Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightസ്​പിൻ ഇതിഹാസം അബ്​ദുൽ ...

സ്​പിൻ ഇതിഹാസം അബ്​ദുൽ ഖാദിർ അന്തരിച്ചു

text_fields
bookmark_border
abdul-qadir-060919.jpg
cancel

ലാഹോർ: പാകിസ്​താൻ ക്രിക്കറ്റിലെ സ്​പിൻ ഇതിഹാസം അബ്​ദുൽ ഖാദിർ (63) അന്തരിച്ചു. ഹൃദയാഘാതത്തെ തുടർന്ന്​ ലാഹോറിലായിരുന്നു അന്ത്യം. സെപ്​റ്റംബർ 15ന്​ ത​​​െൻറ 64ാം പിറന്നാൾ ആഘോഷിക്കാനുള്ള ഒരുക്കത്തിനിടെയാണ്​​ വേർപാട്​. 1970, 80 കാലഘട്ടങ്ങളിൽ പാക്​ ബൗളിങ്ങി​​​െൻറ നെടുംതൂണായിരുന്നു അബ്​ദുൽ ഖാദിർ.

എതിർ ബാറ്റ്​സ്​മാൻമാരെ ആശയക്കുഴപ്പത്തിലാക്കുന്ന ഡാൻസിങ്​ ​ ആക്​ഷനും ടേണുംകൊണ്ട്​ ഖാദിർ നടന്നുകയറിയത്​ ​ലെഗ്​ സ്​പിന്നി​​​െൻറ പരിഷ്​കർത്താവ്​ എന്ന പദവിയിലേക്കായിരുന്നു. കൈവിരലുകളിൽ ഒളിപ്പിച്ച മാന്ത്രികതയുമായി ക്രീസിനെ അദ്ദേഹം അടക്കിവാണപ്പോൾ അതേ മാതൃക പിന്തുടർന്ന്​ ഒരുപിടി സ്​പിൻ ഇതിഹാസങ്ങൾ വളർന്നു.

മുഷ്​താഖ് അഹമ്മദ്​​, ഷെയ്​ൻ വോൺ തുടങ്ങിയവരുടെ ഗുരുതുല്യനും കൂടിയായിരുന്നു ഖാദിർ. 1977 ഡിസംബർ 14ന്​ ഇംഗ്ലണ്ടിനെതിരായ ടെസ്​റ്റ്​ മത്സരത്തിലൂടെയായിരുന്നു അരങ്ങേറ്റം. 1990 വരെ ടെസ്​റ്റ്​ കളിച്ചു.

67 മത്സരങ്ങളിൽ 236 വിക്കറ്റുകൾ സ്വന്തം പേരിലാക്കി. 1983 ജൂണിൽ ന്യൂസിലൻഡിനെതിരായിരുന്നു ഏകദിന അരങ്ങേറ്റം. 1993ൽ വിരമിക്കു​േമ്പാഴേക്കും 132 വിക്കറ്റുകളും നേടി. 1987ൽ ഇംഗ്ലണ്ടിനെതിരെ ഒരു ഇന്നിങ്​സിൽ ഒമ്പതു വിക്കറ്റ്​ വീഴ്​ത്തിയതായിരുന്നു ഏറ്റവും മികച്ച വ്യക്​തിഗത പ്രകടനം. ആ പരമ്പരയിൽ മൂന്ന്​ ടെസ്​റ്റിലായി 30 വിക്കറ്റു വീഴ്​ത്തി.

ഗൂഗ്ലിയും ഫ്ലിപ്പറും ആയുധമാക്കിയാണ്​ ഖാദിർ 70-80 കാലഘട്ടത്തിൽ പാകിസ്​താൻ ബൗളിങ്ങി​​​െൻറ നെടുംതൂണായി വാണത്​. ഏതാനും മത്സരങ്ങളിൽ പാകിസ്​താൻ നായകനുമായിരുന്നു. വിരമിച്ച ശേഷം പാക്​ സെലക്​ടറായും കമ​േൻററ്ററായും പ്രവർത്തിച്ചു. ക്രിക്കറ്റർ ഉമർ അക്​മൽ മരുമകനാണ്​.

Show Full Article
TAGS:abdul qadir obit News cricket news malayalam news 
News Summary - former cricketer Abdul Qadir passes away at 67
Next Story