ഗംഭീറിൻെറ ഇന്നിങ്​സ്​ ഇനി ബി.ജെ.പിയിൽ

ന്യൂഡൽഹി: മുൻ ഇന്ത്യൻ ക്രിക്കറ്റ്​ താരം ഗൗതം ഗംഭീർ ബി.ജെ.പിയിൽ ചേർന്നു. കേന്ദ്രമന്ത്രിമാരായ അരുൺ ജെയ്​റ്റ്​ലി , രവിശങ്കർ പ്രസാദ്​ എന്നിവരുടെ സാന്നിധ്യത്തിലാണ്​ ഗൗതം ഗംഭീർ ബി.ജെ.പി അംഗത്വം സ്വീകരിച്ചത്​. ഡൽഹിയിൽ നിന്ന്​ ലോക്​സഭയിലേക്ക്​ ബി.ജെ.പി ടിക്കറ്റിൽ ഗംഭീർ മൽസരിച്ചേക്കുമെന്നും റിപ്പോർട്ടുകളുണ്ട്​.

37കാരനായ ഗംഭീർ 2016ൽ ഇംഗ്ലണ്ടിനെതിരായാണ്​ അവസാനമായി ഏകദിന മൽസരം കളിച്ചത്​. 2018ലായിരുന്നു ഗംഭീറിൻെറ അവസാന രഞ്​ജി മൽസരം. കഴിഞ്ഞ കുറേ വർഷങ്ങളായി രാഷ്​ട്രീയ വിഷയങ്ങളിൽ ട്വിറ്ററിലൂടെ ഗംഭീർ അഭിപ്രായ പ്രകടനങ്ങൾ നടത്തിയിരുന്നു.