നമസ്‌കാരനിര കൊണ്ട് സില്‍വര്‍ ഫേൺ; ചിത്രം പങ്കുവെച്ച്​ കെയ്ന്‍ വില്യംസണ്‍

ന്യൂസിലൻറിലെ ക്രൈസ്റ്റ് ചര്‍ച്ചിലുണ്ടായ ഭീകരാക്രമണത്തിൽ ജീവൻ പൊലിഞ്ഞവർക്ക്​ ആദരാജ്ഞലികളർപ്പിച്ചുകൊണ്ട് ന്യൂസിലൻഡ്​​ ക്രിക്കറ്റ് ടീം ക്യാപ്റ്റൻ കെയ്ന്‍ വില്യംസ​ണിട്ട ഫേസ്​ബുക്ക്​ പോസ്റ്റ് ഏറ്റെടുത്തിരിക്കുകയാണ ്​ സമൂഹമാധ്യമ ലോകം. നമസ്‌കരിക്കാനായി നിരന്നു നില്‍ക്കുന്നവരുടെ നിഴൽ രൂപങ്ങളെ ചേർത്ത്​ ന്യൂസിലൻഡി​​​​െൻറ അനൗദ്യോഗിക ചിഹ്നമായ സില്‍വര്‍ ഫേണി​​​​െൻറ രൂപത്തിൽ വരച്ച ചിത്രമാണ് കെയ്ന്‍ വില്യംസണ്‍ പങ്കുവെച്ചത്. ഭീകരാക്രമണത്തെ തുടര്‍ന്ന് ഇരകൾക്ക്​ ഐക്യദാര്‍ഢ്യം പ്രഖ്യാപിച്ചുകൊണ്ട്​ ന്യൂസിലൻഡിൽ നടന്ന പരിപാടിയുടെ പ്രചരണത്തി​​​​െൻറ ഭാഗമായി കെയ്ത് ലീ എന്ന സിംഗപൂരുകാരനായ കലാകാരൻ വരച്ച ചിത്രമാണിത്.

പള്ളിയിലേക്ക് ഇയാള്‍ തോക്കുമായി നടന്നുകയറുമ്പോള്‍ ‘വരൂ സഹോദരാ’(ഹലോ ബ്രദര്‍) എന്ന് പറഞ്ഞായിരുന്നു പള്ളിയിലുണ്ടായിരുന്ന വിശ്വാസി സ്വാഗതം ചെയ്തത്. ആ വൃദ്ധനേയും വെടിവെച്ചിട്ടായിരുന്നു കൊലയാളി കൂട്ടക്കൊല തുടർന്നത്. വൃദ്ധനോടുള്ള ആദര സൂചകമായി ആ വാക്കുകളും ഹാഷ്​ടാഗായി പോസ്റ്ററിൽ ഉൾക്കൊള്ളിച്ചിട്ടുണ്ട്​. ചിത്രത്തോടൊപ്പം ഭീകരാക്രമണത്തി​​​​​െൻറ ഞെട്ടല്‍ പങ്കുവെക്കുന്ന കുറിപ്പും കെയ്ന്‍ വില്യംസണ്‍ പങ്കുവെച്ചിട്ടുണ്ട്.

‘മറ്റ് ന്യൂസിലൻഡുകാരെ പോലെ എന്താണ് സംഭവിച്ചതെന്ന് ഉള്‍ക്കൊള്ളാനായിട്ടില്ല. രാജ്യം ഇത്രമേല്‍ സ്‌നേഹത്തിനായി ദാഹിക്കുന്ന മറ്റൊരു ഘട്ടമുണ്ടായിട്ടില്ല. രാജ്യത്തെ മുസ്ലിങ്ങള്‍ക്കും ഭീകരാക്രമണത്തില്‍ ഇരകളായവര്‍ക്കും അവരുടെ ബന്ധുമിത്രാദികള്‍ക്കും ഒപ്പം ഹൃദയം നുറുങ്ങിയ ഓരോ ന്യൂസിലൻഡുകാരനും എ​​​​െൻറ ഐക്യദാര്‍ഢ്യം പങ്കുവെക്കുന്നു. വരൂ, നമുക്കൊന്നിച്ചു നില്‍ക്കാം’ കെയ്ന്‍ വില്യംസണ്‍ ഫേസ്​ബുക്കിലിട്ട കുറിപ്പില്‍ പറയുന്നു.