ഇന്ത്യയിൽ ആദ്യ ഡേനൈറ്റ്​ ടെസ്​റ്റ്​ വരുന്നു; ഹൈദരാബാദോ രാജ്​കോ​േട്ടാ വേദിയാവും

ന്യൂഡൽഹി: ഇന്ത്യൻ മണ്ണിലെ ആദ്യ ഡേനൈറ്റ്​ ടെസ്​റ്റിന്​ ഹൈദരാബാദോ രാജ്​കോ​േട്ടാ വേദിയാവും. ​വിൻഡീസ്​ പര്യടനത്തിലെ രണ്ട്​ ടെസ്​റ്റുകളിൽ ഒന്ന്​ ​രാത്രിയും പകലുമായി നടത്താൻ ബി.സി.സി.​െഎ  തീരുമാനിച്ചു. ഭരണസമിതിയുടെ അനുമതി​ക്കുപിന്നാലെ വേദി അന്തിമമായി നിർണയിക്കും.

സീസണിൽ മൂന്ന്​ ടെസ്​റ്റ്​ മത്സരങ്ങൾക്കാണ്​ ഇന്ത്യ വേദിയാവുന്നത്​. ജൂണിൽ അഫ്​ഗാനെതിരെയും ഒക്​ടോബർ^നവംബറിൽ വിൻഡീസിനെതിരെയും. വിൻഡീസ്​ അഞ്ച്​ ഏകദിനവും മൂന്ന്​ ട്വൻറി20യും ഇവിടെ കളിക്കും. ​2019 ഫെബ്രുവി-മാർച്ചിൽ ആസ്​ട്രേലിയൻ ടീമും സന്ദർശനത്തിനെത്തും. അഞ്ച്​ ഏകദിനവും രണ്ട്​ ട്വൻറി20യും ഉൾപ്പെടുന്നതാണ്​ പരമ്പര.