സൂര്യനസമ്​കാരവും യോഗയും ചെയ്​ത കൈഫിന്​ സോഷ്യൽ മീഡിയയിൽ വിമർശം

ന്യൂഡല്‍ഹി: ക്രിക്കറ്റ്​ താരം മുഹമ്മദ്​ ഷമിക്കെതിരെയുള്ള ട്വീറ്റ്​ ആക്രമണത്തിനു പിറകെ മുൻ താരം മുഹമ്മദ്​ കൈഫിനും ആരാധകരുടെ ചീത്തിവിളി. വ്യായാമത്തി​െൻറ ഭാഗമായി യോഗയും സൂര്യനമസ്‌കാരവും ചെയ്യുന്ന ചിത്രം ട്വിറ്ററില്‍ പോസ്റ്റ് ചെയ്ത മുഹമ്മദ് കൈഫിനെതിരെ ആരാധകർ ചീത്തവിളിയും ട്രോളുകളുമായി ഇറങ്ങി. യോഗ ഇസ്​ലാമികമ​െല്ലന്ന്​ ചൂണ്ടിക്കാട്ടിയാണ്​ ആരാധകർ കൈഫിനെതിരെ എത്തിയത്​. മുസ്​ലിമായ കൈഫ്​ ഇസ്​ലാമിക വിരുദ്ധമായ യോഗ ചെയ്യുന്നതിനെതിരെ ട്രോളുകളും ട്വിറ്ററിൽ നിറഞ്ഞു.

യോഗയും സൂര്യനമസ്‌കാരവും ചെയ്യുന്ന നാല് ചിത്രങ്ങളാണ് കൈഫ് ട്വിറ്ററില്‍ പോസ്റ്റ് ചെയ്തിരുന്നത്. പ്രത്യേക ഉപകരണങ്ങളുടെ സഹായമല്ലാതെ ചെയ്യാനാവുന്ന സമഗ്രമായ ഒരു വ്യായാമ മുറയാണ് യോഗയെന്നും അദ്ദേഹം ട്വീറ്റ്​ ചെയ്​തിരുന്നു. ഇതിനെതിരെയാണ്​ ഒരു വിഭാഗം കടുത്ത വിമർശവുമായി എത്തിയത്​.

Surya Namaskar is a complete workout fr the physical system,a comprehensive exercise form without any need fr equipment.#KaifKeFitnessFunde pic.twitter.com/snJW0SgIXM

— Mohammad Kaif (@MohammadKaif) December 31, 2016

എന്നാൽ ത​നിക്കെതിരെ   വിമര്‍ശനങ്ങളുമായെത്തിയവര്‍ക്ക് ട്വിറ്ററിലൂടെ തന്നെ മറുപടി നൽകാൻ കൈഫ്​ മറന്നില്ല.യോഗ ചെയ്യുന്ന സമയത്തെല്ലാം തന്റെ മനസ്സിലുണ്ടായിരുന്നത് അള്ളാഹു ആയിരുന്നെന്ന് മറുപടി ട്വീറ്റില്‍ കൈഫ് വ്യക്തമാക്കി. യോഗയായാലും ജിമ്മില്‍ പോയുള്ള വ്യായാമമായാലും അതില്‍ മതത്തിന് എന്ത് സ്ഥാനമാണുള്ളതെന്ന് മനസ്സിലാകുന്നില്ല. ഇവയെല്ലാം മനുഷ്യരുടെ നന്മക്കു വേണ്ടിയുള്ളതാണെന്നും അദ്ദേഹം മറുപടി ട്വീറ്റിൽ കുറിച്ചു.

 

In all 4pics,I had Allah in my heart.
Cant understand what doing any exercise,
Surya Namaskar or Gym has to do with religion.It benefits ALL pic.twitter.com/exq5pUclvu

— Mohammad Kaif (@MohammadKaif) December 31, 2016

ദിവസങ്ങൾക്കു മുമ്പ്​ ഭാര്യയുമൊത്തുള്ള ചിത്രം പോസ്​റ്റ്​ ചെയ്​ത ക്രിക്കറ്റ് താരം മുഹമ്മദ് ഷമിക്കെതിരെ സോഷ്യല്‍ മീഡിയയിൽ ആരാധകർ സദാചാര കളാസെടുത്തിരുന്നു. ചിത്രത്തിൽ ഷമിയുടെ ഭാര്യ ഹസിൻ ധരിച്ചിരുന്ന പാശ്ചാത്യ രീതിയിലുള്ള വസ്ത്രം അനിസ്ലാമികമാണെന്ന് ചൂണ്ടിക്കാട്ടിയായിരുന്നു വിമര്‍ശനം. ഈ വിമര്‍ശനത്തെ അപലപിച്ചും ഷമിക്ക്​ പിന്തുണ പ്രഖ്യാപിച്ചും കൈഫ് രംഗത്തെത്തിയിരുന്നു.