ഇന്ത്യ 165ന്​ പുറത്ത്​; കിവീസ്​ ലീഡിലേക്ക്​

09:58 AM
22/02/2020
kane-willison

വെല്ലിങ്​ടൺ: ഇന്ത്യക്കെതിരായ ഒന്നാം ക്രിക്കറ്റ്​ ടെസ്​റ്റി​​െൻറ ഒന്നാമിന്നിങ്​സിൽ ന്യൂസിലൻഡിന്​ ലീഡ്​​. സന്ദർശകരെ ഒന്നാമിന്നിങ്​സിൽ 165 റൺസിന്​ പുറത്താക്കിയ ന്യൂസിലൻഡ്​ രണ്ടാം ദിവസം കളി നിർത്തു​േമ്പാൾ അഞ്ചു വിക്കറ്റ്​ നഷ്​ടത്തിൽ 216 റൺസെടു​ത്തിട്ടുണ്ട്​. അഞ്ചു വിക്കറ്റ്​ കൈയിലിരിക്കേ 51 റൺസിന്​ മുന്നിലാണ്​ കിവികൾ.

ക്യാപ്​റ്റൻ കെയ്​ൻ വില്യംസണി​​െൻറ (153 പന്തിൽ 89) അർധസെഞ്ച്വറിയാണ്​ ആതിഥേയർക്ക്​ കരുത്തുപകർന്നത്​. റോസ്​ ​െടയ്​ലർ 44ഉം ടോം ബ്ലൻ​െഡൽ 30ഉം റൺസെടുത്തു. ടോം ലതാം (11), ഹ​െൻറി നിക്കോൾസ്​ (17) എന്നിവരാണ്​ പുറത്തായ മറ്റു ബാറ്റ്​സ്​മാന്മാർ. 14 റൺസുമായി ബ്രാഡ്​ലി ജോൺ വാട്​ലിങ്ങും നാലു റൺസെടുത്ത്​ കോളിൻ ഡി ഗ്രാൻഡ്​ഹോമുമാണ്​ ക്രീസിൽ. ഉജ്വലമായി പന്തെറിഞ്ഞ ഇശാന്ത്​ ശർമ 31 റൺസിന്​ മൂന്നു വിക്കറ്റ്​ പിഴുതപ്പോൾ മുഹമ്മദ്​ ഷമിയും രവിചന്ദ്ര അശ്വിനും ഒരോ വിക്കറ്റെടുത്തു. 

നേരത്തേ, അഞ്ചിന്​ 122 റൺസെന്ന നിലയിൽ രണ്ടാം ദിനം ബാറ്റിങ്​ പുനരാരംഭിച്ച സന്ദർശകർ എളുപ്പം കീഴടങ്ങുകയായിരുന്നു. 138 പന്തിൽ 46 റൺസെടുത്ത അജിൻക്യ രഹാനെയും 34 റൺസ്​ നേടിയ മായങ്ക്​ അഗർവാളും മാത്രമാണ്​ മുൻനിരയിൽ ചെറുത്തുനിന്നത്​. അവസാനഘട്ടത്തിൽ 20 പന്തുകളിൽ മൂന്നുഫോറടക്കം 21 റൺസെടുത്ത മുഹമ്മദ്​ ഷമിയാണ്​ സ്​കോർ 150 കടത്തിയത്​. വൃദ്ധിമാൻ സാഹക്കുപകരം​ ​േപ്ലയിങ്​ ഇലവനിൽ ഇടംനേടിയ വിക്കറ്റ്​കീപ്പർ ബാറ്റ്​സ്​മാൻ ഋഷഭ്​ പന്ത്​ 19 റൺസെടുത്ത്​ റണ്ണൗട്ടായി. ആതിഥേയർക്കുവേണ്ടി ടിം സൗത്തീയും കെയ്​ൽ ജാമീസണും നാലുവിക്കറ്റ്​ വീതം വീഴ്​ത്തി. 

Loading...
COMMENTS