ഒാപണറായി ഏറ്റവും കൂടുതൽ റൺസ്​: ജയസൂര്യയെ കടന്ന്​ രോഹിത്​

കട്ടക്ക്​: കലണ്ടർ വർഷത്തിൽ എല്ലാഫോർമാറ്റിലുമായി ഏറ്റവും കൂടുതൽ റൺസ്​ നേടുന്ന ഓപണറായി ഇന്ത്യയുടെ രോഹിത്​ ശർമ. വിൻഡീസിനെതിരായ മൂന്നാം ഏകദിനത്തിൽ ഒമ്പത്​ റൺസ്​ എടുത്തതോടെ സനത്​ ജയസൂര്യയുടെ 22 വർഷം പഴക്കമുള്ള റെക്കോഡ്​ മറികടന്നു. 1997ൽ 2387 റൺസാണ്​ ജയസൂര്യ കുറിച്ചത്​. ഞായറാഴ്​ച 63 റൺസെടുത്ത്​ പുറത്തായ രോഹിത്​ 2442 റൺസുമായി റെക്കോഡ്​ സ്വന്തം പേരിലാക്കി. ടെസ്​റ്റ്​, ഏകദിനം, ട്വൻറി20യിലായി 47 ഇന്നിങ്​സിൽ 10 സെഞ്ച്വറി നേടി.