ടെ​സ്​​റ്റ്​ ചാ​മ്പ്യ​ൻ​ഷി​പ്പി​ൽ ജ​യ​ത്തോ​ടെ അ​ര​ങ്ങേ​റി ഇന്ത്യ

ആ​ൻ​റി​ഗ്വ: ക​രീ​ബി​യ​ൻ മ​ണ്ണി​ൽ ഒാ​ൾ​റൗ​ണ്ട്​ പ്ര​ക​ട​നം പു​റ​ത്തെ​ടു​ത്ത്​ ഇ​ന്ത്യ​ ലോ​ക ടെ​സ്​​റ്റ്​ ച ാ​മ്പ്യ​ൻ​ഷി​പ്പി​ൽ ജ​യ​ത്തോ​ടെ അ​ര​ങ്ങേ​റി. വി​ൻ​ഡീ​സി​നെ​തി​രെ 318 റ​ൺ​സി​​െൻറ കൂ​റ്റ​ൻ ജ​യം സ്വ​ന്ത​മാ​ക ്കി​യ ടീം ​ഇ​ന്ത്യ 60 പോ​യ​​ൻ​റു​മാ​യി പ​ട്ടി​ക​യി​ൽ ഒ​ന്നാം സ്​​ഥാ​ന​ത്തെ​ത്തു​ക​യും ചെ​യ്​​തു. ഏ​റ്റ​വും കൂ​ടു​ത​ൽ ടെ​സ്​​റ്റ്​ വി​ജ​യ​ങ്ങ​ൾ നേ​ടി​യ നാ​യ​ക​നെ​ന്ന എം.​എ​സ്. ധോ​ണി​യു​ടെ (27) റെ​ക്കോ​ഡി​നൊ​പ്പ​മെ​ത്താ​ൻ വി​രാ​ട്​ കോ​ഹ്​​ലി​ക്കാ​യി.

12ാം ജ​യ​വു​മാ​യി വി​ദേ​ശ​ത്ത് കൂ​ടു​ത​ൽ ജ​യം നേ​ടി​യ റെ​ക്കോ​ഡും കോ​ഹ്​​ലി ക​ര​സ്ഥ​മാ​ക്കി.​ സൗ​ര​വ്​ ഗാം​ഗു​ലി​യെ​യാ​ണ്​ പി​ന്ത​ള്ളി​യ​ത്. റ​ൺ​സി​​െൻറ അ​ടി​സ്​​ഥാ​ന​ത്തി​ൽ ഇ​ന്ത്യ വി​ദേ​ശ​ത്ത്​ സ്വ​ന്ത​മാ​ക്കു​ന്ന ഏ​റ്റ​വും വ​ലി​യ വി​ജ​യ​വു​മാ​ണി​ത്. ര​ണ്ടാം ഇ​ന്നി​ങ്​​സി​ൽ വി​ൻ​ഡീ​സി​നെ ക​ട​പു​ഴ​ക്കി​യ ജ​സ്​​പ്രീ​ത്​ ബും​റയായിരുന്നു നാലാം ദിനത്തിലെ താരം. ഒ​രു​പി​ടി റെ​ക്കോ​ഡു​ക​ളാ​ണ്​ താ​രം മാ​സ്​​മ​രി​ക സ്​​പെ​ല്ലി​ലൂ​ടെ ത​ക​ർ​ത്തെ​റി​ഞ്ഞ​ത്.

‘8-4-7-5’ എ​ന്തൊ​രു സ്​​പെ​ൽ
ടെ​സ്​​റ്റി​ൽ ഒ​രു ഇ​ന്ത്യ​ന്‍ ബൗ​ള​റു​ടെ ഏ​റ്റ​വും കു​റ​വ്​ റ​ൺ​സ്​ വി​ട്ടു​ന​ൽ​കി​യു​ള്ള മി​ക​ച്ച അ​ഞ്ചു വി​ക്ക​റ്റ് പ്ര​ക​ട​ന​മാ​ണ് ബും​റ സ്വ​ന്തം പേ​രി​ലാ​ക്കി​യ​ത്. എ​ട്ട്​ ഓ​വ​റി​ല്‍ നാ​ലു​ മെ​യ്ഡ​നു​ള്‍പ്പെ​ടെ വെ​റും ഏ​ഴു റ​ണ്‍സ് മാ​ത്രം വി​ട്ടു​കൊ​ടു​ത്താ​ണ് താ​രം അ​ഞ്ചു വി​ക്ക​റ്റു​ക​ള്‍ പി​ഴു​ത​ത്. ടെ​സ്​​റ്റി​ല്‍ ദ​ക്ഷി​ണാ​ഫ്രി​ക്ക, ഇം​ഗ്ല​ണ്ട്, ആ​സ്‌​ട്രേ​ലി​യ, വി​ൻ​ഡീ​സ്​ എ​ന്നീ രാ​ജ്യ​ങ്ങ​ളി​ൽ അ​ഞ്ചു വി​ക്ക​റ്റ്​ വീ​ഴ്​​ത്തു​ന്ന ആ​ദ്യ ഏ​ഷ്യ​ന്‍ ബൗ​ള​ര്‍ എ​ന്ന റെ​ക്കോ​ഡും ബും​റ സ്വ​ന്ത​മാ​ക്കി. ഈ ​നാ​ലു രാ​ജ്യ​ങ്ങ​ളി​ലും ബും​റ ക​ളി​ക്കു​ന്ന ആ​ദ്യ പ​ര​മ്പ​ര​ക​ളി​ലാ​ണ്​ വി​ക്ക​റ്റ്​ കൊ​യ്​​ത്തെ​ന്ന​തും ശ്ര​ദ്ധേ​യ​മാ​ക്കു​ന്നു.