മുഖത്തടിക്കൽ: ശ്രീശാന്തിനോട് മാപ്പ് ചോദിച്ച് ഹർഭജൻ

മുംബൈ: ഐ.പി.എൽ മത്സരത്തിനിടെ മലയാളി ക്രിക്കറ്റ് താരം ശ്രീശാന്തിനെ മുഖത്തടിച്ച സംഭവത്തിൽ മാപ്പ് ചോദിച്ച് ഹർഭജ ൻ സിങ്. തൻെറ ജീവിതത്തിൽ മാറ്റം വരുത്താൻ ആഗ്രഹിക്കുന്ന എന്തെങ്കിലും ഉണ്ടെങ്കിൽ അത് ഈ വലിയ തെറ്റ് ആയിരിക്കുമെന്ന് ഭാജി വ്യക്തമാക്കി.

ഒരുപാട് ആളുകൾ ഇപ്പോഴും ആ സംഭവത്തെക്കുറിച്ച് സംസാരിക്കുന്നു. എനിക്ക് പഴയ കാലത്തേക്ക് തിരികെ പോയി തെറ്റുതിരുത്താൻ സാധിച്ചാൽ ഞാൻ അത് ചെയ്യും. ഞാൻ അങ്ങനെ ചെയ്യരുതായിരുന്നു- ഹർഭജൻ പറഞ്ഞു. ശ്രീശാന്തിനെ ഒരു സഹോദരനെന്ന നിലയിൽ പരിഗണിക്കുന്നുവെന്നും എല്ലാ ആശംസകളും നേരുന്നതായും അദ്ദേഹം പറഞ്ഞു.