ഏപ്രില്‍ ഏഴ് മുതൽ ഐ.പി.എല്‍ പൂരം; തുടക്കം മുംബൈ X ചെന്നൈ പോരാട്ടം

മുംബൈ: ഐ.പി.എല്‍ പുതിയ സീസണിന് ഏപ്രില്‍ ഏഴിന് മുംബൈയിൽ തുടക്കമാകും. നിലവിലെ ചാമ്പ്യന്മാരായ മുംബൈ ഇന്ത്യന്‍സും മുന്‍ ചാമ്പ്യന്മാരായ ചെന്നൈ സൂപ്പര്‍ കിങ്സും തമ്മിലാണ് ആദ്യ മത്സരം. മെയ് 27 നാണ് കലാശപ്പോര്. ചെന്നൈ സൂപ്പര്‍ കിങ്ങ്സിന്‍റെയും രാജസ്ഥാന്‍ റോയല്‍സിന്‍റെയും തിരിച്ചുവരവാണ് ഈ സീസണിൻെറ പ്രത്യേകത. 

രണ്ട് വര്‍ഷത്തെ വിലക്കിന് ശേഷം തിരിച്ചെത്തുന്ന രാജസ്ഥാന്‍ റോയല്‍സിന്‍റെ ആദ്യ മത്സരം ഏപ്രില്‍ 9 ന് സണ്‍റൈസേഴ്സ് ഹൈദരബാദിനെതിരെയാണ്. കിങ്സ് ഇലവന്‍ പഞ്ചാബ് രണ്ട് വേദികളിലായാണ് ഹോം മത്സരങ്ങള്‍ കളിക്കുന്നത്. മൊഹാലിയും ഇന്‍ഡോറുമാണ് പഞ്ചാബിന്റെ വേദികള്‍.