ഐ.സി.സി അവാർഡ്: രോഹിത് മികച്ച ഏകദിന താരം
text_fieldsദുൈബ: 2019ലെ ഏറ്റവും മികച്ച ഏകദിന താരത്തിനുള്ള ഐ.സി.സി പുരസ്കാരം ഇന്ത്യൻ ഉപനായകൻ രോഹിത് ശർമക്ക്. ഏകദിന, ടെസ്റ്റ് ടീമുകളുടെ നായകനായി തെരഞ്ഞെടുക്കപ്പെട്ട വിരാ ട് കോഹ്ലിയെ കളിക്കളത്തിലെ മാന്യമായ ഇടപെടലിനുള്ള സ്പിരിറ്റ് ഓഫ് ക്രിക്കറ്റ് പുരസ്കാരവും തേടിയെത്തി.
ആസ്ട്രേലിയക്കെതിരായ ലോകകപ്പ് മത്സരത്തിനിടെ സ് റ്റീവൻ സ്മിത്തിനെതിരെ കൂക്കിവിളിച്ച ആരാധകരോട് കൂവൽ നിർത്തി കൈയടിക്കാൻ ആഹ്വാ നം ചെയ്ത നടപടിയാണ് കോഹ്ലിയെ അർഹനാക്കിയത്.
ഇംഗ്ലണ്ടിനെ ഏകദിന ലോകകപ്പ് ജേതാക്കളാക്കിയ ബെൻ സ്റ്റോക്സിനാണ് മികച്ച കളിക്കാരനുള്ള ഗാരി സോബേഴ്സ് പുരസ്കാരം. കഴിഞ്ഞ വർഷം ഇംഗ്ലണ്ടിൽ നടന്ന ഏകദിന ലോകകപ്പിൽ അഞ്ച് സെഞ്ച്വറിയടക്കം ഒമ്പത് കളികളിൽനിന്ന് 81 റൺസ് ശരാശരിയിൽ 648 റൺസ് വാരിക്കൂട്ടിയാണ് രോഹിത് താരമായത്.
പുരസ്കാരങ്ങൾ
- ബെസ്റ്റ് ക്രിക്കറ്റർ (ഗാരി സോബേഴ്സ് ട്രോഫി):
- ബെൻ സ്റ്റോക്സ് (ഇംഗ്ലണ്ട്)
- ടെസ്റ്റ് ക്രിക്കറ്റർ: പാറ്റ് കമ്മിൻസ് (ആസ്ട്രേലിയ)
- ഏകദിന ക്രിക്കറ്റർ: രോഹിത് ശർമ (ഇന്ത്യ)
- ട്വൻറി20യിലെ മികച്ച പ്രകടനം: ദീപക് ചഹർ (ഇന്ത്യ, ബംഗ്ലാദേശിനെതിരെ നാഗ്പൂരിൽ ഹാട്രിക്കടക്കം ഏഴ് റൺസ് വഴങ്ങി ആറ് വിക്കറ്റ്)
- എമർജിങ് ക്രിക്കറ്റർ: മാർനസ് ലബുഷെയ്ൻ (ആസ്ട്രേലിയ)
- അസോസിയേറ്റ് ക്രിക്കറ്റർ: കെയ്ൽ കോട്സർ (സ്കോട്ട്ലൻഡ്)
- സ്പിരിറ്റ് ഓഫ് ക്രിക്കറ്റ്: വിരാട് കോഹ്ലി (ഇന്ത്യ)
- ബെസ്റ്റ് അമ്പയർ: റിച്ചാർഡ് ഇല്ലിങ്വർത്
- കോഹ്ലി ഏകദിന ടെസ്റ്റ് നായകൻ
- ഏകദിന ടീം: രോഹിത് ശർമ, ഷായ് ഹോപ്, വിരാട് കോഹ്ലി (നായകൻ), ബാബർ അസം, കെയ്ൻ വില്യംസൺ, ബെൻ സ്റ്റോക്സ്, ജോസ് ബട്ലർ (വിക്കറ്റ് കീപ്പർ), മിച്ചൽ സ്റ്റാർക്ക്, ട്രെൻറ് ബോൾട്ട്, മുഹമ്മദ് ഷമി, കുൽദീപ് യാദവ്.
- ടെസ്റ്റ് ടീം: മായങ്ക് അഗർവാൾ, ടോം ലഥാം, മാർനസ് ലബുഷെയ്ൻ, വിരാട് കോഹ്ലി (ക്യാപ്റ്റൻ), സ്റ്റീവൻ സ്മിത്ത്, ബെൻ സ്റ്റോക്സ്, ബി.ജെ. വാട്ലിങ് (വിക്കറ്റ് കീപ്പർ), പാറ്റ് കമ്മിൻസ്, മിച്ചൽ സ്റ്റാർക്ക്, നീൽ വാഗ്നർ, നഥാൻ ലിയോൺ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.