Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightമീ ടു: രണതുംഗക്ക്​...

മീ ടു: രണതുംഗക്ക്​ പിന്നാലെ മലിംഗയും

text_fields
bookmark_border
മീ ടു: രണതുംഗക്ക്​ പിന്നാലെ മലിംഗയും
cancel

മുംബൈ: മുൻ ശ്രീലങ്കൻ ക്യാപ്​റ്റൻ അർജുന രണതുംഗ മീ ടു ആരോപണത്തിൽ കുടുങ്ങിയതിന്​ പിന്നാലെ ഫാസ്​റ്റ്​ ബൗളർ ലസിത്​ മലിംഗയും കുരുക്കിലേക്ക്​. തമിഴ്​ ഗായിക ചിൻമയിയാണ്​ മലിംഗക്കെതിരെ രംഗത്തെത്തിയത്​. മലിംഗ ഒരു യുവതിയെ ഉപദ്രവിച്ചതുമായി​ ബന്ധപ്പെട്ടാണ്​ ചിൻമയിയുടെ വെളിപ്പെടുത്തൽ.

മുംബൈയിൽ ​െഎ.പി.എൽ സീസണിനിടെയായിരുന്നു സംഭവമെന്ന്​ ചിൻമയി വിശദീകരിക്കുന്നു. പേര്​ വെളിപ്പെടുത്താൻ കഴിയാത്ത സ്​ത്രീയുടെ കുറിപ്പ്​ എന്ന പേരിലാണ്​ മലിംഗക്കെതിരായ ആരോപണം ചിൻമയി ട്വിറ്ററിലുടെ ഉന്നയിച്ചിരിക്കുന്നത്​. സുഹൃത്തിനെ കാണാനായി ഹോട്ടലിലെത്തിയ സ്​ത്രീയെ മലിംഗ തെറ്റിദ്ധരിപ്പിച്ച്​ മുറിയിലെത്തിച്ചതിന്​ ശേഷം പീഡിപ്പിക്കുകയായിരുന്നുവെന്നാണ്​ ചിൻമയി പറയുന്നത്​. പിന്നീട്​ മലിംഗയുടെ റൂമിൽ മദ്യം നൽകാൻ ഹോട്ടലിലെ ജീവനക്കാർ എത്തിയപ്പോഴാണ്​ അവർ അവിടെ നിന്ന്​ രക്ഷപ്പെട്ടതെന്നും ചിൻമയി കുറിപ്പിൽ വ്യക്​തമാക്കുന്നുണ്ട്​.

നേരത്തെ ശ്രീലങ്കൻ ക്രിക്കറ്റ്​ ടീം മുൻ ക്യാപ്​റ്റനും ഇപ്പോഴത്തെ പെട്രോളിയം മന്ത്രിയുമായി അർജുന രണതുംഗക്കെതിരെയും മീ ടു ആരോപണവുമായി യുവതി രംഗത്തെത്തിയിരുന്നു. മുംബൈയിൽ നിന്നുള്ള വിമാന ജീവനക്കാരിയാണ്​ ആരോപണം ഉന്നയിച്ചത്​.

Show Full Article
TAGS:metoo Lasith Malinga Sexual Harassment sports news malayalam news 
News Summary - MeToo: Lasith Malinga accused-Sports news
Next Story