അവസാന ഒാവർ വരെ നീണ്ട ആവേശം; ഹൈദരാബാദിനെ തകർത്ത്​ ചെന്നൈ

ഹൈദരാബാദ്​: ​െഎ.പി.എല്ലിൽ ഹൈദരാബാദിനെതിരായ മത്സരത്തിൽ ചെന്നൈ സൂപ്പർ കിങ്​സിന്​ വിജയം. ടോസ്​ നഷ്​ടമായി ബാറ്റിങ്​ തിരഞ്ഞെടുത്ത ചെന്നൈ ഉയർത്തിയ 182/3 എന്ന ലക്ഷ്യം പിന്തുടർന്ന സൺറൈസേഴ്​സ്​ 178/6 റൺസിന്​ വീണു. അവസാന ഒാവർ വരെ നീണ്ട ആവേശപ്പോരിൽ ഹൈദരാബാദിന്​ വേണ്ടി നായകൻ കെയ്​ൻ വില്യംസൻ 51 പന്തിൽ 84 റൺസെടുത്തു. ഫോം കണ്ടെത്തിയ യൂസുഫ്​ പത്താൻ 27 പന്തിൽ 45 റൺസടിച്ച്​ നായകന്​ മികച്ച പിന്തുണ നൽകിയെങ്കിലും ഫലം കണ്ടില്ല. 

ഒാപണർ റിക്കി ഭുയ്​, മനീഷ്​ പാണ്ഡെ എന്നിവർ സംപൂജ്യരായി മടങ്ങിയതോടെ ഒാൾറൗണ്ടർ ഷാകിബുൽ ഹസനൊപ്പം ചേർന്ന്​ കെയ്​ൻ വില്യസൻ സൺറൈസേഴ്​സി​​െൻറ സ്​കോർ ചലിപ്പിക്കുകയായിരുന്നു. അഞ്ച്​ സിക്​സറുകളും അഞ്ച്​ ബൗണ്ടറിയുമടങ്ങുന്നതായിരുന്നു നായക​​െൻറ ഇന്നിങ്​സ്​. ഷാകിബ്​ 19 പന്തിൽ 24 റൺസെടുത്ത്​ കർൺ ശർമയുടെ പന്തിൽ പുറത്താവുകയായിരുന്നു. 

തുടർന്ന്​ ക്രീസിലെത്തിയ യൂസുഫ്​ പത്താൻ നാല്​ കൂറ്റൻ സിക്​സറുകളുടെയും ഒരു ബൗണ്ടറിയുടെയും അകമ്പടിയോടെ 45 റൺസ് എടുത്തു. എന്നാൽ 17ാം ഒാവറിൽ ബ്രാവോയുടെ പന്തിൽ വില്യസണും 18ാം ഒാവറിൽ എസ്​.എൻ താക്കൂറി​​െൻറ പന്തിൽ പത്താനും പുറത്തായത്​​ ആരാധകരെ നിരാശരാക്കി. അവസാന ഒാവറിൽ അഫ്​ഗാൻ താരം റാഷിദ്​ ഖാൻ വെടിക്കെട്ട്​ ബാറ്റിങ്​ നടത്തിനോക്കിയെങ്കിലും സൺറൈസേഴ്​സിന്​ ജയം അന്യംനിന്നു. റാഷിദ്​ രണ്ട്​ സിക്​സും ഒരു ബൗണ്ടറിയും നേടി. ചെന്നൈക്ക്​ വേണ്ടി ദീപക്​ ചാഹർ മൂന്ന്​ വിക്കറ്റുകളെടുത്തു.

നേരത്തെ ഒാപണർമാരായ ​ഷെയ്​ൻ വാട്​സൺ(9) ഫാഫ്​ ഡു പ്ലെസിസ് (11)​ എന്നിവർ പെട്ടന്ന്​ പുറത്താതോടെ ചെന്നൈ പരുങ്ങലിലായെങ്കിലും തുടർന്ന്​ ഒരുമിച്ച സുരേഷ്​ റൈന(54) അമ്പാട്ടി റായ്​ഡു കൂട്ടുകെട്ട്​ സ്​കോർ ഉയർത്തുകയായിരുന്നു. അമ്പാട്ടി റായ്​ഡു 37 പന്തിൽ 79 റൺസെടുത്ത്​ നിർഭാഗ്യകരമായ രീതിയിൽ പുറത്തായി. അവസാന ഒാവറുകളിലെ നായകൻ ധോനിയുടെ വെടിക്കെ​േട്ടാടെയാണ്​ സ്​കോർ 180 കടന്നത്​.