പ​ന്തി​ൽ ​കൃ​ത്രി​മം: ആസ്ട്രേലിയൻ കോച്ച് ലേമാനും രാജി വെച്ചു

കേപ്ടൗൺ: ആസ്ട്രേലിയൻ ക്രിക്കറ്റ് ടീമിൻറെ പരിശീലക സ്ഥാനത്തു നിന്നും ഡാരൻ ലേമാൻ രാജി വെച്ചു. പ​ന്തി​ൽ ​കൃ​ത്രി​മം കാ​ണി​ച്ച സം​ഭ​വ​ത്തിൻെറ പശ്ചാത്തലത്തിലാണ് രാജി. ദക്ഷിണാഫ്രിക്കക്കെതിരായ അവസാന ടെസ്റ്റിനുശേഷം ലേമാന്‍ പദവി ഒഴിയും. കഴിഞ്ഞ അഞ്ച് വർഷമായി ആസ്ട്രേലിയൻ പരിശീലകനായി പ്രവർത്തിക്കുന്ന ലേമാന് കീഴിൽ രണ്ട് ആഷസ് പരമ്പരയും 2015 ലോകകപ്പും കംഗാരുക്കൾ നേടിയിട്ടുണ്ട്. 2019 ആഷസ് വരെ ലേമാനുമായി ക്രിക്കറ്റ് ബോർഡിന് കരാറുണ്ടായിരുന്നു.
 

പന്ത് ചുരുണ്ടലിൽ കോച്ചിന് ബന്ധമില്ലെന്ന് ക്രിക്കറ്റ് ഓസ്‌ട്രേലിയ കണ്ടെത്തിയിരുന്നു. സംഭവത്തില്‍ കുറ്റക്കാരാണെന്ന് കണ്ടെത്തിയ സ്മിത്തിനെയും വാര്‍ണറെയും ഒരു വര്‍ഷത്തേക്കും ബാന്‍ക്രോഫ്റ്റിനെ ആറു മാസത്തേക്കുമാണ് ക്രിക്കറ്റ് ഓസ്‌ട്രേലിയ വിലക്കിയിരുന്നത്.