ആദ്യ ട്വൻറി20യിൽ ന്യൂസിലൻഡിന്​ 47 റൺസ്​ ജയം

നെൽസൺ (ന്യൂസിലൻഡ്​): വിൻഡീസിനെതിരായ ആദ്യ ട്വൻറി20 മത്സരത്തിൽ ന്യൂസിലൻഡിന്​ 47 റൺസ്​ ജയം. ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ കിവികൾ, നിശ്ചിത ഒാവറിൽ ഏഴു വിക്കറ്റ്​ നഷ്​ടത്തിൽ 187 റൺസെടുത്തിരുന്നു. കോളിൻ മൺറോ (53), ​െഗ്ലൻ ഫിലിപ്​സ്​ (55) എന്നിവരുടെ ബാറ്റിങ്​ പ്രകടനത്തിലാണ്​ ന്യൂസിലൻഡ്​ മികച്ച സ്​കോർ കണ്ടെത്തിയത്​. മറുപടി ബാറ്റിങ്ങിനിറങ്ങിയ വിൻഡീസ്​ 140 റൺസിന്​ പുറത്തായി. ആന്ദ്രെ ഫ്ലച്ചറാണ്​ ടോപ്​ സ്​കോറർ (27). മൂന്നു​ മത്സരങ്ങളടങ്ങിയ പരമ്പരയിൽ ന്യൂസിലൻഡ്​ ഇതോടെ 1-0ത്തിന്​ മുന്നിലെത്തി.