Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightമെൽബൺ ടെസ്​റ്റ്​:...

മെൽബൺ ടെസ്​റ്റ്​: ഇന്ത്യ 346 റൺസ്​ മുന്നിൽ; ആറ്​ വിക്കറ്റുമായി ബുംറ

text_fields
bookmark_border
മെൽബൺ ടെസ്​റ്റ്​: ഇന്ത്യ 346 റൺസ്​ മുന്നിൽ; ആറ്​ വിക്കറ്റുമായി ബുംറ
cancel

മെൽബൺ: ഇന്ത്യൻ ക്യാപ്​റ്റൻ വിരാട്​ കോഹ്​ലിയുടെ സ്വപ്​നങ്ങ​െളക്കാൾ വേഗത്തിൽ പന്തെറിഞ്ഞ ജസ്​പ്രീത്​ ബുംറയാ യിരുന്നു മെൽബണിലെ താരം. ബുദ്ധിയും പ്രതിഭയും പന്തിൽ ആവാഹിച്ചെറിഞ്ഞ ബുംറ ബൂമറാങ്ങായിമാറിയപ്പോൾ മൂന്നാം ടെസ്​ റ്റി​​െൻറ ആദ്യ ഇന്നിങ്​സിൽ ഒാസിസ്​ നടുവൊടിഞ്ഞു വീണു. ഒന്നിനൊന്ന്​ മികച്ച പന്തുകളിലൂടെ ആറ്​ ഒാസിസ്​ വിക്കറ് റ്​ വീഴ്​ത്തിയ ബുംറ ആതിഥേയരെ 151ന്​ കൂടാരം കയറ്റി. ഒന്നാം ഇന്നിങ്​സിൽ 292 റൺസി​​െൻറ ഉജ്ജ്വല ലീഡ്​ നേടിയ ഇന്ത്യ എതി രാളിയെ ഫോളോഒാൺ ചെയ്യിക്കാതെ രണ്ടാം ഇന്നിങ്​സ്​ തുടർന്നപ്പോഴും വിക്കറ്റ്​ വീഴ്​ച. മൂന്നാംദിനം കളി അവസാനിക ്കു​േമ്പാൾ സന്ദർശകർ അഞ്ചിന്​ 54 റൺസെന്ന നിലയിൽ. എങ്കിലും 346 റൺസി​​െൻറ മൂൻതൂക്കം കളി ജയിക്കാൻ മാത്രമുണ്ടെന്ന്​ ആശ്വസിക്കാം. അരങ്ങേറ്റ ടെസ്​റ്റ്​ അതിഗംഭീരമാക്കിയ ഒാപണർ മായങ്ക്​ അഗർവാളും (28) വിക്കറ്റ്​ കീപ്പർബാറ്റ്​സ്​മാൻ ഋഷഭ്​ പന്തുമാണ്​ (6) ക്രീസിൽ. ആദ്യ രണ്ടുദിനം വിക്കറ്റ്​ വീഴാൻ മടിച്ച പിച്ചിൽ വെള്ളിയാഴ്​ച 15 വിക്കറ്റുകളാണ്​ വീണത്​.

ഒരു ദിനം; 15 വിക്കറ്റ്​
വെറും രണ്ട്​ സെഷൻ, 67 ഒാവർ. ആതിഥേയരായ ആസ്​ട്രേലിയയുടെ പത്ത്​ വിക്കറ്റും പിഴുതെറിഞ്ഞ്​ മെൽബണിൽ ഇന്ത്യ വിജയാഘോഷത്തിലേക്ക്​. വിക്കറ്റൊന്നും നഷ്​ടമാവാതെ എട്ട്​ റൺസെന്ന നിലയിൽ ക്രീസിലെത്തിയ ആസ്​ട്രേലിയക്കെതിരെ കെണിയൊരുക്കിയാണ്​ ഇന്ത്യ വന്നത്​. പതിവ്​ ഒാസീസ്​ പിച്ചിൽനിന്ന്​ വ്യത്യസ്​തമായ സ്വഭാവം കാണിച്ച എം.സി.ജിയിൽ ഒാപണർ ഫിഞ്ച്​ മുതൽ അവസാന വിക്കറ്റായി ഹേസൽവുഡ്​ പുറത്തായതിൽ വരെയുണ്ടായിരുന്നു ഇന്ത്യയുടെ ഹോംവർക്കി​​െൻറ വിജയം. വെള്ളിയാഴ്​ചയെറിഞ്ഞ നാലാം ഒാവറിൽ തുടർച്ചയായി ഇൻസ്വിങ്ങർ എറിഞ്ഞ ഇശാന്ത്​ ആരോൺ ഫിഞ്ചിനെ (8) മടക്കിയത്​ മുതൽ തുടങ്ങി വിക്കറ്റ്​ വീഴ്​ച. മാർകസ്​ ഹാരിസിനെ (22) ബൗണ്ടറി ലൈനിൽ ബുംറ ഇശാന്തി​​െൻറ കൈകളിലെത്തിച്ച്​ വേട്ടക്ക്​ തുടക്കമിട്ടു. ഇശാന്ത്​, ഷമി, ബുംറ, ജദേജ എന്നിവർ മാറിമാറി നടത്തിയ ഇന്ത്യൻ ആക്രമണത്തിനു​ മുന്നിൽ ഒരിക്കൽപോലും ഒാസിസിന്​ തലയുയർത്തി നിൽക്കാനായില്ല. ഏഴാം വിക്കറ്റിൽ കമ്മിൻസ്​-പെയ്​ൻ കൂട്ടുകെട്ട്​ 36 റൺസ്​ അടിച്ചതായിരുന്നു ഉയർന്ന പാട്​ണർഷിപ്. മാർഷ്​-ഹെഡ്​ കൂട്ടുകെട്ടും ഇതേ സ്​കോർ കണ്ടെത്തി.

നോ ​ഫോളോഒാൺ
292 റൺസ്​ ലീഡുണ്ടായിട്ടും ആസ്​ട്രേലിയയെ ഫോളോഒാൺ ചെയ്യിക്കേണ്ടെന്ന കോഹ്​ലിയുടെ തീരുമാനം ​ഏവരെയും ​അമ്പരപ്പിച്ചു. സമ്പൂർണ മേധാവിത്വമുണ്ടായിരുന്ന ഇന്ത്യ, ആസ്​ട്രേലിയക്ക്​ പഴുത്​ നൽകിയെന്നായിരുന്നു മൂന്നാംദിനം പൂർത്തിയായപ്പോൾ അലൻ ബോഡറുടെ പ്രതികരണം. ‘ശനിയും ഞായറും ശക്​തമായ മഴയുണ്ടാവു​െമന്ന്​ പ്രവചിച്ച സാഹചര്യത്തിൽ ഇന്നിങ്​സ്​ ജയത്തിനുള്ള സാധ്യത ഇന്ത്യ കളഞ്ഞുകുളിച്ചു. ബുംറ മികച്ച ഫോമിൽ പന്തെറിയുന്നതും പിച്ചിൽ ഇന്ത്യൻ ബൗളർമാർ നിയന്ത്രണമേറ്റതും പരിഗണിച്ചാൽ കോഹ്​ലിയുടെ തീരുമാനം അമ്പരപ്പിച്ചു’ -ബോഡർ പറഞ്ഞു.

വി.​വി.​എ​സ്.​ ല​ക്ഷ്​​മ​ണും രാ​ഹു​ൽ ദ്രാ​വി​ഡും 2001 കൊ​ൽ​ക്ക​ത്ത ടെ​സ്​​റ്റി​നി​ടെ


കൊൽക്കത്ത ഇഫക്​ട്​
292 റൺസ്​ ലീഡുണ്ടായിട്ടും കോഹ്​ലി എന്തുകൊണ്ട്​ ഫോളോഒാൺ ചെയ്യിച്ചില്ലെന്ന ചോദ്യത്തിന്​ ഉത്തരമാണ്​ 2001ലെ കൊൽക്കത്ത ഇഫക്​ട്​. ഇൗഡൻ ഗാഡൻസിൽ ആസ്​ട്രേലിയക്കെതിരെ ഇന്ത്യ 274 റൺസ്​ ഒന്നാം ഇന്നിങ്​സ്​ ലീഡ്​ വഴങ്ങി ഫോളോഒാൺ ചെയ്​തു. എന്നാൽ, ലക്ഷ്​മണി​​െൻറ ഇരട്ട സെഞ്ച്വറി മികവിൽ ഇന്ത്യ 657 റൺസ്​ നേടി ഒാസിസിനെ അമ്പരപ്പിച്ചു. അവസാന ദിനം പിടിച്ചുനിൽക്കാൻപോലും കഴിയാതെപോയ ഒാസിസ്​ 212ന്​ പുറത്ത്​. ഇന്ത്യക്ക്​ 171 റൺസ്​ ജയം. കൊൽക്കത്ത ഇഫക്​ട്​ എന്നറിയപ്പെടുന്ന ഇൗ ഫലത്തിനു ശേഷം ടെസ്​റ്റ്​ ക്രിക്കറ്റിൽ ഫോളോ ഒാൺ നയംമാറി. 2001നു​മുമ്പ്​ 300 റൺസിൽ കുറവാണ്​ ലീഡെങ്കിൽ 87.7 ശതമാനമായിരുന്നു ഫോളോ​ഒാൺ. 2001നുശേഷം ഇത്​ 37.2ശതമാനമായി കുറഞ്ഞു. ഒാരോ ദിവസവും ബാറ്റിങ്​ ദുഷ്​കരമാവുന്ന പിച്ചിൽ അഞ്ചാംദിനം ഏറെ പരിതാപകരമാവും അവസ്​ഥയെന്നതും കോഹ്​ലിയുടെ തീരുമാനത്തെ സ്വാധീനിച്ചു.

Show Full Article
TAGS:india australia third test sports news malayalam news 
News Summary - Jasprit Bumrah Is On A Roll-Sports news
Next Story