Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightസഞ്​ജുവിന്​ അർധ...

സഞ്​ജുവിന്​ അർധ സെഞ്ച്വറി, രാജസ്​ഥാന്​ മൂന്ന്​​ വിക്കറ്റ്​ ജയം

text_fields
bookmark_border
സഞ്​ജുവിന്​ അർധ സെഞ്ച്വറി, രാജസ്​ഥാന്​ മൂന്ന്​​ വിക്കറ്റ്​ ജയം
cancel

ജയ്​പുർ: സഞ്​ജു സാംസ​​​​െൻറ വെടിക്കെട്ടും വാലറ്റ താരം കൃഷ്​ണപ്പ ഗൗതമി​​​െൻറ കത്തിക്കയറലും ചേർന്ന്​ രാജസ്​ഥാന്​ സമ്മാനിച്ചത്​ അപ്രതീക്ഷിത വിജയം. മുംബൈക്കെതിരായ മത്സരത്തിൽ അവസാന മൂന്നോവറിൽ 43 റൺസ്​ വേണ്ടിയിരുന്ന രാജസ്​ഥാൻ രണ്ട്​ പന്തും മൂന്ന്​ വിക്കറ്റും കൈയിലിരിക്കെ ലക്ഷ്യം കണ്ടു. സ്​കോർ: മുംബൈ: 167/7 (20), രാജസ്​ഥാൻ 168/7 (19.4). 

മലയാളികളുടെ സ്വന്തം സഞ്​ജുവും (39 പന്തിൽ 52) ബെൻ സ്​റ്റോക്​സും (27 പന്തിൽ 40) കൃഷ്​ണപ്പ ഗൗതമുമാണ്​ (11 പന്തിൽ 33) രാജസ്​ഥാ​ന്​ മൂന്നാം ജയം സമ്മാനിച്ചത്​. ഇതോടെ ​ബാംഗ്ലൂർ നായകൻ വിരാട്​ കോഹ്​ലിയെ മറികടന്ന്​ സഞ്​ജു പർപ്​ൾ ക്യാപ്​ സ്വന്തമാക്കി. ഇൗ സീസണിൽ മൂന്നാം തവണയാണ്​ മുംബൈക്ക്​ അവസാന ഒാവറിൽ കളി നഷ്​ടമാവുന്നത്​.

അവസാന ​നാലോവറിൽ രാജസ്​ഥാന്​ വേണ്ടിയിരുന്നത്​ 44 റൺസാണ്​. എന്നാൽ, ബൂംറയെറിഞ്ഞ 17ാം ഒാവറിൽ ഒരു റൺസ്​ മാത്രം വഴങ്ങി രണ്ട്​ വിക്കറ്റ്​ വീഴ്​ത്തിയതോടെ രാജസ്​ഥാൻ പരാജയം ഉറപ്പിച്ചു. ഇവിടെനിന്നാണ്​ രണ്ട്​ സിക്​സി​​​െൻറയും നാല്​ ഫോറി​​​െൻറയും അകമ്പടിയോടെ ഗൗതം വിജയത്തിലേക്ക്​ നയിച്ചത്​. മൂന്ന്​ പന്തിൽ ആറ്​ റൺസ്​ വേണ്ടിയി​രിക്കെ ഹർദിക്​ പാണ്ഡ്യയെ ഗാലറിയി​േലക്ക്​ പറത്തി ഗൗതം വിജയമുറപ്പിച്ചു.

നേരത്തേ, സൂര്യകുമാർ യാദവ്​ (47 പന്തിൽ 72), ഇഷാൻ കിഷൻ (42 പന്തിൽ 58), കീറൻ പൊള്ളാർഡ് ​(21) എന്നിവരുടെ മികവിലാണ്​ മുംബൈ 167 റൺസെടുത്തത്​. രാജസ്​ഥാനായി അരങ്ങേറ്റക്കാൻ ജോഫ്ര ആർച്ചർ  മൂന്നും ധവാൽ കുൽക്കർണി രണ്ടും വിക്കറ്റ്​ വീഴ്​ത്തി. ജയ്​ദേവ്​ ഉനദ്​കട്​​ ഒരു വിക്കറ്റ്​ നേടി.

Show Full Article
TAGS:IPL 2018 rajastan royals rajastan won mumbai indians sports news malayalam news 
News Summary - IPL 2018 rajastan royals won- Sports news
Next Story