കേൾവി തിരികെ പിടിച്ച് ഫിദയെ​ത്തി, ‘കാതോരം’ സദസ്സ് കാതോർത്തിരുന്നു

തിരുവനന്തപുരം: വൈകല്യങ്ങളെ മറികടന്നതി​​െൻറ ആത്മവിശ്വാസവുമായാണ് ഫിദ ഫെബിൻ ‘ക​േതാരം’ പരിപാടിയുടെ ഉദ്​ഘാടന ചടങ്ങിനെത്തിയത്​. കാഴ്​ചക്കാരിയും കേൾവിക്കാരിയുമായല്ല, മന്ത്രിയടക്കം പ​െങ്കടുക്കുന്ന പരിപാടിയെ നയിക്കുന്ന അവതാരകയായിട്ടായിരുന്നു നിയോഗം. സംസ്ഥാനത്ത്​ ആദ്യമായി കോക്ലിയർ ഇംപ്ലാൻറ്​ ശസ്​ത്രക്രിയ നടത്തിയ കുട്ടി എന്നതാണ്​ കോഴിക്കോട് ബാലുശ്ശേരി സ്വദേശിയായ ഫിദയെ ചടങ്ങിൽ വ്യത്യസ്​തയാക്കിയത്​. ജന്മനാ കേൾവി ശക്തി ഇല്ലാതിരുന്ന ഫെബിന് 2002 ഏപ്രിൽ 28 നാണ് കോഴിക്കോട് മെഡിക്കൽ കോളജ് ആശുപത്രിയിൽ കോക്ലിയർ ഇംപ്ലാൻറ് ശസ്ത്രക്രിയ നടത്തിയത്. 

ജന്മനാ നഷ്​ടമായ കേൾവിശക്തി തിരികെപ്പിടിച്ച ഫിദ പതർച്ചകളോ ഇടർച്ചകളോ ഇല്ലാ​െത ത​​​െൻറ ചുമതല ഭംഗിയായി പൂർത്തിയാക്കുകയും ചെയ്​തു. ഉദ്​ഘാടകയായ മന്ത്രി കെ.കെ. ​ൈശലജയുടെ അടക്കം അഭിനന്ദനങ്ങൾ ഏറ്റുവാങ്ങിയാണ്​ ഇപ്പോൾ തൃശൂർ എൻജിനീയറിങ്​ കേളജിൽ ഇലക്ട്രോണിക്സ് ആൻഡ്​ കമ്യൂണിക്കേഷൻസ് വിദ്യാർഥിയായ ഫിദ വേദി വിട്ടത്​. കോക്ലിയര്‍ ഇംപ്ലാൻറ്​  നടത്തിയ കുട്ടികള്‍ അവതരിപ്പിച്ച കലാപരിപാടികളും ചടങ്ങിൽ ഏറെ ശ്രദ്ധനേടി. ശ്രവണ വൈകല്യങ്ങൾ പരിഹരിച്ച്​ 720 കുട്ടികളെയാണ്​ സർക്കാർ ശബ്​ദത്തി​​​െൻറ ലോകത്തേക്ക്​ കൊണ്ടുവന്നത്​. ഇടതു സര്‍ക്കാര്‍ അധികാരത്തിൽ വന്ന ശേഷം 132 കോക്ലിയര്‍ ഇംപ്ലാൻറ്​ നടത്തിയിട്ടുണ്ട്​. സംസ്ഥാനത്ത്​ എട്ടുലക്ഷത്തോളം പേർ ഭിന്നശേഷിക്കാരായുണ്ട്​. ഇതിൽ 82,000 പേർ കേൾവി വൈകല്യമുള്ളവരാണ്​. ഇതിൽ തന്നെ 16,000 പേർ 19 വയസ്സിന്​ താ​െഴയുള്ളവരാണെന്നാണ്​ കണക്ക്​. 

ശിശുക്കളിലെ കേൾവി പരിശോധന കാണാൻ തൈക്കാട്​ ആശുപത്രിയിൽ ബ്രെറ്റ് ലീ എത്തി
ജനിച്ച് മാസത്തിനുള്ളില്‍ കേള്‍വി പരിശോധനക്ക്​ വിധേയരാക്കുന്ന കുട്ടികളെ കാണാൻ ആസ്‌ത്രേലിയന്‍ മുന്‍ അന്താരാഷ്​ട്ര ക്രിക്കറ്റ് താരം ബ്രെറ്റ് ലീ തൈക്കാട്​ സ്​ത്രീകളുടെയും കുട്ടികളുടെയും ആശുപത്രിയിലെത്തി. കുട്ടികളിലെ  ശ്രവണ വൈകല്യങ്ങള്‍ പരിഹരിക്കാനുള്ള പദ്ധതിയായ ‘കാതോര’ത്തി​‍​െൻറ ഉദ്ഘാടന ശേഷമാണ്​ ഗ്ലോബല്‍ ഹിയറിങ്​ അംബാസഡറായ ബ്രെറ്റ് ലീ  ആശുപത്രി സന്ദർശിക്കാനെത്തിയത്​. ക്രിക്കറ്റ്​ ഇതിഹാസത്തെ ആശുപത്രി  അധികൃതരും ജീവനക്കാരും സ്​നേഹാദരവോടെ എതിരേറ്റു.  ആശുപത്രിയിലെ യൂനിവേഴ്‌സല്‍ ഹിയറിങ്​ സ്‌ക്രീനിങ്​ യൂനിറ്റിലെ  പ്രവര്‍ത്തനങ്ങൾ അദ്ദേഹം നേരിട്ട് മനസ്സിലാക്കി. നിരവധി കുഞ്ഞുങ്ങളെ  ജനിച്ച് മാസത്തിനുള്ളില്‍ കേള്‍വി പരിശോധനക്ക്​ വിധേയരാക്കുന്നത്  അദ്ദേഹം നേരിൽ കണ്ടു. ആശുപത്രിയിലെ പ്രവര്‍ത്തനങ്ങള്‍  മാതൃകാപരമാണെന്നും കൂടുതല്‍ കുഞ്ഞുങ്ങള്‍ക്ക് ഇത്തരത്തില്‍  പരിശോധനക്കുള്ള സംവിധാനം ലഭിക്കട്ടെയെന്നും അദ്ദേഹം പറഞ്ഞു.