ക്രിക്കറ്റിൽ മതം നോക്കാറില്ലെന്ന് സഞ്ജീവ് ഭട്ടിന് ഹർഭജന്‍റെ മറുപടി

ന്യൂഡൽഹി: ഇന്ത്യൻ ക്രിക്കറ്റ് ടീമിലെ മുസ് ലിം പ്രാതിനിധ്യത്തെ കുറിച്ചുള്ള ഗുജറാത്ത് മുൻ ഐ.പി.എസ് ഒാഫീസർ സഞ്ജീവ് ഭട്ടിന് മറുപടിയുമായി ക്രിക്കറ്റ് താരം ഹർഭജൻ സിങ്. ക്രിക്കറ്റിൽ മതത്തിന് പ്രാധാന്യമില്ലെന്ന് ഹർഭജൻ ട്വീറ്ററിൽ കുറിച്ചു. ദേശീയ ടീമിൽ ഒരാൾ കളിക്കുന്നത് ഇന്ത്യക്കാരൻ എന്ന പേരിലാണെന്നും നിറവും ജാതിയും നോക്കിയല്ലെന്നും ഹർഭജൻ വ്യക്തമാക്കി. 

हिंदू मुस्लिम सिख ईसाई आपस में है भाई। क्रिकेट टीम में खेलने वाला हर खिलाड़ी हिंदुस्तानी है उसकी जात या रंग की बात नहीं होनी चाहिए (जय भारत) https://t.co/UVvSHaLJdY

— Harbhajan Turbanator (@harbhajan_singh) October 23, 2017

സ്വാതന്ത്ര്യത്തിന് ശേഷം എത്ര മുസ് ലിംകൾ ഇന്ത്യൻ ക്രിക്കറ്റ് ടീമിൽ കളിച്ചിട്ടുണ്ടെന്നാണ് സഞ്ജീവ് ഭട്ട് ട്വീറ്റിലൂടെ ചോദിച്ചത്. ഇപ്പോഴത്തെ ടീമിൽ എത്ര മുസ് ലിംകളുണ്ട്. മുസ് ലിംകൾ ക്രിക്കറ്റ് കളിക്കുന്നത് അവസാനിപ്പിച്ചോ. അല്ലെങ്കിൽ സെലക്ടർമാർ ക്രിക്കറ്റ് കളിക്കാരെ തെരഞ്ഞെടുക്കുന്നത് വേറെ കളിയുടെ നിയമപ്രകാരമാണോ എന്നും സഞ്ജയ് ഭട്ട് ചോദിച്ചിരുന്നു.

क्या इस समय भारतीय क्रिकेट टीम में कोई मुस्लिम खिलाड़ी है ?

आज़ादी से आज तक ऐसा कितनी बार हुआ कि भारत की क्रिकेट... https://t.co/Nb6ufi71qX

— Sanjiv Bhatt (IPS) (@sanjivbhatt) October 22, 2017

മുഹമ്മദ് ഷമി, മുഹമ്മദ് സിറാജ് എന്നീ രണ്ട് മുസ് ലിം കളിക്കാർ നിലവിലെ ഇന്ത്യൻ ടീമിൽ അംഗങ്ങളാണ്. ശ്രീലങ്കക്കെതിരായ ടെസ്റ്റ് പരമ്പരക്കും ന്യൂസിലൻഡിനെതിരായ ട്വന്‍റി20 മത്സരത്തിനും വേണ്ടിയാണ് ഇവരെ ടീമിൽ ഉൾപ്പെടുത്തിയത്. ഇന്ത്യൻ പ്രീമിയർ ലീഗ് പത്താം പതിപ്പിനായി സിറാജുമായി സൺറൈസ് ഹൈദരാബാദ് 2.6 കോടി രൂപക്കാണ് കരാറിലേർപ്പെട്ടത്.