Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightകിങ്​ കറൻ

കിങ്​ കറൻ

text_fields
bookmark_border
കിങ്​ കറൻ
cancel

മൊ​ഹാ​ലി: ​െഎ.പി.എൽ 12ാം സീസണിലെ ആദ്യ ഹാട്രിക്​ വിക്കറ്റ്​ നേട്ടവുമായി സാം കറൻ താരമായപ്പോൾ ​കിങ്​സ്​ ഇലവൻ പഞ് ചാബിന്​ 14 റൺസി​​​​െൻറ തകർപ്പൻ ജയം. ആദ്യം ബാറ്റു ചെയ്​ത പഞ്ചാബ്​ ഡേവിഡ്​ മില്ലറുടെയും (30പന്തിൽ 43), സർഫറാസ്​ ഖാ​​​​ െൻറയും (29 പന്തിൽ 39) മികവിൽ 166 റൺസെടുത്തു. മറുപടി ബാറ്റിങ്ങിനിറങ്ങിയ ഡൽഹിക്ക്​ ആദ്യ പന്തിൽ തന്നെ ഒാപണർ പൃഥ്വി ഷാ (0)യ െ നഷ്​ടമായിരുന്നു. അശ്വി​​​​െൻറ പന്തിൽ ലോകേഷ്​ രാഹുലിന്​ പിടികൊടുത്ത്​ ഷാ മടങ്ങിയപ്പോൾ സന്ദർശക്ക്​ കനത്ത പ്രഹരമായി.

എന്നാൽ, ശിഖർ ധവാൻ (30), ​േ​ശ്രയസ്​ അയ്യർ (28), ഋഷഭ്​ പന്ത്​ (39), കോളിൻ ഇൻഗ്രം (38) എന്നിവർ കാപ്പിറ്റൽസിനെ പിടിച്ചുയർത്തി. വിജയം ഉറപ്പിച്ചിരിക്കെയാണ്​ 18ാം ഒാവർ എറിയാനെത്തിയ ഇംഗ്ലീഷ്​ ഒാൾറൗണ്ടർ സാം കറൻ കളി തിരിച്ചുവിടുന്നത്​.

ജയിക്കാൻ 18 പന്തിൽ 23 റൺസ്​ എന്ന നിലയിൽ പന്തെടുത്ത കറൻ ഡൽഹിയെ വരിഞ്ഞു മുറുക്കി. അഞ്ചു വിക്കറ്റ്​ കൈയിൽ നിൽക്കെ ആത്​മവിശ്വാസത്തോടെയാണ്​ ബാറ്റ്​ വീശിയതെങ്കിലും 18ാം ഒാവറിലെ നാലാം പന്തിൽ ഇൻഗ്രാമിനെ ലോങ്​ ഒാഫിൽ കരുൺ നായർ പിടിച്ചു പുറത്താക്കി. അതേ ഒാവറിലെ അവസാന പന്തിൽ ഹർഷൽ പ​േട്ടൽ (0) വിക്കറ്റ്​ കീപ്പർ ലോകേഷ്​ രാഹുലി​​​​െൻറ കൈകളിൽ ഭദ്രം.

ആ ഒാവറിൽ രണ്ടു വിക്കറ്റ്​ നേടിയ കറൻ വിട്ടുകൊടുത്തത്​ നാല്​ റൺസ്​ മാത്രം. 19ാം ഒാവറിൽ മുഹമ്മദ്​ ഷമി ഹനുമ വിഹാരിയെ (2) പുറത്താക്കി എതിരാളി​കളെ കൂടുതൽ സമ്മർദത്തിലാക്കി. അവസാന ഒാവർ എറിയാൻ വീണ്ടും കറൻ എത്തു​േമ്പാൾ രണ്ട്​ വിക്കറ്റ്​ ബാക്കിനിൽക്കെ ആറ്​ പന്തിൽ 15 റൺസ്​ ലക്ഷ്യം. തീ തുപ്പിയ രണ്ട്​ യോർക്കറുകൾ. ആദ്യം കഗിസോ റബാദയും (0), പിന്നാലെ സന്ദീപ്​ ലമിചാനെയും (0)ക്ലീൻ ബൗൾഡ്​. കറന്​ ഹാട്രിക്കി​​​​െൻറ ആഘോഷം.

പഞ്ചാബിന്​ 14 റൺസി​​​​െൻറ ത്രസിപ്പിക്കുന്ന ജയം. കറൻ നാലും, മുഹമ്മദ്​ ഷമി, ആർ. അശ്വിൻ എന്നിവർ രണ്ടു വിക്കറ്റ്​ വീതവും വീഴ്​ത്തി. ക്രി​സ്​ ഗെ​യ്​​ലി​ന്​ വി​ശ്ര​മം അ​നു​വ​ദിച്ച്​ സാം കറന്​ അവസരം നൽകാനുള്ള ​ക്യാപ്​റ്റൻ അശ്വി​​​​െൻറ തീരുമാനത്തിന്​ മാൻ ഒാഫ്​ ദി മാച്ച്​ പ്രകടനവുമായി ഇംഗ്ലീഷുകാരൻ മറുപടി നൽകി. ഒാപണിങ്ങിൽ ലോകേഷ്​ രാഹുൽ (15), സാം കറൻ (20) എന്നിവർ ചേർന്ന്​ നൽകിയ തുടക്കം മുതലെടുത്താണ്​ പഞ്ചാബ്​ ഇന്നിങ്​സ്​ പടുത്തുയർത്തിയത്​. മധ്യനിരയിൽ മില്ലറും സർഫറാസും കാര്യങ്ങൾ എളുപ്പമാക്കി.

Show Full Article
TAGS:ipl 2019 Cricket sports news malayalam news 
News Summary - IPL 2019- sports news
Next Story