Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightപാകിസ്​താനെ തകർത്ത്​...

പാകിസ്​താനെ തകർത്ത്​ ഇന്ത്യൻ വനിതകൾ ഏഷ്യ കപ്പ്​ ഫൈനലിൽ

text_fields
bookmark_border
പാകിസ്​താനെ തകർത്ത്​ ഇന്ത്യൻ വനിതകൾ ഏഷ്യ കപ്പ്​ ഫൈനലിൽ
cancel

കോലാലംപൂർ: പാകിസ്​താനെ ഏഴ്​ വിക്കറ്റിന്​ തകർത്ത്​ ഇന്ത്യൻ വനിത ക്രിക്കറ്റ്​ ടീം ഏഷ്യ കപ്പ് ട്വൻറി 20 ചാമ്പ്യൻസ്​​ ഫൈനലിൽ. പാകിസ്​താൻ ഉയർത്തിയ 73 റൺസ്​ വിജയലക്ഷ്യം നാല്​ ഒാവർ ബാക്കി നിൽക്കെ മൂന്ന്​ വിക്കറ്റ്​ നഷ്​ടത്തിൽ ഇന്ത്യ മറികടന്നു. ബൗളർമാരുടെ തകർപ്പൻ പ്രകടനമാണ്​ ഇന്ത്യക്ക്​ ജയമൊരുക്കിയത്​.

എകത ബിഷ്​തി​​​െൻറ ബൗളിങ്ങാണ്​ പാകിസ്​താൻ ബാറ്റിങ്​ നിരയെ തകർത്ത്​​. ബിഷ്​ത്​ മൂന്ന്​ വിക്കറ്റുകൾ വീഴ്​ത്തി. ശിഖ പാണ്ഡേയും അനുജ പാട്ടിലും തുടക്കത്തിൽ തന്നെ വിക്കറ്റ്​ നേടി പാകിസ്​താന്​ കനത്ത പ്രഹരം നൽകിയിരുന്നു. ഇൗ പ്രഹരത്തിൽ നിന്ന്​ കരകയറാൻ പാകിസ്​താന്​ ഒരുഘട്ടത്തിലും സാധിച്ചില്ല. നിശ്​ചിത 20 ഒാവറിൽ ഏഴ്​ വിക്കറ്റ്​ നഷ്​ടത്തിലാണ്​ പാകിസ്​താൻ 72 റൺസെടുത്തത്​.

ഇന്ത്യയുടെ ബാറ്റിങ്ങു തുടങ്ങിയത്​ തകർച്ചയോടെയായിരുന്നു. ആറ്​ ബോളുകൾ നേരിട്ട മിതാലി രാജ്​ പൂജ്യത്തിന്​ പുറത്തായത്​ ടീമിന്​ കനത്ത ആഘാതമായി. ദീപ്​തി ശർമ്മയും മടങ്ങി​യതോടെ ഇന്ത്യ 5-2 എന്ന പരിതാപകരമായ നിലയിലേക്കു വീണു. എന്നാൽ, അപകടഘട്ടത്തിൽ ഒന്നിച്ച മന്ദാനയും കൗറും ചേർന്ന സഖ്യം ഇന്ത്യയെ വിജയത്തിലേക്ക്​ നയിച്ചു. കൗർ 34 റൺസും മന്ദാന 38 റൺസും നേടി.  

Show Full Article
TAGS:Asia Cup Womens team india sports news Cricket malayalam news 
News Summary - India beat Pakistan to reach Women's Asia Cup final-Sports news
Next Story