​യുവിയു​െട ബാറ്റിങ്​ മോഹിപ്പിച്ചു -കോഹ്​ലി

ബിർമിങ്​ഹാം: ചാമ്പ്യൻസ്​ ​േ​ട്രാഫിയിൽ പാകിസ്​താനെതിരായ തകർപ്പൻ ജയത്തിനു പിന്നാലെ വെറ്ററൻ താരം യുവരാജ്​ സിങ്ങിന്​ അഭിനന്ദനവുമായി ക്യാപ്​റ്റൻ വിരാട്​ കോഹ്​ലി. പാകിസ്​താനെതിരെ യുവരാജി​​െൻറ ബാറ്റിങ്​ ക്ലബിനുവേണ്ടിയുള്ള പ്രകടനംപോലെ തോന്നിച്ചുവെന്നായിരുന്നു കോഹ്​ലിയുടെ പ്രതികരണം. 32 പന്തിൽ 53 റൺസെടുത്ത്​ യുവരാജ്​ സിങ്​ വെടിക്കെട്ട്​ വീര്യം പുറത്തെടുത്ത മത്സരത്തിൽ പാകിസ്​താനെതിരെ 124 റൺസി​​െൻറ കൂറ്റൻ വിജയമാണ്​ ഇന്ത്യ സ്വന്തമാക്കിയത്​.

‘‘യുവരാജ്​ ബാറ്റ്​ ചെയ്യു​േമ്പാർ മറുഭാഗത്ത്​ നിന്ന്​ ആസ്വദിക്കുകയായിരുന്നു ഞാൻ. ക്ലബിനുവേണ്ടി കളിക്കുന്നപോലെയായിരുന്നു അദ്ദേഹത്തി​​െൻറ ശൈലി. 50 റൺസെടുത്തുനിൽക്കു​േ​മ്പാഴും ഫ്രീയായി ബാറ്റുവീശാൻ എനിക്ക്​ കഴിഞ്ഞിരുന്നില്ല. എ​​െൻറ സമ്മർദം കുറച്ചത്​ യുവരാജ്​ സിങ്ങാണ്​. ഫുൾടോസ്​ പന്തുകളെയും യോർക്കറുകളെയും സിക്​സറിലേക്കും ഫോറിലേക്കും പറത്തിയ പ്രകടനം തികച്ചും അമ്പരപ്പിക്കുന്നതായിരുന്നു’’ -കോഹ്​ലി പറഞ്ഞു.

ഹാർദിക്​ പാണ്ഡ്യയുടെ ബാറ്റിങ്​ പ്ര​േത്യകം എടുത്തുപറയേണ്ടതാണെന്നും അവസാന നിമിഷങ്ങളിലെ തകർപ്പൻ പ്രകടനമാണ്​ സ്​കോർ 300ലേക്കെത്തിച്ചതെന്നും കോഹ്​ലി കൂട്ടിച്ചേർത്തു. അതേസമയം, ഇന്ത്യൻ ഫീൽഡിങ്ങിൽ നായകൻ സന്തുഷ്​ടനായിരുന്നില്ല. ‘‘ബാറ്റിങ്ങിൽ 10ൽ ഒമ്പത്​ മാർക്ക്​ നൽകാനാവുമെങ്കിലും പാകിസ്​താനെതിരെ ഇന്ത്യൻ ഫീൽഡിങ്ങിന്​ ആറു മാർക്ക്​ മാത്ര​േമ നൽകാനാവൂ. പരിശീലനം നന്നായി നടത്തിയിരുന്നെങ്കിലും ഫീൽഡിങ്ങിൽ കാര്യമായ പ്രകടനം കാഴ്​ചവെക്കാനായില്ല. നിരവധി ക്യാച്ചുകൾ നഷ്​പ്പെടുത്തി. അടുത്ത മത്സരത്തിൽ വീഴ്​ചകൾ പരിഹരിച്ച്​ കളത്തിലിറങ്ങും’’ -കോഹ്​ലി പറഞ്ഞു.