ബംഗ്ലാദേശിന്​ ഏഴു വിക്കറ്റ്​ ജയം; ട്വൻറി20യിൽ ഇന്ത്യയെ വീഴ്​ത്തുന്നത്​ ആദ്യം

ന്യൂഡൽഹി: കാഴ്​ചമറയ്​ക്കുന്ന പുകയും മഞ്ഞുമൊന്നും ബംഗ്ലാദേശി​​െൻറ പോരാട്ടവീര്യത്തെ ബാധിച്ചില്ല. ആദ്യം ബാ റ്റുചെയ്​ത്​ 148 റൺസ്​ കുറിച്ച ഇന്ത്യക്കെതിരെ മൂന്നു​ പന്തും ഏഴു വിക്കറ്റും ബാക്കിനിൽക്കെ തകർപ്പൻ ജയവുമായി ബംഗ ്ലാ കടുവകൾ ചരിത്രംകുറിച്ചു. ട്വൻറി20 ചരിത്രത്തിൽ ഇന്ത്യക്കെതിരെ ഇവരുടെ ആദ്യ ജയമാണിത്​. ടോസ്​ നേടിയ ബംഗ്ലാദേശ് ​ ഇന്ത്യയെ ആദ്യ ബാറ്റിങ്ങിനയക്കുകയായിരുന്നു. പുകമഞ്ഞ്​ നിറയുന്ന അന്തരീക്ഷത്തിൽ രണ്ടാം ബാറ്റ്​ ദുഷ്​കരമാവുമ െന്നറിഞ്ഞിട്ടും പോരാട്ടവീര്യത്തിൽ അവർ ആ വെല്ലുവിളി ഏറ്റെടുത്തു.

നായകൻ രോഹിത്​ ശർമ (9) എളുപ്പം പുറത്തായപ്പോൾ ശിഖർ ധവാൻ (41), ലോകേഷ്​ രാഹുൽ (15), ശ്രേയസ്​ അയ്യർ (22), ഋഷഭ്​ പന്ത്​ (27) എന്നിവർ മധ്യ ഓവറുകളിലും ക്രുണാൽ പാണ്ഡ്യ (15 നോട്ടൗട്ട്​), വാഷിങ്​ടൺ സുന്ദർ (14 നോട്ടൗട്ട്​) എന്നിവർ അവസാന ഓവറുകളിലും ആഞ്ഞടിച്ചതോടെയാണ്​ ഇന്ത്യ പൊരുതാവുന്ന സ്​കോറിലെത്തിത്​. ആറു വിക്കറ്റ്​ നഷ്​ടത്തിലാണ്​ ആതിഥേയർ 148 റൺസ്​ നേടിയത്​. അരങ്ങേറ്റക്കാരൻ ശിവം ദുബെ (1) നിരാശപ്പെടുത്തി. ബംഗ്ലാദേശിനായി ശഫിഉൽ ഇസ്​ലാമും അമിനുൽ ഇസ്​ലാമും രണ്ടു​ വിക്കറ്റ്​ വീതം വീഴ്​ത്തി.

മറുപടി ബാറ്റിങ്ങിനിറങ്ങിയ ബംഗ്ലാദേശിന്​ ലിറ്റൺ ദാസിനെ (7) ആദ്യ ഓവറിൽ നഷ്​ടമായെങ്കിലും പിന്നീട്​ പിടിച്ചുനിന്നു. മുഹമ്മദ്​ നഇം (26), സൗമ്യ സർക്കാർ (39) എന്നിവരുടെ തുടക്കം മുതലെടുത്ത മുഷ്​ഫിഖുർ റഹിം വെടിക്കെട്ട്​ ഇന്നിങ്​സുമായി (43 പന്തിൽ 60) ടീമിനെ ജയത്തിലേക്കു​ നയിക്കുകയായിരുന്നു. നായകൻ മഹ്​മൂദുല്ല (15 നോട്ടൗട്ട്​) മികച്ച പിന്തുണ നൽകി. 18ാം ഓവറിൽ മുഷ്​ഫിഖിനെ ക്രുണാൽ ​ബൗണ്ടറി ലൈനിൽ കൈവിട്ടതും, 19ാം ഓവറിൽ ഖലീൽ അഹമ്മദ്​ 18 റൺസ്​ വഴങ്ങിയതും ഇന്ത്യൻ തോൽവിയിൽ നിർണായകമായി.

ഒമ്പതു​ റൺസെടുത്ത രോഹിത്​ ട്വൻറി20യിലെ രണ്ടു​ റെക്കോഡ്​ സ്വന്തം പേരിലാക്കി. കൂടുതൽ മത്സരം കളിച്ച ഇന്ത്യക്കാരൻ (99), കൂടുതൽ റൺസ്​ (2452) എന്നീ റെക്കോഡുകളാണ്​ രോഹിത്​ നേടിയത്​. എം.എസ്​. ധോണിയെയും (98), വിരാട്​ കോഹ്​ലിയെയുമാണ്​ (2450) മറികടന്നത്​. ശാകിബുൽ ഹസനില്ലാത്ത ബംഗ്ലാദേശി​​െൻറ ജയം എന്ന പ്രത്യേകതയും ഈ നേട്ടത്തിനുണ്ട്​. ഏഴിന്​ രാജ്​കോട്ടിലാണ്​ രണ്ടാം ട്വൻറി20.