Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightബാബർ അസമിന്​...

ബാബർ അസമിന്​ സെഞ്ച്വറി; കിവീസിനെതിരെ​ ജയം

text_fields
bookmark_border
babar
cancel
camera_alt????????? ????? ???????????????? ???? ???

ബിർമിങ്​ഹാം: നിർണായക മത്സരത്തിൽ ന്യൂസിലൻഡിനെ ആറുവിക്കറ്റിന്​ തോൽപിച്ച്​ പാകിസ്​താൻ സെമി സാധ്യതകൾ സജീവമാക ്കി. ബാബർ അസമി​​​​െൻറയും (101 നോട്ടൗട്ട്​) ഹാരിസ്​ സു​ഹൈലി​​​​െൻറയും (68) തകർപ്പൻ ഇന്നിങ്​സുകളുടെ മികവിൽ ന്യൂസില ൻഡ്​ ഉയർത്തിയ 238 റൺസ്​ വിജയലക്ഷ്യം പാകിസ്​താൻ അഞ്ചു​ പന്തുകൾ ബാക്കിനിൽക്കേ നാലു വിക്കറ്റ്​ മാത്രം നഷ്​ടപ്പെടു ത്തി മറികടക്കുകയായിരുന്നു.

ഷഹീൻ അഫ്രീദി ടോപ്​ഒാർഡറി​​​​െൻറ മുനയൊടിച്ചപ്പോൾ സെഞ്ച്വറിയോളം പോന്ന ജെ യിംസ്​ നീഷാമി​​​​െൻറ (97 നോട്ടൗട്ട്​) ​പ്രകടനത്തി​​​​െൻറയും കോളിൻ ഡി ​​ഗ്രാൻഡ്​ഹോമി​​​​െൻറ (64) മനോഹര ഇന്നിങ്​സി​​​​െൻറയും ബലത്തിൽ ന്യൂസിലൻഡ്​ നിശ്ചിത ഒാവറിൽ ആറു വിക്കറ്റ്​ നഷ്​ടത്തിൽ 237 റൺസെടുത്തു. 10 ഒാവറിൽ 28 റൺസ്​ മാ​ത്രം വഴങ്ങി മൂന്നു​ വിക്കറ്റ്​ വീഴ്​ത്തിയ ഷഹീ​​​​െൻറ സ്​പെല്ലാണ്​ ന്യൂസിലൻഡിനെ പിടിച്ചുകെട്ടാൻ സഹായകമായത്​​.
താരതമ്യേന ദുർബലമായ ലക്ഷ്യം തേടിയിറങ്ങിയ പാകിസ്​താന്​ മൂന്നാം ഒാവറിൽ ഒാപണർ ഫഖർ സമാ​​​​െൻറ (19) വിക്കറ്റ്​ നഷ്​ടമായി.

മനോഹരമായ ഡൈവിങ്​ ക്യാച്ചിലൂടെ സമാനെ മാർട്ടിൻ ഗുപ്​റ്റിൽ പുറത്താക്കുകയായിരുന്നു. ലോക്കി ഫെർഗൂസന്​ വിക്കറ്റ്​. സ്​കോർ 44ൽ എത്തിനിൽക്കേ ഇമാമുൽ ഹഖിനെ (19) ട്ര​​​െൻറ്​ ബൗൾട്ട്​ ഗുപ്​റ്റിലി​​​​െൻറ കൈയിലെത്തിച്ചു. മൂന്നാം വിക്കറ്റിൽ ബാബറും മുഹമ്മദ്​ ഹഫീസും ചേർന്ന്​ പാകിസ്​താനെ സാവധാനം മുന്നോട്ട്​ നയിച്ചു.

പാർട്​നർഷിപ്​​ 66 റൺസിലെത്തി നിൽക്കേ ഹഫീസിനെ (32) കെയ്​ൻ വില്യംസൺ പുറത്താക്കി. പിന്നാലെ ഒത്തുചേർന്ന ബാബറും ഹാരിസ്​ സു​ഹൈലും ചേർന്ന്​ അനായാസം ടീമിനെ വിജയത്തിലേക്ക്​ നയിക്കുകയായിരുന്നു. ഇരുവരും ചേർന്ന്​ നാലാം വിക്കറ്റിൽ 126 റൺസ്​ അടിച്ചുകൂട്ടി ജയമുറപ്പിച്ച ശേഷമാണ്​ ഹാരിസ്​ റണ്ണൗട്ടായി പുറത്തായത്​.

മഴമൂലം ഒരു മണിക്കൂറോളം വൈകിയ മത്സരത്തിൽ ടോസ്​ നേടിയ കിവീസ്​ നായകൻ കെയ്​ൻ വില്യംസണി​​​​െൻറ കണക്കുകൂട്ടലുകൾ പിഴക്കുന്ന കാഴ്​ചയാണ്​ കണ്ടത്​.

മാർട്ടിൻ ഗുപ്​റ്റിൽ (5), കോളിൻ മൺറോ (12), റോസ്​ ടെയ്​ലർ (3), ടോം ലാഥം (1) എന്നിവർ എളുപ്പം പവലിയനിൽ മടങ്ങിയെത്തി. ആ കിവീസ്​ 83-5 എന്ന നിലയിൽ പരുങ്ങിനിൽക്കുന്ന വേളയിലാണ്​ നീഷാമും ​​ഗ്രാൻഡ്​ഹോമും ചേർന്ന്​ രക്ഷപ്പെടുത്തിയത്​.

പൊരുതിനിന്ന ക്യാപ്​റ്റൻ കെയ്​ൻ വില്യംസൺ മടങ്ങിയ ശേഷം ഒരുമിച്ച ഇരുവരും ചേർന്ന്​ ആറാം വിക്കറ്റിൽ 132 റൺസ്​ ചേർത്താണ് പിരിഞ്ഞത്​. ​കിവീസി​​​​െൻറ ആദ്യ തോൽവിയാണിത്​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:new zealandmalayalam newssports newsCricket NewsICC World Cup 2019
News Summary - icc world cup 2019; New Zealand vs Pakistan -sports news
Next Story