Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഗ്രീൻഫീൽഡിൽ ബിജു ‘മാൻ...

ഗ്രീൻഫീൽഡിൽ ബിജു ‘മാൻ ഓഫ് ദ മാച്ച്’

text_fields
bookmark_border

തിരുവനന്തപുരം: ഗ്രീൻഫീൽഡിലെ പുൽനാമ്പുകൾക്ക് തീപിടിപ്പിക്കാൻ കളിക്കാർക്ക്​ കഴി​െഞ്ഞങ്കിൽ അതി​െൻറ ഫുൾമാർക്ക് കേരള ക്രിക്കറ്റ് അസോസിയേഷനും ബി.സി.സി.ഐയും നൽകുന്നത് ക്യൂറേറ്റർ എം.എം. ബിജുവിനാണ്. കാരണം കഴിഞ്ഞ ഒരുവർഷമായുള്ള ബിജുവി​െൻറ രാപ്പകൽ അധ്വാനമാണ് കാര്യവട്ടത്ത് ആവേശമായി അലയടിച്ചത്.

കഴിഞ്ഞ 27 വർഷമായി കേരള ക്രിക്കറ്റ് അസോസിയേഷ‍​​െൻറ മത്സരങ്ങൾക്ക് പിച്ചൊരുക്കുന്നത് ബിജുവാണ്. പിച്ചിൽ ബിജുവൊരുക്കിയ മാന്ത്രികതയാണ് തുടർച്ചയായി ഇന്ത്യയുടെ മത്സരങ്ങൾ കാര്യവട്ടത്തേക്ക് എത്തുന്നതിനുള്ള പ്രധാനകാരണം. കഴിഞ്ഞ മൂന്ന് വർഷവും റണ്ണൊഴുകുന്ന പിച്ചായിരുന്നു കാര്യവട്ടത്ത് ബിജു ഒരുക്കിയത്. പക്ഷേ, ആരാധകർക്ക് മുന്നിൽ താനൊരുക്കിയ പിച്ചി​െൻറ തനിസ്വഭാവം കാണിക്കാൻ നാളിതുവരെ ബിജുവിന് കഴിഞ്ഞിരുന്നില്ലെന്നുമാത്രം.

2017ൽ നടന്ന ഇന്ത്യ-ന്യൂസിലാൻഡ് ട്വൻറി-20 മത്സരം മഴമൂലം ഒരുപന്തുപോലും എറിയാതെ ഉപേക്ഷിക്കേണ്ടിവരുമെന്ന ഘട്ടത്തിലാണ് ബിജുവി‍​െൻറ നേതൃത്വത്തിലുള്ള ഗ്രൗണ്ട് സ്​റ്റാഫ്​ ഭഗീരഥ പ്രയത്നം നടത്തിയത്​. മൈതാനം മത്സര സജ്ജമാക്കിയ ആ കഠിനാധ്വാനമാണ്​ കിവികൾക്കെതിരായ ആദ്യ ട്വൻറി-20 പരമ്പര സ്വന്തമാക്കാൻ ഇന്ത്യയെ സഹായിച്ചത്. അന്ന് വിരാട് കോഹ്​ലി ഏറെ നന്ദി പറഞ്ഞതും ബിജുവിനോടായിരുന്നു.

കഴിഞ്ഞവർഷം നടന്ന ഇന്ത്യ-വെസ്​റ്റിൻഡീസ് ഏകദിന പരമ്പരയിലും രണ്ട് ടീമും കൂടി എറിഞ്ഞത് 46 ഓവർ മാത്രം. കേരളത്തി​െൻറ രഞ്ജി മത്സരങ്ങൾക്കും ഇന്ത്യ എ-ഇംഗ്ലണ്ട് എ, ഇന്ത്യഎ -ദ.ആഫ്രിക്ക എ ടീമുകളുടെ മത്സരത്തിനും പിച്ച് ഒരുക്കാൻ ബി.സി.സി.ഐ ചുമതലപ്പെടുത്തിയത് 46കാരനായ ബിജുവിനെയാണ്.

ദക്ഷിണാഫ്രിക്ക എ ടീമിനെതിരെ ബിജുവൊരുക്കിയ പിച്ചിൽ അടിച്ചുതകർത്താണ് മലയാളി സഞ്ജു സാംസൺ വീണ്ടും ഇന്ത്യൻ ടീമിൽ ഇടംപിടിച്ചത്. അന്ന് ത‍​​െൻറ മാച്ച് ഫീ സഞ്ജു സമ്മാനമായി നൽകിയതും പിച്ചൊരുക്കിയ ബിജുവിനും കൂട്ടർക്കുമായിരുന്നു. ഇത്തവണ പൂർണമത്സരം നടന്നെങ്കിലും താനൊരുക്കിയ കളിത്തട്ടിൽ സഞ്ജുവില്ലെന്ന വിഷമം മാത്രമായിരുന്നു ആ മുഖത്തുണ്ടായിരുന്നത്.

Show Full Article
TAGS:Greenfield Stadium curator MM biju 
News Summary - greenfield stadium curator MM biju
Next Story