Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightമുംബൈയെ പിന്തുടർന്ന്​...

മുംബൈയെ പിന്തുടർന്ന്​ വീഴ്​ത്തി രാജസ്ഥാൻ

text_fields
bookmark_border
മുംബൈയെ പിന്തുടർന്ന്​ വീഴ്​ത്തി രാജസ്ഥാൻ
cancel

ഇന്ത്യൻ പ്രീമിയർ ലീഗിൽ കരുത്തരായ മുംബൈ ഇന്ത്യൻസിനെ നാല്​ വിക്കറ്റിന്​ തകർത്ത്​ രാജസ്ഥാൻ റോയൽസ്​. ആദ്യം ബാറ്റ്​ ചെയ്​ത മുംബൈ 187 റൺസെടുത്ത്​ പുറത്തായിരുന്നു. മറുപടി ബാറ്റ്​ ചെയ്​ത രാജസ്ഥാൻ അവസാന ഓവറിൽ ആവേശകരമായ വിജയം സ്വന്തമാക്കുകയായിരുന്നു. റോയൽസിന്​ വേണ്ടി ജോസ്​ ബട്ട്ലര്‍ 43 പന്തില്‍ നിന്നും 89 റണ്‍സെടുത്തു. ​

ഐ.പി.എല്ലിൽ താളം കണ്ടെത്താൻ ബുദ്ധിമുട്ടിക്കൊണ്ടിരുന്ന രാജസ്ഥാന്​ ഇന്നത്തെ ജയം ആശ്വാസവും അനിവാര്യവുമാണ്​. ബട്ട്ലര്‍ക്ക്​ പുറമേ 21പന്തിൽ 37 റൺസെടുത്ത രഹാനെ, 26 പന്തിൽ 31 റൺസെടുത്ത സഞ്​ജു വി. സാംസൺ എന്നിവരാണ് റോയൽസിന്​ ജയം സമ്മാനിച്ചത്​.

ഒരു ഘട്ടത്തിൽ മുംബൈയുടെ ബൗളിങ്​ കരുത്തിൽ രാജസ്ഥാൻ വീഴുമെന്ന്​ തോന്നിച്ചിരുന്നുവെങ്കിലും മധ്യനിര ബാറ്റ്​സ്​മാൻമാർ കരുത്ത്​ കാട്ടിയതോടെ വിജയം കൈപ്പിടിയിലൊതുക്കി. രാജസ്ഥാന്​ വേണ്ടി ജോഫ്ര ആർച്ചർ മൂന്ന്​ വിക്കറ്റുകൾ വീഴ്​ത്തി.

51 പന്തിൽ ആറ്​ ബൗണ്ടറികളുടെയും നാല്​ സിക്​സറുകളുടെയും അകമ്പടിയോടെ ക്വിൻറിൻ ഡി കോക്​ നേടിയ 81റൺസാണ്​ മുംബൈക്ക്​ വലിയ സ്​കോർ സമ്മാനിച്ചത്​. രോഹിത്​ ശർമ 47 റൺസെടുത്ത്​ പുറത്തായി. ഹർദിക്​ പാണ്ഡ്യ 11 പന്തുകളിൽ മൂന്ന്​ സിക്​സറടക്കം 28 റൺസെടുത്തു. മുംബൈക്കായി ക്രുണാല്‍ പാണ്ഡ്യ മൂന്നും ബുംറ രണ്ടും രാഹുല്‍ ചഹാര്‍ ഒന്നും വിക്കറ്റ് വീഴ്ത്തി.

Show Full Article
TAGS:ipl 2019 
News Summary - Mumbai vs Rajasthan-sports news
Next Story