Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightകൊൽക്കത്തയെ മൂന്നു...

കൊൽക്കത്തയെ മൂന്നു റൺസിന്​ തകർത്ത്​ ഡൽഹി ക്യാപിറ്റൽസ്

text_fields
bookmark_border
കൊൽക്കത്തയെ മൂന്നു റൺസിന്​ തകർത്ത്​ ഡൽഹി ക്യാപിറ്റൽസ്
cancel

ഡൽഹി: ആവേശം സൂപ്പർ ഒാവർ വരെ നീണ്ടുനിന്ന പോരാട്ടത്തിനൊടുവിൽ കൊൽക്കത്ത നൈറ്റ്​​ റൈഡേഴ്​സിനെ മൂന്നു റൺസിന്​ തോൽപിച്ച്​ ഡൽഹി ക്യാപിറ്റൽസ്​. നിശ്ചിത ഒാവറിൽ കൊൽക്കത്ത ഉയർത്തിയ 185 റൺസ്​ പിന്തുടർന്ന ഡൽഹിയുടെ പോരാട്ടവും അതേ സ്​കോറിൽ അവസാനിച്ചതോടെ മത്സരം സൂപ്പർ ഒാവറിലേക്ക്​ നീങ്ങുകയായിരുന്നു. സൂപ്പർ ഒാവറിൽ ആദ്യം ബാറ്റുചെയ്ത​ ഡൽഹി ഒരു വിക്കറ്റ്​ നഷ്​ടത്തിൽ 10 റൺസെടുത്തു.

മിന്നും ഫോമിലുണ്ടായിരുന്ന ആന്ദ്രെ റസ്സലും ദിനേഷ്​ കാർത്തികും കൊൽക്കത്തക്കായി ഇറങ്ങിയെങ്കിലും റബാഡക്കുമുന്നിൽ മുട്ടുമടക്കി മടങ്ങി. ഫോറടിച്ചു തുടങ്ങിയ റസലിനെ മൂന്നാം പന്തിൽ ദക്ഷിണാഫ്രിക്കൻ താരം പുറത്താക്കി. കാർത്തികിനും പിന്നാലെ ഇറങ്ങിയ ഉത്തപ്പക്കും ബാക്കിയുള്ള പന്തുകളിൽ എടുക്കാനായത്​ ഒാരോ റൺസ്​ വീതം. ഒടുവിൽ മൂന്നു​ റൺസിന്​ ഡൽഹിയുടെ അർഹിച്ച വിജയം.

സ്​കോർ: കൊൽക്കത്ത 185/8, ഡൽഹി: 185/6 സൂപ്പർ ഒാവർ: ഡൽഹി: 10/1, കൊൽക്കത്ത: 7/1

നേരത്തേ, ആദ്യം ബാറ്റ്​ചെയ്​ത കൊൽക്കത്ത ആ​​െന്ദ്ര റസലി​​​െൻറയും (28 പന്തിൽ 62) ദിനേഷ്​ കാർത്തികി​​​െൻറയും (50) അർധസെഞ്ച്വറിയിലാണ്​ പൊരുതാവുന്ന സ്​കോറിലേക്കെത്തിയത്​. 99 റൺസെടുത്ത പൃഥ്വി ഷായുടെ നേതൃത്വത്തിൽ തിരിച്ചടിച്ച ഡൽഹിക്ക്​ അവസാനത്തിൽ കാലിടറിയതാണ്​ അനായാസം ജയിക്കേണ്ട മത്സരം സൂപ്പർ ഒാവറിലേക്ക്​ നീണ്ടത്​.

Show Full Article
TAGS:ipl 2019 kolkata knight riders Delhi Capitals sports news malayalam news 
News Summary - IPL 2019: Kolkata Knight Riders lost against Delhi Capitals -Sports News
Next Story