വീണ്ടും അർധസെഞ്ച്വറിയുമായി മിതാലി രാജ്​; ട്വൻറി20യിൽ വനിതകൾക്ക്​ രണ്ടാം ജയം

ബ​ഫലോ പാർക്ക് ​(ദക്ഷിണാഫ്രിക്ക): മിതാലി രാജ്​ വീണ്ടും അർധസെഞ്ച്വറിയുമായി തിളങ്ങിയപ്പോൾ ദക്ഷിണാഫ്രിക്കക്കെതിരായ രണ്ടാം ട്വൻറി20യിലും ഇന്ത്യൻ വനിതകൾക്ക്​ ജയം. ഒമ്പതുവിക്കറ്റിനാണ്​ ആതിഥേയരെ പെൺപട തകർത്തുവിട്ടത്​.

ആദ്യം ബാറ്റുചെയ്​ത ദക്ഷിണാഫ്രിക്ക നിശ്ചിത ഒാവറിൽ ഏഴുവിക്കറ്റ്​ നഷ്​ടത്തിൽ 142 റൺസെടുത്തു. മറുപടി ബാറ്റിങ്ങിനിറങ്ങിയ ഇന്ത്യ മിതാലി രാജി​​െൻറയും(76*), സ്​മൃതി മന്ദാനയുടെയും(57) അർധസെഞ്ച്വറി കരുത്തിൽ വിജയലക്ഷ്യം അനായാസം മറികടന്നു.

ഹർമൻപ്രീത്​ ഏഴുറൺസുമായി പുറത്താകാതെ നിന്നു. അഞ്ചു മത്സരങ്ങളടങ്ങിയ ട്വൻറി20 പരമ്പരയിൽ ഇതോടെ ഇന്ത്യ 2-0ന്​ മുമ്പിലെത്തി.