ഇഷാന്ത് ശർമക്ക് മാച്ച് ഫീയുടെ 15 ശതമാനം പിഴ

ലണ്ടൻ: ഐ.സി.സി പെരുമാറ്റച്ചട്ടം ലെവൽ 1 ലംഘനത്തിന്റെ പേരിൽ കുറ്റക്കാരനെന്ന് കണ്ടെത്തിയതിനെത്തുടർന്ന് ഇന്ത്യൻ പേസ് ബൗളർ ഇഷാന്ത് ശർമക്ക് മാച്ച് ഫീയുടെ 15 ശതമാനം പിഴ.

ഒന്നാം ടെസ്റ്റിൽ ഇംഗ്ലീഷ് താരം ഡേവിഡ് മലനെ പുറത്താക്കിയതിന് പിന്നാലെ നടത്തിയ പ്രകടനമാണ് ഇഷാന്തിന് വിനയായത്. പുറത്തായി പോകുന്ന ബാറ്റ്സ്മാനിൽ ആക്രമണോത്സുകമായ പ്രതികരണമുണ്ടാക്കുന്ന തരത്തിലാണ് ഇഷാന്ത് പെരുമാറിയതെന്ന് അധികൃതർ നിരീക്ഷിച്ചു.

ഐ.സി.സി കോഡിലെ 2.1.7 ആർട്ടിക്കിൾ ഇഷാന്ത് ലംഘിച്ചതായി സമിതി കണ്ടെത്തി.