മഴക്കളിയിൽ ആസ്ട്രേലിയക്കെതിരെ ഇന്ത്യക്ക് 26 റൺസിൻെറ വിജയം

ചെന്നൈ: ആദ്യം നതാൻ കോൾട്ടർനീലി​​െൻറ വിക്കറ്റ്​ മഴ, ശേഷം ഹാർദിക്​ പാണ്ഡ്യയുടെ സിക്​സർ നീരാട്ട്​. ഒടുവിൽ എല്ലാ വീര്യവും തണുപ്പിച്ച്​ മാനത്തുനിന്നും കനത്ത പേമാരിയും. എന്നിട്ടും ഇന്ത്യയുടെ വിജയാവേശത്തെ തോൽപിക്കാൻ ആസ്​ട്രേലിയക്കായില്ല. മഴകളിച്ച ആദ്യ ഏകദിനത്തിലെ 26 റൺസ്​ ജയവുമായി ഇന്ത്യ പരമ്പര പോരാട്ടത്തിന്​ തുടക്കംകുറിച്ചു. ടോസ്​ നേടി ആദ്യം ബാറ്റിങ്ങിനിറങ്ങിയ ആതിഥേയർ ഏഴു വിക്കറ്റ്​ നഷ്​ടത്തിൽ 281 റൺസ്​ പടുത്തുയർത്തിയിരുന്നു. എന്നാൽ, ഒാസീസി​​െൻറ മറുപടി ബാറ്റിങ്​ മഴകാരണം മൂന്ന്​ മണിക്കൂറിലേറെ വൈകി. കാത്തിരിപ്പിനൊടുവിൽ ക്രീസുണർന്നപ്പോൾ ഡക്​വർത്ത്​-ലൂയിസ്​ നിയമപ്രകാരം സന്ദർശകരുടെ ലക്ഷ്യം 21 ഒാവറിൽ 164 റൺസ്​. ട്വൻറി20 ആവേശത്തോടെ തുടങ്ങിയ ഒാസീസിനെ സ്​പിൻചുഴിയിൽ എറിഞ്ഞുവീഴ്​ത്തിയതോടെ ഇന്ത്യ ഉജ്ജ്വല വിജയം ​േപാക്കറ്റിലാക്കി. ആസ്​ട്രേലിയക്ക്​ ഒമ്പതു​ വിക്കറ്റ്​ നഷ്​ടത്തിൽ 137 റൺസെടുക്കാനേ കഴിഞ്ഞുള്ളൂ. 83 റൺസും രണ്ട്​ വിക്കറ്റും പോക്കറ്റിലാക്കിയ ഹാർദിക്​ പാണ്ഡ്യയാണ്​ കളിയിലെ കേമൻ. 

ധോണി-പാണ്ഡ്യ ഷോ
ടോസ്​ നേടി ആദ്യം ബാറ്റിങ്ങിനിറങ്ങിയ ഇന്ത്യ  വൻ തകർച്ചയോടെയാണ്​ തുടങ്ങിയതെങ്കിലും മധ്യനിരയിൽ ഹാർദിക്​ പാണ്ഡ്യ (66 പന്തിൽ 83), കേദാർ ജാദവ്​ (54 പന്തിൽ 40), എം.എസ്​. ധോണി (88 പന്തിൽ 79) എന്നിവരുടെ ചെറുത്തുനിൽപാണ്​ രക്ഷപ്പെടുത്തിയത്​. മൂന്നു വർഷത്തിനിടെ വിരാട്​ കോഹ്​ലി രണ്ടാം തവണ പൂജ്യത്തിൽ പുറത്താവുകയും ഇന്ത്യ മൂന്നിന്​ 11 എന്ന നിലയിൽ തരിപ്പണമാവുകയും ചെയ്​തിടത്തുനിന്നായിരുന്നു ​മധ്യനിരയുടെ രക്ഷാപ്രവർത്തനം. അജിൻക്യ രഹാനെ (5), വിരാട്​ കോഹ്​ലി (0), മനീഷ്​ പാണ്ഡെ (0) എന്നിവരെ അഞ്ച്​ ഒാവറിനുള്ളിൽ കോൾട്ടർനീൽ മടക്കി. രോഹിത്​ ശർമ (28) മാർകസ്​ സ്​റ്റോയിണിസിന്​ പിടികൊടുത്തും മടങ്ങിയതോടെ ഇന്ത്യ നാലിന്​ 64ലേക്ക്​ പതിച്ചു.
 

ഇൗ ഘട്ടത്തിലാണ്​ കേദാറിന്​ കൂട്ടായി ധോണിയെത്തുന്നത്​. ​ഒാസീസ്​ ബൗളർമാരെ ക്ഷമയോടെ നേരിട്ട ഇരുവരും ന്യൂബാളി​​െൻറ മേധാവിത്വം തകർത്തു. സ്​കോർ 87ലെത്തിയപ്പോൾ ജാദവിനെ സ്​റ്റോയിണിസ്​ പുറത്താക്കി. ശേഷമാണ്​ ഇന്ത്യൻ ഇന്നിങ്​സി​​െൻറ ഗതിമാറ്റിയ കൂട്ടുകെട്ടി​​െൻറ പിറവി. ധോണിക്കൊപ്പം പിടിച്ചുനിന്ന്​ കളിക്കാൻ ശ്രമിച്ച പാണ്ഡ്യ 37ാം ഒാവറിൽ ആഡം സാംപയെ മൂന്ന്​ സിക്​സറും ഒരു ബൗണ്ടറിയും പറത്തി നേടിയ 24 റൺസ്​ ഇന്ത്യൻ ബാറ്റിങ്ങി​​െൻറ ഗതിമാറ്റി. വൈകാതെ ​പാണ്ഡ്യ പുറത്തായെങ്കിലും അഞ്ച്​ ബൗണ്ടറിയും അഞ്ച്​ സിക്​സും പിറന്ന ഇന്നിങ്​സ്​ ഇന്ത്യൻ ടോട്ടലി​​െൻറ ന​െട്ടല്ലായി. 
 

കോഹ്ലിയെ പൂജ്യത്തിന് പുറത്താക്കിയ നഥാൻ കൗൾട്ടർ–നീലിന്റെ ആഹ്ലാദം

 

164 ലക്ഷ്യവുമായിറങ്ങിയ ഒാസീസ്​ വെടിക്കെട്ട്​ മോഹിച്ചാണ്​ ക്രീസിലെത്തിയതെങ്കിലും നനഞ്ഞ ഒൗട്ട്​ ഫീൽഡും പിച്ചും കളിയുടെ ഗതി തിരിച്ചു. കാർട്ട്​റ്റൈ്​ (1), സ്​റ്റീവൻ സ്​മിത്ത്​ (1), ട്രാവിസ്​ ഹെഡ്​ (5) എന്നിവർ ഒറ്റയക്കത്തിൽ ആറ്​ ഒാവറിനുള്ളിൽ മടങ്ങി. ഡേവിഡ്​ വാർണറും (25), മാക്​സ്​വെല്ലും (39) നടത്തിയ ചെറുത്തുനിൽപിനും ആയുസ്സുണ്ടായില്ല. മാർകസ്​ സ്​റ്റോയിണിസ്​ (3), മാത്യു വെയ്​ഡ്​ (9), പാറ്റ്​ കമ്മിൻസ്​ (9) എന്നിവരും ഒറ്റയക്കത്തിൽ മടങ്ങി. ജെയിംസ്​ ഫോക്​നർ 32 റൺസുമായി പുറത്താവാതെനിന്നു. യുസ്​വേന്ദ്ര ചഹൽ മൂന്നും കുൽദീപ്​ യാദവ്​, ഹാർദിക്​ പാണ്ഡ്യ എന്നിവർ രണ്ടു വീതവും വിക്കറ്റ്​ വീഴ്​ത്തി. പരമ്പരയിലെ രണ്ടാം മത്സരം വ്യാഴാഴ്​ച കൊൽക്കത്തയിൽ.
 

ഹർദിക് പാണ്ഡ്യെയുടെ ബാറ്റിങ്