ജാക്ക്​ കാലിസ് ‘ഹാഫ്​ ഷേവ്​’ ചെയ്തത് എന്തിന്?

21:26 PM
29/11/2019
ജൊഹാനസ്​ബർഗ്​: മുൻ ദക്ഷിണാഫ്രിക്കൻ ഓൾറൗണ്ടർ ജാക്ക്​ കാലിസ്​ ട്വിറ്ററിൽ പങ്കുവെച്ച ചിത്രം കണ്ട്​ ഏവരും ഞെട്ടി. പകുതി താടിയും മീശയും വൃത്തിയായി വടിച്ച ചിത്രം കണ്ട്​ പലരും രൂപമാറ്റം നടത്തിയ ചിത്രമാണോ എന്നുപോലും സംശയിച്ചു. എന്നാൽ, കാണ്ടാമൃഗ സംരക്ഷണ ബോധവത്​കരണത്തി​​െൻറയും ധനസമാഹരണത്തി​​െൻറയും ഭാഗമായുള്ള​ കാലിസി​​െൻറ വേറിട്ട പ്രചാരണ രീതിയായിരുന്നു ഇത്​.

നെഞ്ചിലെ രോമങ്ങളും വടിച്ച താരം നവംബർ അവസാനം വരെ തൽസ്​ഥിതി തുടരുമെന്ന്​ അറിയിച്ചു. അർബുദത്തെക്കുറിച്ച് അവബോധം സൃഷ്​ടിക്കുന്നതിനും അർബുദ രോഗികൾക്കായി ധനസമാഹരണം നടത്തുന്നതിനുമായി ലോകത്താകമാനം ആഘോഷിക്കുന്ന ‘നോ ഷേവ്​ നവംബർ’ അല്ലെങ്കിൽ ‘മോവംബർ’ കാമ്പയിനി​​െൻറ ചുവടുപിടിച്ചാണ്​ കാലിസി​​െൻറ ​വ്യത്യസ്​ത പ്രചാരണം.

വൈറലായ ചിത്രത്തിനുതാഴെ അഭിനന്ദനങ്ങളുമായി ആരാധകരും ഒത്തുകൂടി. ബാറ്റുകൊണ്ടും ബാൾ ​െകാണ്ടും ഒരേസമയം വിസ്​മയിപ്പിച്ച കാലിസി​​െൻറ മത്സരകാലമാണ്​ ചിത്രം കണ്ടപ്പോൾ ഓർമയിലെത്തിയതെന്നായിരുന്നു ഒരു ആരാധക​​െൻറ കമൻറ്​. 
 
Loading...
COMMENTS