Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightമായങ്ക്​ അഗർവാളിന്​...

മായങ്ക്​ അഗർവാളിന്​ (243) ഇരട്ടശതകം; ഇന്ത്യക്ക്​ 343 റൺസ്​ ലീഡ്​

text_fields
bookmark_border
mayank-agarwal-151119.jpg
cancel

ഇന്ദോർ: കരിയർ ബെസ്​റ്റ്​ ഇന്നിങ്​സുമായി ഓപണർ മായങ്ക്​ അഗർവാൾ (243) ഒരിക്കൽകൂടി ബാറ്റുകൊണ്ട്​ മായാജാലം തീർത്ത പ്പോൾ ബംഗ്ലാദേശിനെതിരായ ഒന്നാം ക്രിക്കറ്റ്​ ടെസ്​റ്റിൽ ഇന്ത്യ പിടിമുറുക്കി. ബംഗ്ലാദേശി​​​െൻറ ആദ്യ ഇന്നിങ് ​സ്​ സ്​കോറായ 150 റൺസിന്​ മറുപടി നൽകാനിറങ്ങിയ ഇന്ത്യ രണ്ടാംദിനം കളി നിർത്തു​േമ്പാൾ ആറിന്​ 493 റൺസെന്ന നിലയിലാണ്​. മൂന്നുദിവസവും നാലുവിക്കറ്റും കൈയിലിരിക്കേ കോഹ്​ലിപ്പട 343 റൺസി​ന്​ മുന്നിലാണ്​. അർധസെഞ്ച്വറിയുമായി രവീന്ദ്ര ജദേജയും (60) ഉമേഷ്​ യാദവുമാണ്​ (10 പന്തിൽ 25) ക്രീസിൽ. ചേതേശ്വർ പൂജാരയും (54) ഉപനായകൻ അജിൻക്യ രഹാനെയും (86) മികച്ച സംഭാവന നൽകി. നായകൻ വിരാട്​ കോഹ്​ലിക്കും (പൂജ്യം) വൃദ്ധിമാൻ സാഹക്കും (12) തിളങ്ങാനാകാതെ പോയത്​ മാത്രമാണ്​ ഏക നിരാശ.



ബ്രാഡ്മാനെ പിന്നിലാക്കി മായങ്ക്
ഏറ്റവും കുറവ് ഇന്നിങ്സുകളിൽനിന്ന് രണ്ട് ഇരട്ടസെഞ്ച്വറി നേടുന്ന രണ്ടാമത്തെ താരമായി മായങ്ക്​ (12 ഇന്നിങ്​സ്​) മാറി. അഞ്ച്​ ഇന്നിങ്​സുകൾ മാത്രമെടുത്ത്​ രണ്ട്​ ഇരട്ടശതകം സ്വന്തം പേരിലാക്കിയ മുൻ ഇന്ത്യൻ താരം വിനോദ്​ കാംബ്ലിയാണ്​ ഒന്നാമൻ. ഇക്കാര്യത്തിൽ ഇതിഹാസ താരം ഡോൺ ബ്രാഡ്​മാൻ (13)​ മായങ്കിന്​ പിന്നിലായി. 330 പന്തുകൾ നേരിട്ടാണ്​ കരിയറിൽ എട്ടാമത്തെ മാത്രം ടെസ്​റ്റ്​ കളിക്കുന്ന അഗർവാൾ രണ്ടാം ഇരട്ടശതകത്തിലെത്തിയത്​. രണ്ടാം വിക്കറ്റിൽ പൂജാരക്കൊപ്പം 91 റൺസ്​ ചേർത്ത മായങ്ക്​ നാലാം വിക്കറ്റിൽ രഹാ​െനക്കൊപ്പം ചേർന്ന്​ 191റൺസ്​ കൂട്ടിച്ചേർത്തു.

സ്​പിന്നർമാരെ കണക്കിന്​ ശിക്ഷിച്ച മായങ്ക്​ അവരെ എട്ടുതവണ വേലിക്ക്​ മുകളിലൂടെ പറത്തി. മെഹ്​ദി ഹസനെ സിക്​സറടിച്ച്​ ഡബിൾ തികച്ച മായങ്ക്​ 28 ബൗണ്ടറികളും പായിച്ചു​. നാലുവിക്കറ്റ്​ വീഴ്​ത്തിയ അബു ജയേദ്​ മാത്രമാണ്​ ബംഗ്ല ബൗളർമാരിൽ ഭേദപ്പെട്ടുനിന്നത്​. ദുർബലമായ ബംഗ്ലാദേശ്​ ബാറ്റിങ്​നിര കരുത്തരായ ഇന്ത്യൻ ബൗളിങ്​​ നിരക്ക്​ മുന്നിൽ എത്രസമയം പിടിച്ചുനിൽക്കും എന്നതനുസരിച്ചാകും മത്സരം ഫലം നാലാം ദിനത്തിലേക്ക്​ നീളുമോ ഇല്ലയോ എന്നതിന്​ ഉത്തരം ലഭിക്കുക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:India vs Bangladeshsports bnews
News Summary - india vs bangladesh first test
Next Story