അഞ്ചു വിക്കറ്റ്​ ജയം; ശ്രീലങ്കക്കെതിരായ ട്വൻറി20 പരമ്പര ഇന്ത്യ തൂത്തുവാരി

മുംബൈ: ആശ്വാസ ജയം തേടിയിറങ്ങിയ ശ്രീലങ്കക്ക്​ അവസാന മത്സരത്തിലും ജയിക്കാനായില്ല. അവസാന ട്വൻറി20 മത്സരത്തിൽ അഞ്ചു വിക്കറ്റ്​ ജയ​​ത്തോടെ 3-0ന്​ ഇന്ത്യ പരമ്പര തൂത്തുവാരി. ശ്രീലങ്ക ഉയർത്തിയ 135 റൺസ്​ അഞ്ചു വിക്കറ്റ്​ നഷ്​ടത്തിൽ ഇന്ത്യ മറികടന്നു. 

ടോസ്​ നേടി ബൗളിങ്​ തിരഞ്ഞെടുത്ത ക്യാപ്​റ്റൻ രോഹിത്​ ശർമയുടെ തീരുമാനം ശരിവെച്ച്​ ബൗളർമാർ വിക്കറ്റ്​ നേരത്തെ വീഴ്​ത്തിത്തുടങ്ങിയിരുന്നു. ഉനദ്​ക​ട്ടാണ്​ വിക്കറ്റ്​ വേട്ടക്ക്​ തുടക്കം കുറിച്ചത്​. രണ്ടാം ഒാവറിലെ അഞ്ചാം പന്തിൽ വിക്കറ്റ്​ കീപ്പർ നിരോഷൻ ഡിക്​വെല്ല​െയ മുഹമ്മദ്​ സിറാജി​​​​​െൻറ കൈകളിലെത്തിക്കുകയായിരുന്നു. പിന്നാലെ, ട്വൻറി20യിൽ അരങ്ങേറ്റം കുറിച്ച വാഷിങ്​ടൺ സുന്ദർ കുശാൽ പെരേരയെയും (4) പുറത്താക്കി. പിന്നീടങ്ങോട്ട്​ ശ്രീലങ്കൻ താരങ്ങൾ പവലിയനിലേക്ക്​ മടങ്ങാൻ മത്സരിച്ചു. ഉപുൽ തരംഗ (11), സന്ദീര സമരവിക്രമ (21), ധനുഷ്​ക ഗുണതിലക (3), ക്യാപ്​റ്റൻ തിസേര പെരേര (11) എന്നിവരെല്ലാം പിടിച്ചുനിൽക്കാനാവാതെ മടങ്ങി. വൻ തകർച്ചയിൽനിന്നും അസേല ഗുണരത്​നെയും (36) പുറത്താകാതെ നിന്ന ഷാനകയുമാണ്​ (29) കരകയറ്റിയത്​. 
 

മറുപടി ബാറ്റിങ്ങിനിറങ്ങിയ ഇന്ത്യൻ നിരയിൽ​ നാലാം ഒാവറിൽ ഒാപണർ ലോകേഷ്​ രാഹുൽ(4) പെട്ടന്ന്​ പു​​റത്തായി. ദുഷ്​മന്തമ ചമീരയെറിഞ്ഞ പന്തിൽ രാഹുൽ എൽബിയിൽ കുരുങ്ങുകയായിരുന്നു. പിന്നാലെ രോഹിത്​ ശർമ കൂറ്റനടി​ തുടങ്ങിയെങ്കിലും നീണ്ടു നിന്നില്ല. ദാസുൻ ഷാനകയുടെ പന്ത്​ സിക്​സറിന്​ പറത്താനുള്ള ശ്രമം കുശാൽ പെരേരയുടെ കൈയിലൊതുങ്ങി.  ശ്രേയസ്​ അയ്യുറും(30) മനീഷ്​ പാണ്ഡ്യയും(32) പിന്നാലെ ഹാർദിക്​ പാണ്ഡ്യയും(4) പുറത്തായതോടെ  ഇന്ത്യ പ്രതിരോധത്തിലായി. എന്നാൽ, ധോണിയും(16), ദിനേഷ്​ കാർത്തികും(18) ചേർന്ന്​ വിജയിപ്പിക്കുകയായിരുന്നു.