ലോകകപ്പിൽ ഇന്ത്യക്കെതിരായ പരാജയ പരമ്പര പാകിസ്​താൻ ഇത്തവണ മറികടക്കും -ഇൻസിമാമുൽ ഹഖ്​

ഇസ്​ലമാബാദ്​: ലോകകപ്പിൽ ഇതുവരെ ഇന്ത്യക്കെതിരെ വിജയം നേടാത്ത പാകിസ്​താൻ ഈ ലോകകപ്പിൽ ആ നാണക്കേട്​ മറികടന്ന് ​ വിജയം സ്വന്തമാക്കുമെന്ന്​ മുൻ നായകനും പാക്​ ചീഫ്​ സെലക്​ടറുമായ ഇൻസിമാമുൽ ഹഖ്​. ജൂൺ 16നാണ്​ ഏവരും കാത്തിരിക്ക ുന്ന ഇന്ത്യയും പാകിസ്​താനും തമ്മിലുള്ള മത്സരം.

പാകിസ്​താൻ ലോകകപ്പ്​ മത്സരങ്ങളിൽ ഇതുവരെ ഇന്ത്യക്കെതിരെ വ ിജയിച്ചിട്ടില്ല. മാഞ്ചസ്റ്ററിൽ അടുത്ത മാസം നടക്കാനിരിക്കുന്ന മത്സരം പാകിസ്​താന്​ വഴിത്തിരിവാകുമെന്നും മികച ്ച വിജയം നേടുമെന്നും താരം പ്രത്യാശ പ്രകടിപ്പിച്ചു. ജനങ്ങൾ ഇന്ത്യ-പാക്​ മത്സരം വളരെ ഗൗരവമായി എടുക്കും. ഇന്ത്യക്കെതിരെ ലോകകപ്പിൽ മാത്രം വിജയം സ്വന്തമാക്കിയാൽ ഞങ്ങൾ സന്തോഷവാന്മാരാകുമെന്ന്​ പറയുന്നവർ വരെയുണ്ട്​. ലോകകപ്പിലെ ഈ പരാജയ പരമ്പര നമ്മൾ മറികടക്കും -ഇൻസിമാം പറഞ്ഞു.

ലോകകപ്പ്​ എന്നത്​ ഇന്ത്യ-പാക്​ മത്സരം മാത്രമല്ലെന്നും മറ്റ്​ ടീമുകളെ തോൽപിക്കാനുള്ള കെൽപും പാകിസ്​താൻ ടീമിനുണ്ടെന്നും അദ്ദേഹം ചൂണ്ടിക്കാട്ടി. അതേസമയം തുടർച്ചയായ പത്ത്​ പരാജയങ്ങൾക്ക്​ ശേഷമാണ്​ പാകിസ്​താൻ ടീം ഇത്തവണ ലോകകപ്പിനെത്തുന്നത്​. ഇംഗ്ലണ്ടിനെതിരെയുള്ള പരമ്പര നഷ്​ടവും അഫ്​ഗാനെതിരെയുള്ള അപ്രതീക്ഷിത പരാജയവും ടീമിനെ ബാധിച്ചു.

ലോകകപ്പ്​ ടീമിൽ അവസാന ഘട്ടത്തിൽ മാറ്റം വരുത്തിയതിന് ഇൻസിമാം​ പഴികേട്ടിരുന്നു. എന്നാൽ അതിനോടും താരം പ്രതികരിച്ചു. ഒരു സുപ്രധാന ടൂർണമ​​െൻറിന്​ ടീം തെരഞ്ഞെടുക്കുക എന്നത്​ എളുപ്പമുള്ള കാര്യമല്ല. ടീമിലേക്ക്​ ഒരു ഫാസ്റ്റ്​ ബൗള​രെ എടുക്കുന്നത്​ വളരെ പ്രയാസം ചെന്ന കാര്യമായിരുന്നു. പ്രത്യേകിച്ച്​ മുഹമ്മദ്​ ആമിർ, ജുനൈദ്​ ഖാൻ, ഉസ്​മാൻ ഖാൻ എന്നിവരെ പോലുള്ള മികച്ച പേസർമാർ ഉള്ളപ്പോൾ.

മുഹമ്മദ്​ ഹസ്​നൈൻ, വഹാബ്​ റയസ്​ എന്നിവരെ ടീമിലെടുത്തതിനെയും ഇൻസിമാം ന്യായീകരിച്ചു. മണിക്കൂറിൽ 150 കിലോമീറ്റർ വേഗതയിൽ പന്തെറിയാൻ കഴിവുള്ളയാളാണ്​ ഹസ്​നൈൻ പാകിസ്​താൻ ബൗളിങ് അറ്റാക്കിന്​ പുതിയ വഴിത്തിരിവാണ്​ അവൻെറ വരവെന്നും 49കാരനായ മുൻ നായകൻ പറഞ്ഞു.

അഫ്​ഗാനെതിരായ പരാജയത്തെ കുറിച്ചുള്ള ചോദ്യത്തിന്​, ആരെയും വില കുറച്ച്​ കാണുന്നില്ലെന്നാണ്​ താരം മറുപടി നൽകിയത്​. ഇംഗ്ലണ്ടിനോട്​ ജയിച്ചാലും അഫ്​ഗാനോട്​ ജയിച്ചാലും ലഭിക്കുന്നത്​ ഒരേ പോയൻറാണ്​. അഫ്​ഗാന്​ വലിയ ടീമുകളെ പ്രതിസന്ധിയിലാക്കാൻ കഴിവുണ്ടെന്നും അദ്ദേഹം കൂട്ടിച്ചേർത്തു.