ഹൻഡ്രഡ്​ ലീഗിലും പണമിറക്കാൻ കൊൽക്കത്ത നൈറ്റ്​​റൈഡേഴ്​സ്​

കൊൽക്കത്ത: ബോളിവുഡ്​ താരം ഷാരൂഖ്​ ഖാൻെറ ഉടമസ്​ഥതയിലുളള്ള ഇന്ത്യൻ പ്രീമിയർ ലീഗ്​ ടീം കൊൽക്കത്ത നൈറ്റ്​റൈഡേഴ്​സ്​ ഇംഗ്ലീഷ്​ ക്രിക്കറ്റ്​ ബോർഡിൻെറ സ്വപ്​ന പദ്ധതിയായ ‘ദ ഹൻഡ്രഡിൽ’ മുതൽ മുടക്കാനൊരുങ്ങുന്നു. കോവിഡ്​ മൂലം നീട്ടിവെച്ച ടൂർണമ​െൻറിനെക്കുറിച്ച്​ പഠിച്ച ശേഷം നിക്ഷേപം നടത്തുന്നത്​ ആലോചിക്കുമെന്ന്​ കെ.കെ.ആർ സി.ഇ.ഒ വെങ്കി മൈസൂർ ബ്രിട്ടീഷ്​ പത്രമായ ഡെയ്​ലി മെയിലിനോട്​ വ്യക്​തമാക്കി. 

രണ്ട്​ വട്ടം ഐ.പി.എൽ കിരീടമുയർത്തിയ കൊൽക്കത്ത 2015ൽ കരീബിയൻ പ്രീമിയർ ലീഗിലെ ട്രിനിഡാഡ്​ ആൻഡ്​ ടൊബാഗോ റെഡ്​ സ്​റ്റീലിനെ സ്വന്തമാക്കിയിരുന്നു. ട്രിൻബാഗോ നൈറ്റ്​റൈഡേഴ്​സ്​ എന്ന്​ പേരുമാറിയ ടീം 2017ലും 2018ലും ലീഗിൽ വെന്നിക്കൊടി പാറിച്ചു. ക്രിക്കറ്റ്​ സൗത്ത്​ ആഫ്രിക്ക തുടങ്ങാനിരുന്ന ഗ്ലോബൽ ടി20 ലീഗിലെ കേപ്​ടൗൺ ഫ്രാ​െഞ്ചെസി കെ.കെ.ആർ സ്വന്തമാക്കിയെങ്കിലും 2017ൽ ടൂർണമ​െൻറ്​ വെളിച്ചം കാണാതെ ഉപേക്ഷിച്ചു. 

100 പന്തുകൾ വീതമുള്ള ഹണ്ട്രഡ്​ ലീഗിൽ 18 കൗണ്ടി ക്ലബുകളല്ലാതെ എട്ട്​ പുതിയ ഫ്രാഞ്ചൈസികളെയാണ്​ ഇംഗ്ലീഷ്​ ബോർഡ്​ അവതരിപ്പിക്കുന്നത്​. ജൂലൈയിൽ നടക്കേണ്ടിയിരുന്ന ടുർണമ​െൻറ്​ മഹാമാരിയുടെ പശ്ചാത്തലത്തിൽ 2021ലേക്ക്​ മാറ്റിയിരുന്നു.