ലക്ഷ്യം മറന്ന് ബംഗ്ലാദേശ്; ഇന്ത്യക്ക് 30 റൺസ് ജയം, പരമ്പര

നാഗ്​പുർ: ജയപരാജയങ്ങൾ മാറിമറിഞ്ഞ മത്സരത്തിൽ ബംഗ്ലാദേശിനെ 30 റൺസിന്​ തോൽപിച്ച്​ ട്വൻറി20 പരമ്പര ഇന്ത്യ 2-1ന്​ സ് വന്തമാക്കി. ഹാട്രിക്കടക്കം ആറു വിക്കറ്റ്​ വീഴ്​ത്തി ട്വൻറി20 ക്രിക്കറ്റിലെ ഏറ്റവും മികച്ച ബൗളിങ്​ പ്രകടനം കാഴ ്​ചവെച്ച ദീപക്​ ചഹറാണ്​ ഇന്ത്യയുടെ വിജയശിൽപി​. 3.2 ഓവറിൽ ഏഴു റൺസ്​ മാത്രം വഴങ്ങിയാണ്​ ചഹറി​​െൻറ ആറു വിക്കറ്റ്​ ന േട്ടം.

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ഇന്ത്യ ലോകേഷ്​ രാഹുലി​​െൻറയും (35 പന്തിൽ 52) ശ്രേയസ്​ അയ്യര ുടെയും (33 പന്തിൽ 62) അർധസെഞ്ച്വറി മികവിൽ 20 ഓവറിൽ അഞ്ചു വിക്കറ്റ്​ നഷ്​ടത്തിൽ 175 റൺസെടുത്തു. മറുപടി ബാറ്റിങ്ങിനിറങ്ങിയ ബംഗ്ലാദേശ്​ വെടിക്കെട്ട്​ ഫിഫ്​റ്റിയടിച്ച പുതുമുഖ താരം മുഹമ്മദ്​ നയീമി​​െൻറയും (48 പന്തിൽ 81) മുഹമ്മദ്​ മിഥു​​െൻറയും (27) മൂന്നാം വിക്കറ്റിലെ 98 റൺസ്​ കൂട്ടുകെട്ടി​​െൻറ മികവിൽ മത്സരം തട്ടിയെടുത്തുവെന്ന്​ തോന്നിച്ചെങ്കിലും മധ്യഓവറുകളിൽ കണിശമായി പന്തെറിഞ്ഞ ഇന്ത്യൻ ബൗളർമാർ മത്സരം വരുതിയിലാക്കുകയായിരുന്നു.

നയീം മടങ്ങിയതോടെ ശീട്ടുകൊട്ടാരംപോലെ തകർന്ന ബംഗ്ലാനിര 19.2 ഓവറിൽ 144 റൺസിന്​ പുറത്തായി. കൂറ്റൻ സ്​കോർ തേടിയിറങ്ങിയ ബംഗ്ലാദേശി​​െൻറ തുടക്കം മോശമായിരുന്നു. മൂന്നാം ഓവറിലെ അടുത്തടുത്ത പന്തുകളിൽ ലിറ്റൺ ദാസിനെയും (ഒമ്പത്​) സൗമ്യ സർക്കാറിനെയും (പൂജ്യം) പുറത്താക്കി ചഹർ തുടക്കത്തിൽതന്നെ ബംഗ്ലാദേശിനെ സമ്മർദത്തിലാക്കി. രണ്ടിന്​ 12 എന്ന നിലയിൽ പ്രതിസന്ധിയിലായ ബംഗ്ലാദേശിനിരക്ക്​ റൺറേറ്റ്​ താഴാതെ ബാറ്റുവീശിയ നയീമും മുഹമ്മദ്​ മിഥുനും ചേർന്ന്​ വിജയപ്രതീക്ഷ നൽകി.

യൂസ്​വേന്ദ്ര ചഹലടക്കമുള്ള സുപ്രധാന ബൗളർമാർ കണക്കിന്​ തല്ലുവാങ്ങിയപ്പോൾ മത്സരം കൈയിൽനിന്ന്​ പോയെന്നു​ കരുതി പ്രതീക്ഷയറ്റിരുന്ന ഇന്ത്യക്ക്​ േബ്രക്ക്​ത്രൂ നൽകാനായി ചഹർ തിരിച്ചെത്തി. മിഥുനെ ചഹർ രാഹുലി​​​െൻറ കൈയ്യിലെത്തിച്ചു​​. ശേഷം ബംഗ്ലാദേശി ബാറ്റിങ്​നിരയുടെ എൻജിനായ നയീം, അപകടകാരിയായ മുഷ്​ഫിഖുർ റഹീം (പൂജ്യം) ആതിഫ്​ ഹുസൈൻ (പൂജ്യം) എന്നിവരെ അടുത്തടുത്ത പന്തുകളിൽ പുറത്താക്കിയ യുവതാരം ശിവം ദുബെയാണ്​ ഇന്ത്യയെ ജയത്തിലേക്ക്​ അടുപ്പിച്ചു​.

ഇതിനിടെ ബംഗ്ലാദേശ്​ നായകൻ മഹ്​മൂദുല്ലയെ ബൗൾഡാക്കി യൂസ്​വേന്ദ്ര ചഹൽ ട്വൻറി20യിൽ 50 വിക്കറ്റ്​ തികക്കുന്ന മൂന്നാമത്തെ ഇന്ത്യൻ താരമായി. ശേഷം വാലറ്റക്കാരായ ശഫിയുൽ ഇസ്​ലാമിനെയും (നാല്​) അവസാന ഓവറിൽ അടുത്തടുത്ത്​ അമിനുൽ ഇസ്​ലാം (ഒമ്പത്​), മുസ്​തഫിസുർ റഹ്​മാനെയും (ഒന്ന്​) എന്നിവരെയും പുറത്താക്കി ചഹർ കരിയറിലെ ഏറ്റവും മികച്ച വിക്കറ്റ്​നേട്ടത്തിലെത്തി.