Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightജോഷി വീണ്ടും ചതിച്ചു;...

ജോഷി വീണ്ടും ചതിച്ചു; ഒടുവിലെത്തിയത്​ വ്യാജ കോഹ്​ലി

text_fields
bookmark_border
kohli-dupe
cancel

ന്യൂഡൽഹി: ‘ആ ജോഷി എന്നെ ചതിച്ചാശാനേ...’ കോട്ടയം കുഞ്ഞച്ചൻ എന്ന ചിത്രത്തിൽ മമ്മൂക്കയുടെ ഇൗ ഡയലോഗും ആ സീനും കണ്ടവരാരും മറക്കാനിടയില്ല. ടൈപ്പ് റൈറ്റിങ് സ്ഥാപനത്തിന്‍റെ ഉദ്​ഘാടനത്തിന്​ മോഹൻലാലിനെ കൊണ്ടു വരുമെന്ന്​ ഉറപ്പു നൽകി പുറപ്പെടുന്ന മമ്മൂട്ടിയുടെ കുഞ്ഞച്ചൻ എന്ന കഥാപാത്രം ഒടു​വിൽ സംവിധായകൻ ജോഷി തന്നെ ചതിച്ചെന്നും മോഹൻലാലിനെ കൊണ്ടുവരാൻ സമ്മതിച്ചില്ലെന്നും പറഞ്ഞ്​ 'പച്ചക്കുളം ഭാസി' എന്ന കൃഷ്​ണൻകുട്ടി നായരുടെ കഥാപാത്ര​െത്ത കൊണ്ട് ഉദ്​ഘാടനം ചെയ്യിക്കുന്നതാണ്​ രംഗം. 

ഇതേ രംഗത്തി​​​​െൻറ തനിയാവർത്തനം മഹാരാഷ്ട്രയിലും നടന്നിരിക്കുന്നു. സിനിമയിലല്ല, ജീവിതത്തിൽ തന്നെ. ​എന്നാൽ, ചെറിയൊരു മാറ്റം. എത്തിക്കുമെന്ന് വാഗ്​ദാനം ചെയ്​തത്​ ഇന്ത്യൻ ക്രിക്കറ്റ്​ താരം വിരാട്​ കോഹ്​ലിയെ ആണെന്ന് മാത്രം. മഹാരാഷ്​ട്രയിലെ ഷിരൂറിൽ രാമലിംഗ ഗ്രാമപഞ്ചായത്തി​ലാണ്​ സംഭവം. പഞ്ചായത്ത്​ തെരഞ്ഞെടുപ്പിൽ സർപഞ്ച്​ ആയി മത്സരിക്കുന്ന വിത്തൽ ഗൺപത് ഗവാട്ട്​ എന്നയാൾ തെരഞ്ഞെടുപ്പ്​ പ്രചരണാർഥം മെയ്​ 25ലെ റാലിയിൽ വിരാട്​ കോഹ്​ലി പ​െങ്കടുക്കുമെന്ന്​ പറഞ്ഞതോടെയാണ്​ രംഗം കൊഴുക്കുന്നത്​. 


ഇൗ ‘വാഗ്​ദാനത്തിന്​’ നാട്ടിൽ​ വലിയ പ്രചാരം ലഭിച്ചു. പാർട്ടി പ്രവർത്തകരും ആരാധകരും കോഹ്​ലി വരുമെന്ന്​ നാടൊട്ടുക്കും പരസ്യം ​െചയ്​തു. സ്​ഥാനാർഥിയും കോഹ്​ലിയും ഒരുമിച്ചുള്ള ഫ്ലക്​സ്​ ബോർഡുകൾ പഞ്ചായത്തിലെ വിവിധ ഇടങ്ങളിൽ ഉയർന്നു. കോഹ്​ലി എത്തുമെന്നു പറഞ്ഞ ദിവസം ഗ്രാമവാസികളും ആരാധകരും പാർട്ടി പ്രവർത്തകരും തങ്ങളുടെ സ്വപ്​ന താരത്തെ ഒരു നോക്കു കാണാനും സെൽഫി എടുക്കാനുമായി തടിച്ചുകൂടി. 

ആകാംഷയോടെ കാത്തിരുന്നവർക്കു മുമ്പിലെത്തിയ ആളെ കണ്ടപ്പോൾ ജനങ്ങൾ ആദ്യം ഒന്നമ്പരന്നു. ​കറുത്ത കണ്ണട ധരിച്ച്​​, വെട്ടി ഒതുക്കിയ താടിയുമായി ടീ ഷർട്ട്​ ധരിച്ച്​ വന്ന ‘കോഹ്​ലി’ താരം തന്നെയാണോ എന്ന് ഉറപ്പിക്കാൻ ആദ്യം ആർക്കും കഴിഞ്ഞില്ല. പിന്നെയാണ് എത്തിയത്​ കോഹ്​ലിയുടെ അപരനാണെന്ന്​ ആളുകൾക്ക്​ ബോധ്യമാവുന്നത്​.​ ത​​​​െൻറ കൈവിട്ടുപോയ വാഗ്​ദാനത്തിൽ നിന്ന്​ രക്ഷ​പ്പെടാൻ വിരാട്​ കോഹ്​ലി​യുടെ മുഖഛായയുള്ള ആളെ എത്തിച്ച്​ തടിതപ്പുകയായിരുന്നു സ്​ഥാനാർഥിയും കൂട്ടരും. സംഭവം പാളിയതോടെ സാമൂഹ്യ മാധ്യമങ്ങളി പരിഹാസപാത്രമായിരിക്കുകയാണ്​ ഇയാൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newsshirurduplicate kohliCandidate PromisesRamalinga Gram PanchayatVirat Kohli
News Summary - Panchayat Candidate Promises Virat Kohli as Chief Guest, Brings Duplicate Instead-india news
Next Story