Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightലോകകപ്പ്:...

ലോകകപ്പ്: വിൻഡീസിനെതിരെ ശ്രീലങ്കക്ക്​ 23 റൺസ്​ ജയം

text_fields
bookmark_border
avishka
cancel
camera_alt????????? ????? ???????????? ??????? ?????????????? ???????

ചെസ്​റ്റർ ലീ സ്​ട്രീറ്റ്​: നികോളസ്​ പുരാ​​​​െൻറ (118) ഒറ്റയാൾ പോരാട്ടത്തിനും ശ്രീലങ്ക ഉയർത്തിയ റൺമല കീഴടക്കാൻ സാധിച്ചില്ല. ആവിഷ്​ക ഫെർണാണ്ടോയുടെ (104) കന്നി ഏകദിന സെഞ്ച്വറി മികവിൽ ശ്രീലങ്ക കുറിച്ച​ 339 റൺസ്​ ലക്ഷ്യം പിന്തുടർന്ന വിൻഡീസിന്​​ 50 ഒാവറിൽ ഒമ്പത്​ വിക്കറ്റ്​ നഷ്​ടത്തിൽ 315 റൺസെടുക്കാ​േന കഴിഞ്ഞുള്ളൂ.

പുരാനെ കൂടാതെ വിൻഡീസ്​ നിരയിൽ വാലറ്റക്കാരൻ ഫാബിയൻ അലൻ (51), ​ക്രിസ്​ ഗെയ്​ൽ (35), ജാസൺ, ഷിംറ്റൺ ഹെറ്റ്​ മെയർ (29), ഹോൾഡർ (26) എന്നിവർ ചെറുത്തുനിന്നു. 199 റൺസിന്​ ആറ്​ എന്ന നിലയിൽ പരാജയം അഭിമുഖീകരിച്ച വിൻഡീസിനെ പുരാനും അലനും ചേർന്ന്​ ഏഴാം വിക്കറ്റിൽ കൂട്ടിച്ചേർത്ത 83 റൺസാണ്​ പ്രതീക്ഷയേകിയത്​.

പുരാൻ ക്രീസിലുള്ള സമയം വിജയം പ്രതീക്ഷിച്ച വിൻഡീസിന്​ നിരാശ സമ്മാനിച്ച്​ ആദ്യ ഒാവർ എറിയാനെത്തിയ ആഞ്ചലോ മാത്യൂസ്​ താരത്തെ വിക്കറ്റ്​ കീപ്പറുടെ കൈകളിൽ എത്തിച്ചു. പുരാൻ വീണതോടെ മത്സരം ശ്രീലങ്കയുടെ വരുതിയിലാകുകയായിരുന്നു. അവസാന ഒാവറിൽ ജയിക്കാൻ 27 റൺസ്​ വേണ്ടിയിരുന്ന വിൻഡീസിന്​ മൂന്ന്​ റൺസെടുക്കാ​േന കഴിഞ്ഞുള്ളൂ.

വിക്കറ്റിനിടയിലെ ഒാട്ടത്തിൽ അശ്രദ്ധരായ വിൻഡീസ്​ ബാറ്റ്​സ്​മാൻമാരിൽ മൂന്നു പേരാണ്​ റണ്ണൗട്ടായി മടങ്ങിയത്​. ദി​മു​ത്​ ക​രു​ണ​ര​ത്​​നെ​ (32) , കു​ശാ​ൽ പെ​രേ​ര​ (64), എ​യ്​​ഞ്ച​ലോ മാ​ത്യൂ​സ്​ (26), ല​ഹി​രു തി​രി​മ​ന്നെ (45), കു​ശാ​ൽ മെ​ൻ​ഡി​സ്(39) എന്നിർ ലങ്കക്കായി ബാറ്റിങ്ങിൽ തിളങ്ങി. ലസിത്​ മലിംഗ മൂന്ന്​ വിക്കറ്റെടുത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sri LankaWest Indiesmalayalam newssports newsICC World Cup 2019
News Summary - ICC World Cup 2019 Sri Lanka win against West indies -Sports News
Next Story