അഫ്​ഗാനെതിരെ ഇന്ത്യക്ക്​ 262 റൺസ്​ ജയം

ബംഗളൂരു: അഫ്​ഗാനെതിരായ ആദ്യ ടെസ്​റ്റ്​ മൽസരത്തിൽ ഇന്ത്യക്ക്​ ഇന്നിങ്​സ്​ ജയം. 263 റൺസി​​െൻറ വമ്പൻ ജയമാണ്​ ഇന്ത്യ നേടിയത്​. ആദ്യ ഇന്നിങ്​സിന്​ സമാനമായി കുറഞ്ഞ സ്​കോറിന്​ അഫ്​ഗാനിസ്​താൻ രണ്ടാം ഇന്നിങ്​സിലും പുറത്തായി. ഇന്ത്യയുടെ ബൗളിങ്​ കരുത്തിന്​ മുന്നിൽ കേവലം 103 റൺസെടുക്കാനെ അഫ്​ഗാനിസ്​താന്​ സാധിച്ചുള്ളു. സ്​​േകാർ ഇന്ത്യ: 474, അഫ്​ഗാനിസ്​താൻ: 109,103

ഫോളോ ഒാൺ വഴങ്ങി രണ്ടാമതും ബാറ്റ്​ ചെയ്യേണ്ടി വന്ന അഫ്​ഗാനിസ്​താൻ രണ്ടാം ഇന്നിങ്​സിലും മികച്ച പ്രകടനം കാഴ്​ചവെച്ചില്ല. ആദ്യ ഇന്നിങ്​സിൽ അശ്വി​​െൻറ തകർപ്പൻ ബൗളിങ്ങിന്​ മുന്നിൽ അഫ്​ഗാൻ​ തകർന്നടിയുകയായിരുന്നു. രണ്ടാം ഇന്നിങ്​സിൽ ജഡേജയും ഉമേഷ്​ യാദവുമാണ്​ അഫ്​ഗാൻ ബാറ്റിങ്​ നിരയുടെ ന​​െട്ടല്ലൊടിച്ചത്​. 

കേവലം 17 റൺസ്​ വഴങ്ങി ജഡേജ നാല്​ വിക്കറ്റെടുത്തു. 26 റൺസ്​ മാത്രം വഴങ്ങി മൂന്ന്​ വിക്കറ്റെടുത്ത ഉമേഷ്​ യാദവി​​െൻറ പ്രകടനവും ഇന്ത്യൻ വിജയത്തിൽ നിർണായകമായി. ആദ്യ ഇന്നിങ്​സിൽ നാല്​ വിക്കറ്റ്​ വീഴ്​ത്തിയ ആർ.അശ്വിനി​​െൻറ പ്രകടനമാണ്​ അഫ്​ഗാനെ ചെറിയ സ്​​േകാറിലൊതുക്കിയത്​. 35 റൺസെടുത്ത ഹംസത്തുള്ള ഷഹിദിക്കൊഴികെ മറ്റാർക്കും അഫ്​ഗാൻ നിരയിൽ തിളങ്ങാനായില്ല. മുരളി വിജയ്​, ശിഖർധവാൻ തുടങ്ങിയവരുടെ മികച്ച പ്രകടനമാണ്​ ഇന്ത്യക്ക്​ ആദ്യ ഇന്നിങ്​സിൽ മികച്ച സ്​കോർ സമ്മാനിച്ചത്​.