ഗുജറാത്തിൽ ട്രംപ് ​തുറക്കുന്നത്​  ലോകത്തിലെ ഏറ്റവും വലിയ ക്രിക്കറ്റ്​ സ്​റ്റേഡിയം

11:26 AM
19/02/2020
മൊ​ട്ടേര ക്രിക്കറ്റ്​ സ്​​റ്റേഡിയത്തി​െൻറ ആകാശദൃശ്യം

അഹമ്മദാബാദ്​: ഇന്ത്യ സന്ദർശനത്തിനെത്തുന്ന അമേരിക്കൻ പ്രസിഡൻറ്​ ​ഡോണൾഡ്​​ ട്രംപ്​ ഉദ്​ഘാടനം ചെയ്യുന്നത്​ ലോകത്തിലെ ഏറ്റവുംവലിയ ക്രിക്കറ്റ്​ സ്​റ്റേഡിയം. സ്​റ്റേഡിയത്തിൽ വെച്ച്​ ​ട്രംപും മോഡിയും ജനങ്ങ​ളെ അഭിസംബോധന ചെയ്​തേക്കും. 

ഗുജറാത്തിലെ അഹമ്മദാബാദ്​ മൊ​ട്ടേരയിലുള്ള സർദാർ വല്ലഭായ്​ പ​ട്ടേൽ സ്​റ്റേഡിയത്തി​ൽ 110000ത്തിലേറെ പേരെ ഉൾകൊള്ളാനാകും. നിലവിൽ ലോകത്തിലെ ഏറ്റവും വലിയ ക്രിക്കറ്റ്​ സ്​റ്റേഡിയം എന്ന ഖ്യാതിയുള്ളത്​ ഓസ്​ട്രേലിയയിലെ മെൽബണിലുള്ള എം.സി.ജിക്കാണ്​. ഒരു ലക്ഷത്തോളമാണ്​ എം.സി.ജി.യുടെ കപ്പാസിറ്റി. 

1982ൽ ഉദ്​ഘാടനം ചെയ്​ത ഈ സ്​റ്റേഡിയത്തിൽ ഇതുവരെ 12 ടെസ്​റ്റ്​ മത്സരങ്ങളും 24 ഏകദിനത്സരങ്ങളും അരങ്ങേറിയിട്ടുണ്ട്​. 700കോടിയിലേറെ ചെലവഴിച്ചാണ്​ ഗുജറാത്ത്​ ക്രിക്കറ്റ്​ അസോസിയേഷൻ സ്​​റ്റേഡിയം നവീകരിച്ചത്​. 

ശീതീകരിച്ച 75 കോർപ്പറേറ്റ്​ ബോക്​സുകൾ, ക്രിക്കറ്റ്​ അക്കാദമി, ഇൻഡോർ പ്രാക്​സീസ്​ സൗകര്യം, ആധുനിക മീഡിയ ബോക്​സ്​, 3000കാറുകൾക്കും 10000ഇരുചക്ര വാഹനങ്ങൾക്കുമുള്ള പാർക്കിങ്​, നീന്തൽകുളങ്ങൾ, ജിംനേഷ്യം, രണ്ട്​ ചെറുസ്​റ്റേഡിയങ്ങൾ എന്നിവയെല്ലാം ഇതി​​​​െൻറ പ്ര​േത്യകതയാണ്​. 

Loading...
COMMENTS