ഫൈനൽ ടിക്കറ്റിന്​ 1.5ലക്ഷം രൂപ; കരിഞ്ചന്തയെ വെല്ലും കൊള്ളയുമായി ​െഎ.സി.സി

ലണ്ടൻ: ലോകകപ്പ്​ പോരാട്ടത്തിന്​ തീപിടിച്ചതോടെ ടിക്കറ്റ്​ വില റോക്കറ്റ്​ വേഗത്തിലായി. കരിഞ്ചന്തയിലും ഗാ ലറിയുടെ പിന്നാമ്പുറങ്ങളിലുമല്ല ഇൗ വിൽപന. ​െഎ.സി.സിയുടെ ഒൗദ്യോഗിക ഏജൻസിയായ ‘ടിക്കറ്റ്​ മാസ്​റ്ററി’ലൂടെയാണ്​ കരിഞ്ചന്തയെയും വെല്ലുന്ന കൊള്ളയടി. ജൂൺ 30ന്​ എഡ്​ജ്​ബാസ്​റ്റണിൽ നടക്കുന്ന ഇന്ത്യ-ഇംഗ്ലണ്ട്​ മത്സരത്തിനുള്ള പ്ലാറ്റിനം ടിക്കറ്റ്​ ആദ്യം വിറ്റത്​ 20,668 രൂപക്ക്​. അതേ ടിക്കറ്റി​ന്​ ഇപ്പോഴത്തെ വില 87,510 രൂപ.

​ജൂ​ൈല​ 14ന്​ ലോഡ്​സിൽ നടക്കുന്ന ഫൈനൽ മത്സരത്തി​​െൻറ ടിക്കറ്റ്​ വിലകേട്ടാൽ ഞെട്ടും. സിൽവർ, ബ്രോൺസ്​ ടിക്കറ്റുകൾ ആദ്യം വിറ്റത്​ 17,150ഉം 8355ഉം രൂപക്ക്​. ഇപ്പോഴത്തെ വില 1.5 ലക്ഷവും 1.31 ലക്ഷവും രൂപ. കൊൽക്കത്ത ആസ്​ഥാനമായ ​െഎ.സി.സിയുടെ ഒൗദ്യോഗിക ടിക്കറ്റിങ്​ ഏജൻസിയാണ്​ ആരാധകരുടെ ആവേശത്തെ കൊള്ളടിച്ച്​ വില പതിന്മടങ്ങ്​ കൂട്ടിയത്​.

ക്രിക്കറ്റ്​ ആരാധകരെന്ന പേരിൽ സമീപിച്ച മാധ്യമപ്രവർത്തകരോടാണ്​ ഏജൻസി ഇത്രയും തുക ആവശ്യപ്പെട്ടത്​. വാർത്ത പുറത്തുവന്നതോടെ ​െഎ.സി.സി ഇടപെട്ടതായാണ്​ വിവരം. ഇംഗ്ലണ്ടിലേക്കുള്ള പാക്കേജായാണ്​ ടിക്കറ്റ്​ വില ഉയർത്തിയതെന്ന്​ ഏജൻസി വാദിക്കു​േമ്പാഴും, യഥാർഥ വിലയേക്കാൾ പതിന്മടങ്ങാണ്​ ഇത്​.