Home / News / സഞ്​ജുവിൻെറ വിഷു വെടിക്കെട്ടിൽ തകർന്ന്​ ബംഗളൂരു
April 15 / 08:22 PM

സഞ്​ജുവിൻെറ വിഷു വെടിക്കെട്ടിൽ തകർന്ന്​ ബംഗളൂരു

Sanju-Samson

ബംഗളൂരു: മലയാളികൾക്ക് വിഷുക്കൈനീട്ടമായി സഞ്​ജു വി. സാംസ​​​​ൺ 10 സിക്​സറുകൾ പറത്തിയ മത്സരത്തിൽ രാജസ്ഥാൻ റോയൽസിന്​ കൂറ്റൻ വിജയം. വെടിക്കെട്ട്​ ഇന്നിങ്​സുമായി മലയാളികളുടെ പ്രിയതാരം സഞ്​ജു തിളങ്ങിയപ്പോൾ നീലപ്പട സീസണിലെ രണ്ടാം ജയം സ്വന്തമാക്കി. 10 സിക്​സും രണ്ട്​ ബൗണ്ടറികളുമടക്കം 45 പന്തിൽ 92 റൺസെടുത്ത സഞ്​ജുവി​​​​​​​െൻറ മികവിൽ 217 എന്ന കൂറ്റൻ ലക്ഷ്യമായിരുന്നു രാജസ്ഥാൻ റോയൽസ് ബെംഗളൂരുവിന്​ മുന്നിലേക്ക്​ വച്ചത്​. മറുപടി ബാറ്റിങ്ങിനിറങ്ങിയ ആതിഥേയരെ 20 ഒാവറിൽ 198 റൺസിന്​ ഒതുക്കി. സ്​കോർ: രാജസ്ഥാൻ റോയൽസ്​: 217/4 ബെംഗളൂരു: 198/6.

ബംഗളൂരുവിന്​ വേണ്ടി നായകൻ വിരാട്​ കോഹ്​ലി 30 പന്തിൽ 57 റൺ​െസടുത്തു. മന്ദീപ്​ സിങ്​ (47) വാഷിങ്​ടൺ സുന്ദർ (35) എന്നിവർ തിളങ്ങിയെങ്കിലും സ്വന്തം നാട്ടിൽ രണ്ടാം വിജയം​ നേടാൻ ആർ.സി.ബിക്ക് ആയില്ല. രാജസ്ഥാന്​ വേണ്ടി ശ്രേയസ് ഗോപാല്‍ രണ്ട് വിക്കറ്റുകള്‍ വീഴ്ത്തി. കൃഷ്ണപ്പ ഗൗതം, ബെന്‍ സ്റ്റോക്ക്‌സ്, ഷോര്‍ട്ട്, ബെന്‍ ലാഫ്‌ലിന്‍ എന്നിവര്‍ ഓരോ വിക്കറ്റ് വീതമെടുത്തു.

45 പന്തുകളിൽ രണ്ട്​ ബൗണ്ടറികളും പത്ത്​ എണ്ണം പറഞ്ഞ സിക്​സറുകളുമാണ്​ സഞ്​ജുവി​​​​​​​​െൻറ ബാറ്റിൽ നിന്നും പിറന്നത്​. നിലവിൽ മൂന്ന്​ കളികളിൽ നിന്നായി 151 റൺസുള്ള സഞ്​ജു ശിഖർ ധവാനെ കടത്തിവെട്ടി ഒാറഞ്ച്​ ​െതാപ്പിയും കൈക്കലാക്കി.

ഒാപണർമാരായ നായകൻ അജിൻക്യ രഹാനെയും ഷോർട്ടും ചേർന്ന്​ ഭേദപ്പെട്ട തുടക്കമായിരുന്നു രാജസ്ഥാന്​​ നൽകിയത്​. എന്നാൽ 20 പന്തുകൾ നേരിട്ട്​ 36 റൺസടിച്ച നായകൻ പുറത്താവുകയായിരുന്നു. തുടർന്ന്​ ഷോർട്ടും കൂടാരം കയറിയതോടെ രാജസ്ഥാൻ പതറിയിരുന്നു. തുടർന്ന്​ വന്ന സഞ്​ജു, ബെൻ സ്​റ്റോകിനൊപ്പം 49 റൺസി​​​​​​​​െൻറയും ജോസ്​ ബട്​ലർക്കൊപ്പം 73 റൺസി​​​​​​​​െൻറയും കൂട്ടുകെട്ടുണ്ടാക്കിയാണ്​ സ്​കോർ വേഗത്തിൽ ചലിപ്പിച്ചത്​. രാജസ്ഥാന്​ വേണ്ടി സ്​റ്റോക്​സ്​ 27 റൺസും ബട്​ലർ 23 റൺസും നേടി. ബംഗളൂ​രുവിന്​ വേണ്ടി യുസ്​വേന്ദ്ര ചാഹലും ക്രിസ്​ വോക്​സും രണ്ടുവീതം വിക്കറ്റുകളെടുത്തു.

COMMENTS

Please Note: ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്‍െറ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. 'മംഗ്ലീഷില്‍' എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക

top