ കെയ്​ൻ വില്ല്യംസൻെറ അർധ സെഞ്ച്വറിയായിരുന്നു. സ്​കോറിങ്​ ദുഷ്​കരമായ പിച്ചിൽ ടോസ്​ നേടിയ കിവീസ്​ ബാറ്റിങ്​ തെരഞ്ഞെടുക്കുകയായിരുന്നു. ഭുവനേശ്വർ കുമാറും ജസ്​പ്രീത്​ ബുംറയും പന്തെടുത്തു തുടങ്ങിയ ഇന്ത്യയുടെ ആക്രമണം കേമമായിരുന്നു. ഇന്നിങ്ങ്​സിലെ നാലാമത്തെ ഓവറിലെ മൂന്നാം പന്തിൽ ബുംറ അത്യന്തം അപകടകാരിയായ മാർട്ടിൻ ഗപ്​റ്റിലിനെ വീഴ്​ത്തി. 14 പന്ത്​ കളിച്ചിട്ടും ഒരു റൺ മാത്രമെടുക്കാൻ പാടുപെട്ട ഗപ്​റ്റിലിനെ സ്​ലിപ്പിൽ ക്യാപ്​റ്റൻ വിരാട്​ കോഹ്​ലിയുടെ കൈയിൽ എത്തിച്ചു.

ന്യുസിലൻഡ്​ ക്യാപ്​റ്റൻ കെയ്​ൻ വില്ല്യംസൻെറ വിക്കറ്റ്​ നേടിയ യുസ്​വേന്ദ്ര ചഹലിനെ ടീമംഗങ്ങൾ അഭിനന്ദിക്കുന്നു

സ്​കോർ 69 ൽ നിൽക്കെ 28 റൺസ്​ നേടിയ ഹെൻട്രി നിക്കോളാസിൻെറ വിക്കറ്റ്​ സ്​പിന്നർ രവീന്ദ്ര ജദേജ വീഴ്​ത്തി. ഓഫ്​ സ്​റ്റംപിന്​ പുറത്തു പിച്ച്​ ചെയ്​ത പന്ത്​ വെട്ടിത്തിരിഞ്ഞ്​ ബാറ്റിനും പാഡിനുമിടയിലൂടെ നിക്കോളാസിൻെറ കുറ്റി തെറിപ്പിച്ചു. തുടക്കത്തിൽ തന്നെ ഗപ്​റ്റിൽ പുറത്തായെങ്കിലും ക്യാപ്​റ്റൻ കെയ്​ൻ വില്ല്യംസൺ നിക്കോളാസുമായി ചേർന്ന്​ സുരക്ഷിതമാക്കുന്നതിനിടയിലാണ്​ ജദേജ തിരിച്ചടിച്ചത്​.

രണ്ടാം വിക്കറ്റിൽ നികോളാസ്​ - വില്യംസൺ സഖ്യം 68 റൺസാണ്​ കൂട്ടിച്ചേർത്തത്​. തുടക്കത്തിലെ തകർച്ചയിൽ നിന്ന്​ അർധ ശതകവുമായി ടീമിന്​ ആശ്വാസമേകിയ ക്യാപ്​റ്റൻ കെയ്​ൻ വില്ല്യംസണാണ്​ മൂന്നാമതായി പുറത്തായത്​. യുസ്​വേന്ദ്ര ചഹലിൻെറ പന്തിൽ രവീന്ദ്ര ജദേജ പിടിച്ചായിരുന്നു നായകൻെറ മടക്കം. 95 പന്തിൽ ആറ്​ ബൗണ്ടറി അടക്കം 67 റൺസാണ്​ വില്ല്യംസൺ എടുത്തത്​.

ഗാലറിയിലെ ആവേശം

18 പന്തിൽ 12 റൺസെടുത്ത ജെയിംസ്​ നീഷാമിനെ ദിനേഷ്​ കാർത്തിക്കിൻെറ കൈയിലെത്തിച്ച​ ഹർദിക്​ പാണ്ഡ്യ നാലാം വിക്കറ്റ്​ വീഴ്​ത്തി. 10 പന്തിൽ 16 റൺസെടുത്ത കോളിൻ ഡി ഗ്രാൻഡ്​ഹോമാണ്​ ഭുവനേശ്വർ കുമാറിൻെറ പന്തിൽ ധോണി പിടിച്ച്​ അഞ്ചാമനായി പുറത്തായത്​.

ഇ​ന്ത്യ​യും ന്യൂ​സി​ല​ൻ​ഡും ത​മ്മി​ൽ ലീ​ഗ്​ റൗ​ണ്ടി​ൽ ട്ര​​​​​​െൻറ്​​​​ബ്രി​ജി​ൽ ന​ട​ത്താ​നി​രു​ന്ന മ​ത്സ​രം മ​ഴ മൂ​ലം ഉ​പേ​ക്ഷി​ച്ചി​രു​ന്നു.

Show Full Article
TAGS:rain delayed semi final India vs New Zealand ICC world cup Cricket 2019 
Next Story