Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightചെന്നൈയുടെ...

ചെന്നൈയുടെ മൽസരങ്ങൾക്കായി ബി.സി.സി.​െഎയുടെ പരിഗണനയിൽ നാല്​ നഗരങ്ങൾ

text_fields
bookmark_border
ചെന്നൈയുടെ മൽസരങ്ങൾക്കായി ബി.സി.സി.​െഎയുടെ പരിഗണനയിൽ നാല്​ നഗരങ്ങൾ
cancel

ചെന്നൈ: കാവേരി പ്രക്ഷോഭത്തി​​െൻറ പശ്​ചാത്തലത്തിൽ ചെന്നൈ സൂപ്പർ കിങ്​സി​​െൻറ ഹോം മൽസരങ്ങൾ നടത്താനായി നാല്​ നഗരങ്ങൾ ബി.സി.സി.​െഎ പരിഗണിക്കുന്നുവെന്ന്​ സൂചന. വിശാഖപട്ടണമാണ്​ ബി.സി.സി.​െഎയുടെ പരിഗണിനയിലു​ള്ള ആദ്യനഗരം. തിരുവനന്തപുരം, രാജ്​കോട്ട്​, പൂണെ എന്നിവയാണ്​ പരിഗണനയിലുള്ള മറ്റ്​ നഗരങ്ങൾ. ​അതേ സമയം, ചെന്നൈയിൽ നടക്കേണ്ടിയിരുന്ന രാജസ്ഥാൻ റോയൽസ്​-​ചെന്നൈ സൂപ്പർ കിങ്​സ്​ മൽസരത്തി​​െൻറ ടിക്കറ്റ്​ വിൽപ്പന നിർത്തിവെച്ചു. മൽസരങ്ങൾ മാറ്റുന്നതി​​െൻറ പശ്​ചാത്തലത്തിലാണ്​ പുതിയ നീക്കം.

കാവേരി പ്രക്ഷോഭത്തി​​െൻറ പശ്​ചാത്തലത്തിൽ ചെന്നൈയുടെ മൽസരങ്ങൾ മാറ്റുന്നത്​ ബി.സി.സി.​െഎ പരിഗണിക്കുകയാണെന്ന്​ സുപ്രീംകോടതി നിയോഗിച്ച സംഘടനയുടെ ഭരണത്തലവൻ വിനോദ്​ റായ്​ പ്രതികരിച്ചു. നാല്​ വേദികളാണ്​ ഇതിനായി പരിഗണിക്കുന്നത്​. വിശാഖപട്ടണം, തിരുവനന്തപുരം, പൂണെ, രാജ്​കോട്ട്​ എന്നിവയാണ്​ പുതുതായി പരിഗണിക്കുന്ന വേദികൾ. ഇവയിലേതെങ്കിലുമൊന്നിൽ ചെന്നൈക്ക്​ അവരുടെ ഹോം മൽസരങ്ങൾ കളിക്കാമെന്ന്​ വിനോദ്​ റായ്​ വ്യക്​തമാക്കി. നിലവിലെ സാഹചര്യങ്ങൾ പഠിക്കാൻ സി.എസ്​.കെയോട്​ ആവശ്യപ്പെട്ടിട്ടുണ്ട്​. ഇക്കാര്യത്തിൽ അന്തിമ തീരുമാന​മെടുക്കേണ്ടത്​ ചെന്നൈ സൂപ്പർ കിങ്​സാണെന്നും വിനോദ്​ റായ്​ പറഞ്ഞു.

കനത്ത സുരക്ഷയിലാണ്​ കഴിഞ്ഞ ദിവസം ചെന്നൈ സൂപ്പർ കിങ്​സി​​െൻറ ഹോം മൽസരം നടന്നത്​. ക​ാവരേി വിഷയത്തിൽ പ്രക്ഷോഭം നടത്തുന്നവർ സ്​റ്റേഡിയത്തിന്​ പുറത്ത്​ വൻ പ്രതിഷേധം ഉയർത്തിയിരുന്നു. മൽസരത്തിനിടെ ചെന്നൈ സൂപ്പർ കിങ്​സ്​ താരം രവീന്ദ്ര ജഡേജക്കെതിരെ ഷൂവേറും ഉണ്ടായി. ഇതിന്​ പിന്നാലെയാണ്​ ചെന്നൈയിലെ മൽസരങ്ങൾ സംബന്ധിച്ച്​ ബി.സി.സി.​െഎ പുനരാലോചന നടത്തിയത്​.
 

Show Full Article
TAGS:IPL 2018 CSK BCCI sports news malayalam news 
News Summary - IPL 2018: BCCI picks four standby cities for CSK games due to Cauvery turmoil-Sports news
Next Story