ടോസ്​ നഷ്​ടം; രണ്ടാം ട്വൻറി 20യിൽ ഇന്ത്യക്ക്​ ബാറ്റിങ്​ തകർച്ച

സെഞ്ചൂറിയൻ: രണ്ടാം ഏകദിനത്തിൽ ടോസ്​ നഷ്​ടമായി​ ബാറ്റിങ് തിരഞ്ഞെടുത്ത ഇന്ത്യ പൊരുതുന്നു​. 45 റൺസെടുക്കുന്നതിനിടെ ഇന്ത്യയുടെ മൂന്ന്​ മുൻനിര താരങ്ങൾ പുറത്തായി. 

ഒരു റൺസ്​ മാത്രം എടുത്ത രോഹിത്​ ശർമയെ തുടക്കത്തിൽ തന്നെ പുറത്താക്കി ജൂനിയർ ഡാലയായിരുന്നു ഇന്ത്യയെ പ്രതിസന്ധിയിലാക്കിയത്​. രണ്ടാം ഒാവറി​ലെ ആദ്യ പന്തിൽ രോഹിതിനെ ഡാല എൽബിയിൽ കുരുക്കുകയായിരുന്നു. അഞ്ചാം ഒാവറിൽ മികച്ച ഫോമിലായിരുന്ന ശിഖർ ധവാനെ (24) ജെ.പി ഡ്യുമിനി ഫർഹാൻ ബെഹർദിയ​​​െൻറ കൈകളിലെത്തിച്ചു.  നായകൻ വിരാട്​ കോഹ്​ലിയെ(1) ജൂനിയർ ഡാല തന്നെ തിരിച്ചയ​ച്ചതോടെ ഇന്ത്യ 45/3 എന്ന നിലയിലാണ്​. മനീഷ്​ പാണ്ഡെയും സുരേഷ്​ റൈനയുമാണ്​ ക്രീസിലുള്ളത്​. 

ആദ്യ ട്വൻറി 20യിൽ നേടിയ വമ്പൻ വിജയത്തിന്​ ശേഷം സെഞ്ചൂറിയനിൽ ഇറങ്ങിയ സന്ദർശകർ വിജയം കരസ്​ഥമാക്കി പരമ്പര നേടാനാണ്​ ലക്ഷ്യമിടുന്നത്​. അതേ സമയം മുൻനിര താരങ്ങൾ പരിക്കി​​​െൻറ പിടിയിലായതിനാൽ കഴിഞ്ഞ മത്സരത്തിലെ ടീമിനെ തന്നെയാണ്​ ദക്ഷിണാഫ്രിക്ക ഇന്ന്​ ഇറക്കിയത്​.

ജസ്​പ്രീത്​ ബുംറയില്ലാതെ ഇറങ്ങിയ ഇന്ത്യൻ​ നിരയിൽ ശർദൂൽ താക്കൂറാണ്​ പകരക്കാരനായി എത്തിയത്​.