Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightസ​ഞ്​​ജു​വി​​െൻറ...

സ​ഞ്​​ജു​വി​​െൻറ സെ​ഞ്ച്വ​റിയും രക്ഷിച്ചില്ല; ഹൈദരാബാദിന്​ അഞ്ചു വിക്കറ്റ്​ ജയം

text_fields
bookmark_border
സ​ഞ്​​ജു​വി​​െൻറ സെ​ഞ്ച്വ​റിയും രക്ഷിച്ചില്ല; ഹൈദരാബാദിന്​ അഞ്ചു വിക്കറ്റ്​ ജയം
cancel

ഹൈ​ദ​രാ​ബാ​ദ്​: െഎ.​പി.​എ​ൽ 12ാം സീ​സ​ണി​ലെ ആ​ദ്യ സെ​ഞ്ച്വ​റി​യു​മാ​യി മ​ല​യാ​ളി താ​രം സ​ഞ്​​ജു സാം​സ​ൺ നിറഞ് ഞാടിയെങ്കിലും രാജസ്​ഥാൻ റോയൽസിന്​ തോൽവി തന്നെ. തകർപ്പനടികളുമായി 198 റൺസടിച്ച രാജസ്​ഥാന്​ അതേ നാണയത്തിൽ തിരിച ്ചടി നൽകി ഹൈദരാബാദ്​ സൺ​​ൈ​റസേഴ്​സി​ന്​ അഞ്ചു വിക്കറ്റ്​ ജയം.

ടോസ്​ നേടി ആദ്യ ബാറ്റിങ്ങിനിറങ്ങിയ രാജസ്​ ഥ​ാൻ സഞ്​ജു സാംസൺ (55 പന്തിൽ 102 നോട്ടൗട്ട്​), ക്യാപ്​റ്റൻ അജിൻക്യ രഹാനെ (49 പന്തിൽ 70) എന്നിവര​​ുടെ മികവിൽ രണ്ടു വിക്കറ്റ്​ നഷ്​ടത്തിലാണ്​ മികച്ച സ്​കോർ കണ്ടെത്തിയത്​. രഹാനെക്ക്​ പുറമെ ജോസ്​ ബട്​ലറുടെ (5) വിക്കറ്റാണ്​ പിങ്ക്​ കുപ്പായക്കാർക്ക്​ നഷ്​ടമായത്​.

മറുപടി ബാറ്റിങ്ങിനിറങ്ങിയ ഹൈദരാബാദിന്​ ഡേവിഡ്​ വാർണറും (​37 പന്തിൽ 69) ​േജാണി ബെയർസ്​റ്റോയും (28 പന്തിൽ 45) ചേർന്ന്​ ഗംഭീര തുടക്കം നൽകി. അതിവേഗം കുതിച്ച വാർണർ ഒരുക്കിയ അടിത്തറയിലായിരുന്നു ​ആതിഥേയരുടെ ഇന്നിങ്​സ്​. സ്​കോർ 110ൽ എത്തിയപ്പോഴാണ്​ ഒാപണിങ്​ പിളർന്നത്​. പിന്നാലെ ബെയർസ്​റ്റോയും മടങ്ങി. കെയ്​ൻ വില്യംസൺ (14), വിജയ്​ ശങ്കർ (15 പന്തിൽ 35) എന്നിവർ ചേർന്നായി രണ്ടാം ഘട്ടം. ​ ഇവർതന്നെ വിജയം സമ്മാനിക്കുമെന്നുറപ്പിച്ചിരിക്കെ ശ്രേയസ്​ ഗോപാൽ എറിഞ്ഞ 16ാം ഒാവർ കളി തിരിച്ചു. വിജയ്​ ശങ്കറും മനീഷ്​ പാണ്ഡേയും (1) പുറത്തായതോടെ അഞ്ചിന്​ 167 എന്ന നിലയിലായി.

യൂസുഫ്​ പത്താൻ-റാഷിദ്​ ഖാൻ കൂട്ടുകെട്ടിനെ വേഗം മടക്കി ​മേധാവിത്വം നേടാനായി രാജസ്​ഥാൻ പ്ലാൻ. എന്നാൽ, ഉനദ്​കടിനെ സിക്​സർ പറത്തിയാണ്​ ഇവർ കളി തിരിച്ചു പിടിച്ചത്​. കഴിഞ്ഞ കളിയിൽ നിരാശപ്പെടുത്തിയ പത്താനും (16) റാഷിദും (15) ചേർന്ന്​ 19 ഒാവറിൽ ഹൈദരാബാദിന്​ വിജയ സൂര്യോദയം നൽകി.

രാജസ്​ഥാ​​​െൻറ ശ്രേയസ്​ ഗോപാൽ മൂന്നു വിക്കറ്റ്​ വീഴ്​ത്തി. 55 പ​ന്തി​ൽ 10 ബൗ​ണ്ട​റി​യും നാ​ലു​ സി​ക്​​സു​മാ​യാണ്​ സഞ്​ജു സീസണിലെ ആദ്യ സെഞ്ച്വറിക്കുടമയായത്​. മലയാളി താരത്തി​​​െൻറ കരിയറിലെ രണ്ടാം ​െഎ.പി.എൽ സെഞ്ച്വറിയുമാണിത്​. ഒരു വിക്കറ്റും 15 റൺസുമെടുത്ത ഹൈദരാബാദി​​​െൻറ റാഷിദ്​ ഖാനാണ്​ കളിയിലെ കേമൻ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newssports newsCricket Newsipl 2019
News Summary - IPL 2019- sports news
Next Story