Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right​രണ്ടാം ഏകദിനം: ഇന്ത്യ ...

​രണ്ടാം ഏകദിനം: ഇന്ത്യ 252ന്​ പുറത്ത്​

text_fields
bookmark_border
kohlis batting
cancel
camera_alt??????????????????? ??? ????????? ?????? ??????? ??????????? ??????? ???????????? ?????????

കൊൽക്കത്ത: ആസ്​ട്രേലിയക്കെതിരെ രണ്ടാം ഏകദിനത്തിൽ ഇന്ത്യ 50 ഒാവറിൽ 252റൺസിന്​ പുറത്തായി. ആസ്​ട്രേലിയക്ക്​ വിജയലക്ഷ്യം 253 റൺസ്​.
ഒാപ്പണർ അജിൻക്യ രഹാനെയുടെയും ക്യാപ്​റ്റൻ വിരാട്​ കോഹ്​ലിയുടെയും അർധ സെഞ്ച്വറികളുടെ മാത്രം ബലത്തിലാണ്​ ഇന്ത്യ 250 കടന്നത്​.


ഫാസ്​റ്റ്​  ബൗളർമാരായ കോൾട്ടർ നെയ്​ലും റിച്ചാർഡ്​സണും മൂന്നു വിക്കറ്റ്​ വീതം വീഴ്​ത്തി ഇന്ത്യയെ വരിഞ്ഞുകെട്ടി. ടോസ്​ നേടിയ കോഹ്​ലി ആദ്യ ഏകദിനം അനായാസം ജയിച്ചതി​​​​െൻറ ആ​േവശത്തിലാണ്​ കഴിഞ്ഞ കളിയിലെപ്പോലെ ബാറ്റിങ്​ തെരഞ്ഞെടുത്തത്​. എന്നാൽ, ഇൗഡൻ ഗാർഡ​​​​െൻറ കാമുകനായ  രോഹിത്​ ശർമ വെറും ഏഴ്​ റൺസുമായി കളം കയറിയപ്പോൾ ഇന്ത്യ ബാക്ക്​ഫുട്ടിലായി. എന്നാൽ, കോഹ്​ലിയും രഹാനെയുംകൂടി ഇന്ത്യൻ ഇന്നിങ്​സ്​ പടുത്തുയർത്തുകയായിരുന്നു.


രണ്ടാം വിക്കറ്റിൽ 102 റൺസ്​ കൂട്ടുകെട്ടുയർത്തിയ ശേഷം 55 റൺസ​ുമായി രഹാനെ മടങ്ങി. പകരമെത്തിയ മനീഷ്​ പാണ്ഡെ കഴിഞ്ഞ കളിയിലെപ്പോലെ നിരാശ സമ്മാനിച്ചു മൂന്നു റൺസുമായി അഗാറി​​​​െൻറ പന്തിൽ കുറ്റി തെറിച്ചു പുറത്തായി.


നാലാം വിക്കറ്റിൽ കേദാർ ജാദവ്​ നിലയുറപ്പിക്കുമെന്നു കരുതിയ നിമിഷത്തിൽ കോൾട്ടർ നെയ്​ൽ വീണ്ടും ആഞ്ഞടിച്ചു. മാക്​സ്​വെല്ലി​​​​െൻറ കൈയിൽ കേദാറിനെ ഭദ്രമായി ഏൽപ്പിച്ച നെയ്​ൽ വിക്കറ്റ്​ നേട്ടം രണ്ടാക്കി ഉയർത്തി.

അതിനിടയിൽ കോഹ്​ലി അർധ സെഞ്ച്വറി പിന്നിട്ടിരുന്നു. മറ്റൊരു സെഞ്ച്വറി കൂടി പിറക്കുമെന്നു കരുതിയ ഘട്ടത്തിൽ കോഹ്​ലി വീണതാണ്​ ഇന്ത്യൻ ഇന്നിങ്​സിന്​ തിരിച്ചടിയായത്​. 95 റൺസിലെത്തിയപ്പോൾ നെയ്​ൽ വീണ്ടും അന്തകനാവുകയായിരുന്നു. കുറ്റി തെറിച്ചാണ്​  ഇന്ത്യൻ നായകൻ മടങ്ങിയത്​.
കഴിഞ്ഞ മത്സരത്തിൽ തകർച്ചയിൽനിന്ന്​ ഇന്ത്യയെ പിടിച്ചുകയറ്റിയ ധോണിയിലായിരുന്നു ഇന്ത്യയുടെ പ്രതീക്ഷ. പക്ഷേ, വെറും അഞ്ച്​ റൺസെടുത്ത ധോണിയെ സ്​മിത്തി​​​െൻറ കൈയിലെത്തിച്ച്​ റിച്ചാർഡ്​സൺ ഇന്ത്യൻ കുതിപ്പ്​ തടഞ്ഞു.


ഒന്നാം ഏകദിനത്തിലെ ഹീറോ ഹർദിക്​ പാണ്ഡ്യക്ക്​ അവസാന ഒാവറുകളിൽ കൂറ്റൻ അടി പുറത്തെടുക്കാനുമായില്ല. 20 വീതം റൺസെടുത്ത്​ പാണ്ഡ്യയും ഭുവനേശ്വറും പുറത്തായി. ഇന്നിങ്​സിലെ അവസാന പന്തിൽ യുസ്​വേന്ദ്ര ചാഹൽ റണ്ണൗട്ടായതോടെ ഇന്ത്യ 252 റൺസിന്​ എല്ലാവരും പുറത്തായി.

 

 

Show Full Article
TAGS:Cricket indiaaustraliasecondonedaymatch eden gardens 
News Summary - india australia second one day macth
Next Story